Palau Blaugrana

Na Galipedia, a Wikipedia en galego.
Palau Blaugrana
Palau Blaugrana 03.jpg
Cataluña Palau Blaugrana
Datos
Localización Barcelona, Cataluña
Construción
Inauguración 23 de outubro de 1971
Arquitecto Francesc Cavallé e Josep Soteras
Estadio
Capacidade 8.250 espectadores
Propietario Fútbol Club Barcelona
Localía FC Barcelona (ACB)
FC Barcelona (OK Liga)
FC Barcelona (ASOBAL)
FC Barcelona (Primeira División da LNFS)
Eventos

O Palau Blaugrana é o pavillón cuberto, propiedade do Futbol Club Barcelona, onde disputan os seus partidos oficiais os primeiros equipos das seccións de baloncesto, balonmán, hockey sobre patíns e fútbol sala do FC Barcelona.

Está situado na Avenida Arístides Maillol, no barrio de Les Corts de Barcelona, e no interior do complexo que acolle o estadio do Camp Nou. Xunto ao "Palau Blaugrana" están as oficinas do club, así como a tenda oficial do FC Barcelona e o Palau de Gel.

Historia[editar | editar a fonte]

Inaugurado o 23 de outubro de 1971, foi deseñado polos arquitectos cataláns Francesc Cavallé e Josep Soteras e a súa estrutura proxectada polo enxeñeiro madrileño Florencio del Pozo Frutos. Ten un aforamento de 7.585 espectadores, todos sentados, grazas á remodelación que levou a cabo en 1994. Até entón, o Palau tiña unha cabida para 5.696 espectadores.

A súa principal característica é a gran cúpula, construída de formigón armado, e que no seu momento converteu o pavillón nun dos máis modernos e vistosos de España. Ademais de ser testemuña dos principais éxitos dos equipos das seccións do FC Barcelona, o Palau Blaugrana tamén acolleu importantes eventos. Durante os Xogos Olímpicos de 1992, celebrados en Barcelona, o Palau foi o escenario das competicións de hockey sobre patíns, judo e taekwondo.

Dorsais retirados[editar | editar a fonte]

Do teito do Palau Blaugrana colgan as camisetas dos xogadores máis importantes do FC Barcelona na historia das súas seccións. Están colgadas, a modo de homenaxe as camisetas de seis xogadores de balonmán (Joan Sagalés, Iñaki Urdangarin, Enric Masip, Òscar Grau, Xavier O'Callaghan e David Barrufet) e catro de baloncesto (Roberto Dueñas, Andrés Jiménez, Nacho Solozábal e Juan Antonio San Epifanio «Epi»).


Aspecto do Palau Blaugrana durante a disputa do encontro que enfrontou ao FC Barcelona e a Lottomatica Roma de Euroliga en febreiro de 2008

Aspecto do Palau Blaugrana durante a disputa do encontro que enfrontou ao FC Barcelona e a Lottomatica Roma de Euroliga en febreiro de 2008


Véxase tamén[editar | editar a fonte]

Roller hockey pictogram.svg
A Galipedia ten un portal sobre:

Outros artigos[editar | editar a fonte]

Ligazóns externas[editar | editar a fonte]