Iván Ares

Na Galipedia, a Wikipedia en galego.
Saltar ata a navegación Saltar á procura

Iván Ares Roel
Formula Rally do Cocido 2014 (Ivan Ares).jpg
Informacións
NomeIván
ApelidoAres Roel
Data de nacemento 5 de marzo de 1985
País Galicia Galicia
Carreiras 106
Primeira carreira Rally Cidade de Narón, 2006
Última carreira Rally de Cantabria, 2019
Vitorias 25
Primeira vitoria Rally do Cocido, 2011
Última vitoria Rally do Cocido, 2019
Último equipo Hyundai
Vehículos
2006
2006-08
2009-11
2011-17
2016
2016
2016
2017-19
Fiat Punto HGT
Peugeot 206 XS
Mitsubishi Lancer Evo VIII
Porsche 997 GT3 RS 3.6
Ford Fiesta R5
Škoda Fabia R5
Subaro BRZ
Hyundai i20 R5
Principais vitorias
* Campionato de España en 2017
* Campionato de Galicia en 2011 e 2014

Rubén Iván Ares Roel, nado en Cambre[1] o 5 de marzo de 1985, mais coñecido como Iván Ares é un piloto de rally galego, que foi campión de España en 2017 e campión de Galicia en 2011 e 2014.

Ademais foi subcampión de España en tres ocasións: 2015, 2018 e 2019.

Traxectoria[editar | editar a fonte]

Inicios[editar | editar a fonte]

Pertence a unha familia con tradición no automobilismo galego, seu pai Santiago Ares foi campión de kartcross e seu irmán Santiago tamén compite na modalidade kartcross.[2]

Debutou como piloto de kartcross no 2001, acadando o campionato galego da modalidade en 2004, 2005 e 2011 e foi subcampión de España en 2005 e 2006. Neses anos participou en dous eventos en Galicia e Asturias como copiloto e logo saltou ao rally como piloto gañando o Volante RACC Galicia Júnior no 2007.

Comezou sendo piloto de kartcross en 2001, logrando os títulos de campión galego da modalidade en 2004, 2005 e 2011 e foi subcampión de España en 2005 e 2006[1]. Neses anos participou en dous eventos en Galicia e Asturias como copiloto e logo saltou aos rallys como piloto.

Campionato galego (2006-2014)[editar | editar a fonte]

Iván Ares (dereita), xunto ao seu copiloto no Rally Botafumeiro de 2007

Debutou como piloto de rally no Rally Cidade de Narón no 2006 a bordo dun Fiat Punto HGT e con José Ramón Seoane como copiloto, con resultado de abandono. Despois participou no Rally Botafumeiro cun Peugeot 206 XS. Ao ano seguinte completou a tempada completa do campionato galego co 206, logrando como mellor resultado un segundo posto no Rally Ourense-Baixa Limia, o seu primeiro podio no certame.[3] Esa tempada rematou en 6ª posición final e gañou o Volante RACC Galicia. Ao ano seguinte debutou no campionato de España disputando case todas as citas do calendario. O seu mellor resultado foi un décimo quinto no Rally de Sierra Morena. Ao ano seguinte só participou no Rally Sur do Condado cun Mitsubishi Lancer Evo VIII e no Rally de Ferrol do nacional acadando o cuarto lugar.[4] En 2010 afrontou de novo o campionato galego pero sumou varios abandonos e só logrou rematar no Rally do Cocido cun terceiro posto[5] e no Rally San Froilán cun segundo.[6]

Na tempada 2011 logrou a súa primeira vitoria no Campionato de Galicia de Rally cunha vitoria no Rally do Cocido.[7] Repetiu en Noia[8] e despois de tres podios (Ulloa, Narón e San Froilán), cambiou de cara ao Rally Serra da Groba onde se inscribiu cun Porsche 997 GT3 RS 3.6 logrando a vitoria.[9][10] Na última cita, o Rally Botafumeiro, logrou un novo podio, quedando segundo por detrás de Víctor Senra. Estes resultados permitíronlle proclamarse campión galego por primeira vez, xunto ao seu copiloto José Antonio Pintor. Na tempada 2012, con Álvaro Bañobre de copiloto, afrontou de novo o campionato co Porsche acadando resultados máis modestos, sendo os seus mellores postos os tres segundos postos en Narón, Sur do Condado e Ribeira Sacra. Rematou o ano en cuarta posición no campionato. Participou en tres probas nacionais sumando dous abandonos (Canarias e Rías Baixas) e repetiu o cuarto lugar en Ferrol.

