Rally do Albariño
| Tipo | carreira automobilística  |
|---|---|
| Deporte | rally |
| Parte de | Campionato de Galicia de Rally |
| Localización e Datas | |
| Localización | O Salnés (Provincia de Pontevedra) 42°30′N 8°48′O / 42.5, -8.8 |
| País | España |
| Vixencia | 1992 – 2009 |
| Datos estatísticos | |
| Máis títulos | Manuel Senra (8) |
O Rally do Albariño foi unha proba de rally, que se celebraba anualmente en Cambados e outros concellos da comarca do Salnés.
A primeira edición celebrouse en 1992 e a última en 2009. Organizábao a escudaría Caldas Motor nos seus inicios e Salnés Motor máis tarde, e era puntuable para o Campionato de Galicia de Rally. O piloto máis laureado da proba é Manuel Senra, que gañou o rally en oito ocasións.
Historia
[editar | editar a fonte]Naceu en 1992 organizado pola escudaría Caldas Motor. A primeira edición abriu a tempada 1992 do Campionato de Galicia de Rally, substituíndo como proba inaugural ao Rally do Sil. Manuel Senra e o seu copiloto José Maceiras a bordo dun Peugeot 309 GTI 16v dominaron con facilidade aquela primeira edición, por diante do Ford Sierra RS Cosworth de Germán Castrillón e Estrella Castrillón e do Lancia Delta Integrale de José María Magdaleno e Mario Labraña.[1] Tras ese triunfo inicial de Senra, outros catro pilotos diferentes gañaron o rally os catro seguintes anos e todos sobre vehículos da marca Ford: Germán Castrillón,[2] Miguel Dopico,[3] Germán Gómez e Javier Paz, os tres primeiros con Ford Escort e o último cun Ford Sierra.
A edición de 1997 significou a segunda vitoria de Senra, esta vez xa con Fasutino Suárez como copiloto e co seu famoso Peugeot 306 Maxi, vehículo este que sería o gran dominador durante a seguinte década. Só as vitorias de Javier Piñeiro cun Renault Clio Maxi en 1998 e de e Germán Castrillón cun Mitsubishi Lancer Evo VI no ano 2000, se interpuxeron no camiño do Peugeot, que logrou a vitoria con Manuel Senra en 1999 e nas seis edicións consecutivas entre 2001 e 2005, e con Bamarti, que cun coche do mesmo modelo gañou en 2006 e 2007. Na edición de 2005 deuse como gañador inicialmente a Bamarti,[4] que subiu a recoller o trofeo de vencedor ao primeiro caixón do podio, pero unha revisión de tempos posterior confirmou a oitava vitoria de Senra.[5]
O piloto de Vincios Alberto Meira, a bordo dun Mitsubishi Lancer Evo IX venceu na edición de 2008,[6] mentres que os irmáns Burgo, Pedro e Marcos, foron os últimos en lograr a vitoria na proba cambadesa en 2009, a bordo dun Mitsubishi Lancer Evo IX e tras unha dura loita con Meira.[7] Dende 2008 celébrase na mesma zona o Rally do Albariño de Clásicos, organizado polo Club Clásicos Salnés.[8]
Palmarés
[editar | editar a fonte]
Notas
[editar | editar a fonte]- ↑ Arévalo, Fernando (30 de marzo de 1992). "El triunfo de Senra en el Rally do Albariño hace prever un Campeonato Gallego muy disputado". La Voz de Galicia (en castelán).
- ↑ Chas, Abeta (28 de marzo de 1993). "Los Castrillón, vencedores del segundo Rally Albariño". La Voz de Galicia (en castelán). p. 55.
- ↑ "Dopico, del Siroco Team, vencedor del III Ralli do Albariño". La Voz de Galicia (en castelán). 27 de marzo de 1994. p. 57.
- ↑ "Bamarti puede con Senra en el rally do Albariño". La Voz de Galicia (en castelán). 21 de maio de 20055. Consultado o 15 de maio de 2020.
- ↑ "Un año en el que todo sigue igual en Galicia" (en castelán). 2005. Consultado o 15 de maio de 2020.
- ↑ "Alberto Meira foi o máis rápido no Rally do Albariño". 26 de maio de 2008. Consultado o 15 de maio de 2020.
- ↑ Penedo, Pablo (17 de maio de 2009). "Burgo vence en el Rali do Albariño tras un apretado final con Meira" (en castelán). Consultado o 15 de maio de 2020.
- ↑ "Club Clásicos Salnés" (en castelán). Consultado o 15 de maio de 2020.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte] |
Wikimedia Commons ten máis contidos multimedia na categoría: Rally do Albariño |