Ford Motor Company

Na Galipedia, a Wikipedia en galego.


Ford Motor Company
Ford Motor Company Logo.svg
Sinte a diferenza
Fundación 16 de junio de 1903
Localización Dearborn, Míchigan, , Estados Unidos de América Estados Unidos
Fundador Henry Ford
Persoas clave Alan Mulally (Presidente)
Industria Automóbil
Produtos Automóbiles
Número de empregados 164.000 (2011)
Páxina web ford.com


A Ford Motor Company (normalmente chamada simplemente Ford ou Ford's) é unha empresa multinacional estadounidense construtora de automóbiles con base en Dearborn, Michigan, Estados Unidos. Foi fundada o 16 de xuño de 1903 por Henry Ford en Detroit, Michigan. Segundo a revista Fortune, DaimlerChrysler e Toyota Motor superaron a Ford situándose como o segundo e terceiro grupo de construtores de automóbiles mundial con máis ingresos en 2004 respectivamente. Durante moitos anos Ford foi o número dous mundial por detrás de General Motors. Ford continúa sendo unha das 500 meirandes corporacións por número de ingresos.

A Ford Motor Company abrangue tamén Volvo, Jaguar, Mercury, Lincoln, Land Rover e Mazda.

Na actualidade Ford ten plantas de construción en moitos países do mundo, e crea automóbiles para diferentes países baseándose nos gustos territoriais. Ofrece dous modelos híbridos: o Ford C-Max e o Ford Escape.

Historia[editar | editar a fonte]

Henry Ford

Ford foi fundada en 1903 con 28000 dólares aportados por doce inversores, entre os que se incluía o socio que lle deu nome á compañía, Henry Ford, que daquela contaba con 40 anos de idade. Nos seus primeiros anos, Ford producía uns poucos coches por día na súa fábrica da avenida Mack en Detroit, Michigan. Grupos de dous ou tres homes traballaban en cada automóbil utilizando compoñentes fabricados noutras compañías. Pouco a pouco, a Ford Motor Company continuaría medrando ata ser unha das compañías máis grandes e lucrativas do mundo desenvolvido, así como tamén unha das compañías máis grandes dirixidas por unha familia: a familia Ford mantivo o control da compañía durante case 100 anos. Ford foi unha das empresas que conseguiu sobrevivir á gran depresión dos anos 30. En 1908 a compañía lanzou o modelo Ford T, construída a súa primeira unidade na fábrica manufactureira de Piquette. A compañía tivo que trasladar pouco despois as súas instalacións de produción á planta de Highland Park, máis grande cá anterior, para poder satisfacer a demanda do novo modelo T. Cara a 1903, a compañía desenvolvera todas as técnicas de liña de produción en masa. Ford creou a primeira liña de produción móbil ese ano, a cal reduciu o tempo de ensamblaxe do chasis de 12 horas e media a 100 minutos.

O primeiro modelo deseñado e realizado para Europa foi o Ford Y 8 HP.

O Modelo T[editar | editar a fonte]

Ford T

O Ford T apareceu no mercado o 1 de outubro de 1908 e presentaba unha gran cantidade de innovacións. Por exemplo tiña o volante á esquerda, sendo isto algo que na gran maioría das outras compañías copiaron. Todo o motor e a transmisión ían pechados, os catro cilindros estaban encaixados nun bloque sólido e os amortecedores funcionaban mediante dous resortes semielípticos. O automóbil era moi sinxelo de conducir e, máis importante, máis barato e fácil de reparar. Era tan barato que cun custo de 825 dólares estadounidenses en 1908 (o prezo caía cada ano), para 1920 a gran maioría de condutores aprenderan a conducir o Ford T.

O proxecto consistía en fabricar automóbiles sinxelos e baratos destinados ó consumo masivo da familia media estadounidense. Ata entón o automóbil fora un obxecto de fabricación artesanal e de custo prohibitivo, destinado a un público moi limitado. Ford puxo o automóbil ao alcance das clases medias, introducindo a era do consumo en masa.

Ford tamén se preocupou de instalar unha publicidade masiva en Detroit, asegurándose de que en cada xornal aparecesen historias e anuncios sobre o seu novo produto. O seu sistema de concesionarios locais permitiu que o automóbil estivese dispoñible en cada cidade de EE.UU. Pola súa parte, os concesionarios (empresarios independentes) foron enriquecéndose e axudaron a publicitar a mesma idea do automobilismo, comezando a desenvolvérense os clubs automobilísticos para axudar aos condutores e para saír máis alá da cidade. Ford estaba encantado de vender aos granxeiros, que miraban o vehículo como un invento máis para axudalos no seu traballo.

As ventas disparáronse durante varios anos.

Véxase tamén[editar | editar a fonte]

Ligazóns externas[editar | editar a fonte]