Ivan Ares en 2011 co Porsche 997 GT3.

Na tempada 2013 mantivo unha pelexa con Luis Vilariño polo título galego. Ares gañou en Serra da Groba, Ulloa e Sur do Condado, e sumou outros catro segundos postos. Non obstante o abandono na Ribeira Sacra, onde Vilariño foi segundo, e a posterior cancelación do Botafumeiro impedíronlle loitar polo título ata o final, quedando finalmente segundo.[11] A tempada seguinte foi case redonda, sendo primeiro en todas as probas nas que participou (Cocido, Noia, Cidade de Narón, Sur do Condado, San Froilán e Ribeira Sacra) excepto no Botafumeiro, onde foi segundo. Deste xeito conseguiu o seu segundo título galego case sen oposición.[12][13]

Campionato de España (2015-actualidade)[editar | editar a fonte]

Porsche (2015-2016)[editar | editar a fonte]

En 2015 deu o salto ao Campionato de España cun programa completo, mentres que ao campionato galego só acudiu a catro citas, gañando as catro. No nacional logrou o seu primeiro podio cun terceiro posto na Vila de Adeje.[14] Subiu ao podio en Sierra Morena e nas Rías Baixas, e en Ourense conseguiu a súa primeira vitoria.[15] Uns días despois en Ferrol repetiu a fazaña sumando o seu segundo triunfo nacional.[16] Un terceiro e un cuarto posto nos dous eventos asturianos e de novo a vitoria na última cita, o Rally Comunidade de Madrid, permitíronlle acadar o subcampionato de España.[17]

En 2016 correu os dous primeiros eventos do campionato galego, Noia e o Cocido, con dúas vitorias, pero abandonou o campionato despois de que a Federación Galega de Automobilismo decidise limitar a potencia dos Porsche coa colocación dunha brida no turbo.[18] No campionato nacional disputou varias probas con diferentes monturas: Canarias e Adeje cun Ford Fiesta R5; Ferrol e Ourense co Porsche; Princesa de Asturias cun Škoda Fabia R5 acadando a vitoria,[19] e Llanes cun Subaru BRZ. Finalizou a tempada en 9º lugar.

Hyundai (2017-actualidade)[editar | editar a fonte]

En 2017 adquiriu un Hyundai i20 R5 co que se enfrontou ao campionato de España ao completo, con José Antonio Pintor como copiloto. Subiu ao podio nas catro primeiras probas do ano e logo gañou as cinco seguintes: Ferrol, Princesa de Asturias, Llanes, Cantabria (onde se asegurou matematicamente o título)[20] e o Mediterráneo[21] para rematar o ano cun terceiro posto en Madrid que lle permitiu gañar por primeira vez o campionato de España, así como darlle o primeiro título no certame a Hyundai, na súa primeira participación.[22][23]

En 2018, outra vez con Hyundai, enfrontouse de novo ao nacional, logrando a vitoria na primeira cita, o Rally do Cocido. Foi cuarto en Serra Morena tras unha mala elección de pneumáticos, rompendo unha racha de 11 podios consecutivos (e establecendo un novo récord no campionato)[24] e regresou ao podio en Canarias, onde foi terceiro. Foi segundo en Villa Adeje por diante de Miguel Ángel Fuster, con quen estaba en loita por liderar o campionato. En Ourense e Alacant gañou pero logo fallou en Ferrol e Oviedo, onde Ares conseguiu o terceiro e segundo posto respectivamente. O podio no Rally Princesa de Asturias permitiulle ao de Hyundai poñerse máis líder no campionato e proclamouse campión por segundo ano da FIA Iberian Rally Trophy.[25] Nas seguintes catro probas conseguiu catro segundos postos, polo que o título foi parar a Fuster, con 16 puntos máis que Ares.[26]

Iván Ares co Hyundai i20 R5 no Rally do Cocido de 2018.

