Plaça de Catalunya
Na Galipedia, a Wikipedia en galego.
A Plaça de Catalunya é a máis céntrica e grande das prazas de Barcelona, ata a remodelación da Plaça de les Glòries Catalanes e a Plaça Europa que serán as prazas máis grandes de España. Ten unha superficie de aproximadamente 5 hectáreas e constitúe o punto de unión entre o núcleo vello da cidade, Ciutat Vella, e o Eixample. De aquí parten importantes vías da cidade como Les Rambles, o Passeig de Gràcia, a Rambla de Catalunya ou as roldas de Universitat e de Sant Pere, e a rúa Pelai, así como a avenida do Portal de l'Àngel, a gran arteria comercial da cidade, e antiga porta das murallas.
