Miguel Corgos
| Biografía | |
|---|---|
| Nacemento | 1971  (52/53 anos)A Coruña, España |
| Datos persoais | |
| País de nacionalidade | España |
| Actividade | |
| Ocupación | funcionario , político |
Miguel Corgos López-Prado, nado na Coruña en 1971, é un alto funcionario e político galego, conselleiro de Facenda e Administración Pública dende outubro de 2021.
Traxectoria[editar | editar a fonte]
Licenciado en Ciencias Ecónomicas e Empresariais pola Universidade da Coruña e máster en Administración Financeira e Tributaria así como posgrao en Auditoría de Contas pola mesma universidade, ingresou na función pública galega en 2000 dentro da Intervención Xeral.[1] Conta co diploma de directivo da Escola Galega de Administración Pública.[2] Como funcionario de carreira durante o goberno bipartito presidido por Emilio Pérez Touriño (2005-2009) asumiu a Subdirección xeral de Control Financeiro Permanente da Consellería de Facenda (2005-2007) e logo a Subdirección xeral de Control Orzamentario (2007-2009).
Coa chegada de Alberto Núñez Feijóo á presidencia da Xunta, Corgos foi Director Xeral de Orzamentos (2009-2012) e, entre 2012 e 2021, Director Xeral de Planificación e Orzamentos.[3] O 16 de outubro de 2021 foi designado conselleiro de Facenda e Administración Pública para cubrir a vacante deixada polo pasamento do anterior titular, Valeriano Martínez.[4]
Tomou posesión do cargo o 18 de outubro de 2021 no Pazo de Raxoi, participando logo nun Consello da Xunta extraordinario que aprobou o proxecto de orzamentos para o 2022.[5]
Nas eleccións ao Parlamento galego de 2024, saíu elixido deputado pola Coruña.[6] Continuou como Conselleiro de Facenda e Administración Pública no novo gabinete de Alfonso Rueda.
| Predecesor: Valeriano Martínez |
 Conselleiro de Facenda 2021 - actualidade |
Sucesor: no cargo |
Notas[editar | editar a fonte]
- ↑ "Miguel Corgos López-Prado - Portal Transparencia". transparencia.xunta.gal. Consultado o 2021-10-16.
- ↑ "Miguel Corgos toma o relevo como conselleiro de Facenda tras a morte de Valeriano Martínez". Galicia Confidencial. Consultado o 2021-10-16.
- ↑ "Miguel Corgos López-Prado". www.elcorreogallego.es (en castelán). Consultado o 2021-10-16.
- ↑ "Feijóo nomea a Miguel Corgos novo conselleiro de Facenda e Administración Pública". www.crtvg.es. Consultado o 2021-10-16.
- ↑ Galicia, Xunta de (2021-10-17). "A Xunta aprobará mañá o proxecto de orzamentos para 2022, unhas contas enfocadas á recuperación económica na fase final da pandemia". Xunta de Galicia. Arquivado dende o orixinal o 18 de outubro de 2021. Consultado o 2021-10-18.
- ↑ Cedrón, María; García Calvo, Lorena (19 de febreiro de 2024). "Este es el nuevo Parlamento de Galicia, diputado a diputado". lavozdegalicia.es (en castelán). Consultado o 21 de febreiro de 2024.