En 2019 afrontou de novo o campionato de asfalto co apoio de Hyundai. A súa primeira cita do ano foi o Rally da Coruña onde repetiu o triunfo acadado o ano anterior.[27] A primeira carreira do nacional foi a de Serra Morena, proba onde gañou Pepe López mentres Ares rematou na segunda posición.[28] En Canarias substituíu ao seu habitual copiloto José Antonio Pintor por David Vázquez,[29] co que logrou outro segundo posto.[30] En Adeje, coa ausencia de Pepe López, conseguiu a primeira vitoria e situouse líder do campionato.[31] En Ourense sufriu unha avaría que o obrigou a se retirar,[32] mais volveu gañar no Cocido, recuperando o primeiro posto tras o abandono de Pepe por unha saída de pista.[33] En xullo disputouse a 50ª edición do Rally de Ferrol, onde Ares non puido con Pepe López, que gañou a proba por diante do de Cambre.[34] No Rally Princesa de Asturias, tanto Iván Ares como Pepe López tiveron que abandonar por accidente,[35] mentres que na outra proba asturiana, en Llanes, o triunfo foi para Pepe, seguido por Ares, que levou a cabo unha gran remontada tras picar unha roda.[36][37] A mediados de outubro, Ares rematou en segunda posición o Rally de Cantabria, por detrás de Surhayen Pernía e por diante de Pepe López, colocándose así con 26 puntos de vantaxe sobre López, a falta de dous rallys.[38] Con todo, unha avaría mecánica no Rally de La Nucía-Mediterráneo e a vitoria de Pepe López deixouno sen posibilidades de gañar o campionato, que foi parar ao madrileño.[39] Xa sen opcións, gañou o último rally da tempada, o da Comunidade de Madrid, asegurando así o subcampionato e dándolle a Hyundai a vitoria no campionato de construtores.[40]

Palmarés[editar | editar a fonte]

Resultados no Campionato de España[editar | editar a fonte]

Ano Equipo Vehículo 1 2 3 4 5 6 7 8 9 10 11 Posición Puntos
2008 RACC Motorsport Peugeot 206 XS VIL
Ret
CNR CAN
25
RBX
23
OUR FER
Ret
PRA
17
LLA SMO
15
CBR
21
SHA
13
2009 RMC Motorsport Mitsubishi Lancer Evo X VIL CNR CAN RBX OUR FER
4
PRA LLA SMO CBR SHA
2012 Iván Ares Porsche 997 GT3 RS 3.6 CNR
Ret
CAN RBX
Ret
OUR FER
4
PRA LLA SMO MAD - 0
2015 Peña Autocross Arteixo Porsche 997 GT3 RS 3.6 ADE
3
CNR
4
SMO
2
RBX
2
OUR
1
FER
1
PDA
3
LLA
4
MAD
1
256,5
2016 Peña Autocross Arteixo Ford Fiesta R5 CNR
18
ADE
2
SMO 126,5
Porsche 997 GT3 RS 3.6 FER
3
CAN OUR
2
Škoda Fabia R5 PDA
1
RACE Subaro BRZ LLA
17
MED MAD
2017 Yacar Racing Hyundai i20 R5 SMO
3
ECI
2
ADE
2
OUR
2
FER
1
PDA
1
LLA
1
CAN
1
MED
1
MAD
3
322,8
2018 Hyundai Motor España Hyundai i20 R5 COC
1
SMO
4
ECI
3
ADE
2
OUR
2
FER
3
PDA
2
LLA
2
CAN
2
MED
2
MAD
2
262
2019 Hyundai Motor España Hyundai i20 R5 SMO
2
ECI
2
ADE
1
OUR
Ret
COC
1
FER
2
PDA
Ret
LLA
2
CAN
2
MED
Ret
MAD
1
244

Resultados no Campionato galego[editar | editar a fonte]

