Subida á Estrada

Subida á Estrada

28ª Subida á Estrada
Tipo	competición deportiva
Deporte	carreira de montaña
Parte de	Campionato de Galicia de Montaña
Localización  e  Datas
Localización	A Estrada (provincia de Pontevedra) 42°41′21″N 8°29′14″O
País	España
Vixencia	1971 –

A Subida á Estrada é unha carreira automobilística de montaña que se disputa na Estrada e que puntúa para o Campionato de Galicia de Montaña. Celebrada de xeito intermitente dende 1971 é a segunda subida galega con máis edicións disputadas, só por detrás da Subida a Chantada.

Historia

A proba nace en 1971, cando se celebra a primeira edición durante as festas de San Paio, organizada pola Escudería Pontevedra a petición de Alejandro Durán, quen se ocuparía da organización das seguintes edicións como presidente da Escudería Estradense. O Porsche 911 R de Humberto Rodríguez foi o vencedor nas dúas primeiras edicións, disputándose a proba de xeito ininterrompido ata 1977, anos nos que destaca a vitoria en 1975 de Beny Fernández a bordo do Alpinche de Estanislao Reverter, só unha semana despois de debutar con el no Rally de Ourense. En 1975 entrou a formar parte do novo Campionato Galego de Automobilismo.

Tras uns anos sen celebrarse, volveu en 1982, xa como parte do Campionato de Galicia de Montaña, e coa segunda vitoria de Alberto González "Camba". Nos seguintes anos sufriu varias interrupcións ata que logrou ter regularidade a partir de 2008, ano no que Cristóbal Serantes conseguiu a primeira das súas catro vitorias consecutivas. Tras a vitoria de Jacobo Sobral en 2014 a proba non se levou a cabo durante os dous anos seguintes, ata que en 2017 volveu ao calendario cunha nova vitoria de Sobral. Alexis Viéitez gañou nas edicións de 2018 e 2019, mentres que a de 2020 foi suspendida pola pandemia por coronavirus.

Enumeración

Hai un problema coa numeración das diferentes edicións. O problema produciuse por mor das diferentes edicións en que non se celebrou o que provocou que fosen saltando as edicións ata que en 2014 se regularizou. Así, despois de 1989 (XII edición), non houbo máis edicións ata 1994 que pasou a ser, erroneamente, a XIV edición. De novo, non se celebrou durante nove anos, e no 2003, se celebrou a XII edición. E tras outro parón, en 2008, se presentou como a XIII edición, e xa, con edicións correlativas ata que en 2014, se pediu permiso á Federación para ordenar o número real de edicións, polo que se saltou ata a XXI, cando no 2013 se celebrara a XVIII. Unha vez conseguido o permiso, continúa a ordenación real.

Palmarés

Ano	Edición	Vencedor	Vehículo
1971	I Subida á Estrada	Humberto Rodríguez	Porsche 911 R
1972	II Subida á Estrada	Humberto Rodríguez	Porsche 911 R
1973	III Subida á Estrada	Eusebio Bonjoch	Fiat Abarth 2000
1974	IV Subida á Estrada	Luis Quinzán	Alpine A110 1600
1975	V Subida á Estrada	Beny Fernández	Alpinche
1976	VI Subida á Estrada	Luis Quinzán	Fórmula Martini MK-12 F1800
1977	VII Subida á Estrada	Camba	Selex ST-4/F 1800
Non se celebrou
1982	IX Subida á Estrada	Camba	Selex ST-4 2000
1983	X Subida á Estrada	Víctor Abraham	Selex ST-4 2000
1984	XI Subida á Estrada	Francisco Egozkue	Lola BMW
Non se celebrou
1989	XII Subida á Estrada	Víctor Abraham	Osella BMW
Non se celebrou
1994	XIV Subida á Estrada	Víctor Abraham	Martini MK-34 Alfa
Non se celebrou
2003	XII Subida á Estrada	Bamarti	Mitsubishi Lancer Evo VI
Non se celebrou
2008	XIII Subida á Estrada	Cristóbal Serantes	Fórmula Outeda
2009	XIV Subida á Estrada	Cristóbal Serantes	Fórmula Ralt RT-34
2010	XV Subida á Estrada	Cristóbal Serantes	Fórmula Ralt RT-34
2011	XVI Subida á Estrada	Cristóbal Serantes	Fórmula Ralt RT-34
2012	XVII Subida á Estrada	Toño Varela	Osella PA20-S
2013	XVIII Subida á Estrada	Sergio Varela	Silver Car S2
2014	XXI Subida á Estrada	Jacobo Sobral	Silver Car S2
Non se celebrou
2017	XXII Subida á Estrada	Jacobo Sobral	Silver Car S2
2018	XXIII Subida á Estrada	Alexis Viéitez	Fórmula Outeda Mk
2019	XXIV Subida á Estrada	Alexis Viéitez	Fórmula Dicode BFR
2021	XXV Subida á Estrada	Adrián Rozados	CM Silver Car EF10
2022	XXVI Subida á Estrada	Jacobo Senín	Nova Proto NP01 EMAP
2023	XXVII Subida á Estrada	Jacobo Senín	Nova Proto NP01 EMAP
2024	XXVIII Subida á Estrada	Jacobo Senín	Nova Proto NP01 EMAP

Véxase tamén

Ligazóns externas

• Sitio web oficial da Federación Galega de Automobilismo