Ano Equipo Vehículo 1 2 3 4 5 6 7 8 9 Posición Puntos
2006 Ferralla Lois Fiat Punto HGT COC RDN ALB NAR
Ret
CON BXL LAC LUG
Peugeot 206 XS BOT
2007 Ferralla Lois Peugeot 206 XS COC
Ret
RDN
13
ALB
?
NAR
7
CON
10
LUG
4
BXL
2
BOT
2009 Mitsubishi Lancer Evo VIII CDU COC RDN ALB CDN SDC
Ret
LUG OBL BOT
2010 Escudaría Ferralla Lois Mitsubishi Lancer Evo VIII CDU
Ret
COC
3
RDN
Ret
CDN
Ret
SDC LUG
2
OBL
Ret
BOT 440
2011 Escudaría Lalín-Deza Mitsubishi Lancer Evo COC
1
NOI
1
CDU
2
NAR
2
SDC
5
SFR
3[41]
OBL
6
1861
Porsche 997 GT3 RS 3.6 SDG
1
BOT
2[42]
2012 Escudaría Lalin-Deza Porsche 997 GT3 RS 3.6 COC RDN
Ret
CDU
4
CDN
2
SDC
2
LUG
13
RBS
2
BOT
Ret
857
2013 Escudaría Lalin-Deza Porsche 997 GT3 RS 3.6 SDG
1
COC
2
RDN
Ret
ULL
1
CDN
2
SDC
1
LUG
2
RBS
Ret
1215
2014 Escudaría Lalín-Deza Porsche 997 GT3 RS 3.6 COC
1
RDN
1
BOT
2
CDN
1
SDC
1
ULL LUG
1
RBS
1
TVA 1790
2015 Peña Autocross Arteixo Porsche 997 GT3 RS 3.6 COC RDN CDN SDC COR
1
ULL
1
LUG
1
RBS
1
2016 Peña Autocross Arteixo Porsche 997 GT3 RS 3.6 RDN
1
COC
1
TVA RDN SDC LUG RBS ULL
2017 Yacar Racing Porsche 997 GT3 RS 3.6 COR
3
COC RDN CDN SDC OUR LUG
2018 Ares Racing Hyundai i20 R5 COR

1

RDN RBS CDN SDC BOT RBS LUG ULL
2019 Ares Racing Hyundai i20 R5 COR
1
RDN RBS CDN SDC BOT RBS LUG ULL


Predecesor:
Alberto Meira
 Campión de Galicia de Rallys 
2011
Sucesor:
Pedro Burgo


Predecesor:
Luis Vilariño
 Campión de Galicia de Rallys 
2014
Sucesor:
Alejandro Pais


Predecesor:
Cristian García Martínez
 Campión de España de Rallys 
2017
Sucesor:
Miguel Ángel Fuster

Notas[editar | editar a fonte]

  1. 1,0 1,1 "Ivan Ares.Sitio web oficial". Arquivado dende o orixinal o 07 de decembro de 2011. Consultado o 19 de decembro de 2011. 
  2. Nuevo piloto de la familia Ares[Ligazón morta]
  3. "Iván Ares logra su primera victoria en el Volante RACC Galicia" (en castelán). 9 de outubro de 2007. Consultado o 28 de outubro de 2019. 
  4. "Rally Ferrol: Mitsubishi EVO Cup" (en castelán). Consultado o 28 de outubro de 2019. 
  5. "XVI Rallye do Cocido" (en castelán). 15 de marzo de 2010. Consultado o 28 de outubro de 2019. 
  6. "Victoria en el Rali San Froilán de Sergio Vallejo y Moncho López" (en castelán). 6 de setembro de 2010. Consultado o 28 de outubro de 2019. 
  7. "17º Rally Cocido 2011". 11 de marzo de 2011. Consultado o 28 de outubro de 2019. 
  8. "Rally de Noia 2011" (en castelán). 11 de abril de 2011. Consultado o 28 de outubro de 2019. 
  9. "Crónica I Rallye Serra da Groba 2011" (en castelán). 30 de novembro de 2011. Consultado o 28 de outubro de 2019. 
  10. www.laopinioncoruna.es. "Iván Ares, campeón gallego tras vencer en el Serra de Groba". Consultado o 1 de diciembre de 2011. 
  11. "Vilariño gana el Campeonato Gallego de Rallys" (en castelán). Arquivado dende o orixinal o 08 de outubro de 2013. Consultado o 28 de outubro de 2019. 
  12. Pablo Villar (6 de setembro de 2014). "Rallye San Froilán: Iván Ares se proclama campeón gallego por segunda vez". Arquivado dende o orixinal o 07 de setembro de 2014. Consultado o 6 de setembro de 2014. 
  13. "Iván Ares, Bicampeón Gallego de Rallyes" (en castelán). 7 de setembro de 2014. Consultado o 28 de outubro de 2019. 
  14. "Fuster gana el Rally Villa de Adeje y se sitúa líder del CERA" (en castelán). 11 de abril de 2015. Consultado o 28 de outubro de 2019. 
  15. "Iván Ares vence en el Rallye de Ourense" (en castelán). 13 de xuño de 2015. Consultado o 28 de outubro de 2019. 
  16. "Iván Ares consigue su segundo triunfo en el Nacional bajo la lluvia de Ferrol" (en castelán). 23 de agosto de 2015. Consultado o 28 de outubro de 2019. 
  17. "El gallego Iván Ares vence en el Rally de Madrid". Diario de Pontevedra (en castelán). 14 de novembro de 2015. Consultado o 28 de outubro de 2019. 
  18. "Iván Ares abandona o Campionato Galego". Televisión de Galicia. 25 de abril de 2016. Arquivado dende o orixinal o 26 de abril de 2016. Consultado o 28 de outubro de 2019. 
  19. "Iván Ares gana el Rally Princesa". RTPA (en castelán). 11 de setembro de 2016. Consultado o 28 de outubro de 2019. 
  20. "Iván Ares, Campión de España de Rallys". El Progreso. 21 de outubro de 2017. Consultado o 28 de outubro de 2019. 
  21. "Iván Ares suma su quinto triunfo seguido con el Hyundai i20 R5" (en castelán). 6 de novembro de 2017. Consultado o 28 de outubro de 2019. 
  22. "Entrevistamos a Iván Ares, campeón del Nacional de Rallyes de Asfalto en 2017" (en castelán). 16 e marzo de 2018. Consultado o 28 de outubro de 2019. 
  23. "Hyundai i20 R5: más que un coche de rallyes" (en castelán). 10 de agosto de 2018. Consultado o 28 de outubro de 2019. 
  24. "Fin al récord histórico de podios de Iván Ares en el Campeonato de España de ralis de asfalto". La Voz de Galicia (en castelán). 15 de abril de 2018. Consultado o 31 de xaneiro de 2020. 
  25. "Ares-Pintor revalidan el FIA Iberian Rally Trophy" (en castelán). 18 de setembro de 2018. Consultado o 28 de outubro de 2019. 
  26. "Miguel Fuster suma su sexto título de campeón de España". As (en castelán). 24 de novembro de 2018. Consultado o 28 de outubro de 2019. 
  27. "Ares y Pintor ganan el rali de A Coruña". La Voz de Galicia (en castelán). 2 de marzo de 2019. Consultado o 28 de outubro de 2019. 
  28. "Iván Ares, segundo no Rally de Sierra Morena". CRTVG. 24 de marzo de 2019. Consultado o 28 de outubro de 2019. 
  29. "Iván Ares y José Pintor; nueve años y más de cincuenta rallyes juntos" (en castelán). 6 de febreiro de 2019. Consultado o 28 de outubro de 2019. 
  30. "Ares y Pernía suman nuevos podios en el Islas Canarias" (en castelán). 6 de maio de 2019. Consultado o 28 de outubro de 2019. 
  31. "Iván Ares gana el rali Villa de Adeje". La Voz de Galicia (en castelán). 11 de maio de 2019. Consultado o 28 de outubro de 2019. 
  32. "La bomba de gasolina deja a Iván Ares fuera de carrera en el Rallye de Ourense" (en castelán). 8 de xuño de 2019. Consultado o 28 de outubro de 2019. 
  33. "Iván Ares saca tajada del Cocido". Marca (en castelán). 22 de xuño de 2019. Consultado o 28 de outubro de 2019. 
  34. "Rali de Ferrol: Pepe López se impone en su duelo con Iván Ares" (en castelán). 20 de xullo de 2019. Consultado o 28 de outubro de 2019. 
  35. "Vídeo: Así fue el abandono de Iván Ares cuando marchaba segundo en el Princesa de Asturias". La Región (en castelán). 15 de setembro de 2019. Consultado o 28 de outubro de 2019. 
  36. "Iván Ares remonta y ya es tercero en Llanes" (en castelán). 28 de setembro de 2019. Consultado o 28 de outubro de 2019. 
  37. "Pepe López se impone en el Rallye Villa de Llanes" (en castelán). 28 de setembro de 2019. Consultado o 28 de outubro de 2019. 
  38. "Pernía vence en casa con doblete de Hyundai" (en castelán). 13 de outubro de 2019. Consultado o 28 de outubro de 2019. 
  39. "Iván Ares abandona en el rali de La Nucía y Pepe López se lleva el Nacional de asfalto". La Voz de Galicia (en castelán). 9 de setembro de 2019. Consultado o 23 de novembro de 2019. 
  40. "Iván Ares pone el broche en Madrid" (en castelán). 23 de novembro de 2019. Consultado o 23 de novembro de 2019. 
  41. san Froilan 2011[Ligazón morta]
  42. Botafumeiro 2011[Ligazón morta]

Véxase tamén[editar | editar a fonte]

Ligazóns externas[editar | editar a fonte]