Michael Beasley

Na Galipedia, a Wikipedia en galego.
Michael Beasley
Michael Beasley Timberwolves.jpg
Phoenix Suns – No. 0
Aleiro
Información persoal
Nacemento 9 de xaneiro de 1989 (25 anos)
Flag of Maryland.svg Frederick, Maryland
Nacionalidade Flag of the United States.svg Estados Unidos
Altura 2,06 m (6 ft 9 in)
Peso 111 kg (244 lb)
Instituto Notre Dame, Massachusetts
Información da carreira
Universidade Kansas State
NBA Draft 2008 / Rolda: 1 / Elección: 2

Escollido por Miami Heat

Carreira dende 2008
Historial de equipos
Miami Heat (2008-2010)
Minnesota Timberwolves (2010-2012)
Phoenix Suns (2012-presente)
Información en nba.com

Michael Paul Beasley, nado o 9 de xaneiro de 1989 en Frederick, Maryland, é un xogador profesional de baloncesto estadounidense que xoga nos Phoenix Suns da National Basketball Association (NBA). Cunha altura de 2,06 metros xoga na posición de aleiro.

Traxectoria deportiva[editar | editar a fonte]

Instituto[editar | editar a fonte]

Xogou os catro anos de instituto en catro colexios diferentes, con 138 vitorias e só 5 derrotas. Promediou 28 puntos e 16 rebotes no seu último ano. Foi incluído na selección de baloncesto dos Estados Unidos sub-18, onde promediou 13,8 puntos e 8,3 rebotes por partidos.

Universidade[editar | editar a fonte]

Xogou unha temporada nos Wildcats da Universidade de Kansas State, pero bastoulle para amosar que estaba preparado para xogar na NBA, facendo 26,2 puntos por partido e 12,4 rebotes por partido. O 14 de abril de 2008 anunciou a súa intención de presentarse ao Draft da NBA, renunciando aos 3 anos que lle quedaban como universitario.

Profesional[editar | editar a fonte]

Miami Heat (2008–2010)[editar | editar a fonte]

Michael Beasley facendo un mate, 2009

O 26 de xuño de 2008 foi elixido na segunda posición do Draft da NBA de 2008 polos Miami Heat.[1] Asinou polos Heat o 2 de xullo.[2] No seu debut na Summer League da NBA o 7 de xullo, Beasley anotou 28 puntos e capturou 9 rebotes (e 2 asistencias[3]) en 23 minutos de xogo.[4][5] Foi segundo na liga en rebotes conseguidos, e empatou no terceiro posto de anotación na Summer League de 2008.[6] No seu primeiro adestramento con Miami, foi golpeado accidentalmente no peito polo cóbado dun compañeiro.[7] Foi evaluado e ao día seguinte volveu ao equipo cun hematoma no peito, e só participou nos exercicios sen contacto.[8] Tiña lixeiramente fracturado o esterno, e puido adestrar con normalidade 2 días despois do golpe.[9]

No seu primeiro partido da pretempada, Beasley anotou 16 puntos contra os Detroit Pistons.[10] Nos seguintes partidos fixo 21 puntos e 7 rebotes contra os Nets,[11] 12 puntos e 11 rebotes tamén contra os Nets,[12] 14 puntos e 6 rebotes contra os Magic,[13] 19 puntos contra os Grizzlies,[14] 14 puntos e 3 rebotes contra os Hornets,[15] e 19 puntos e 9 rebotes contra os San Antonio Spurs.[16] No primeiro partido da tempada 2008-09, Beasley anotou 9 puntos na derrota contra os New York Knicks. Conseguiu unha anotación de dobres díxitos nos seguintes nove partidos, incluíndo 25 puntos contra os Charlotte Bobcats, o que supuso a súa máxima anotación da tempada, o 1 de novembro.[17]

Despois da eliminación dos Heat na primeira rolda dos playoffs de 2009, sóubose que Beasley, xunto ao seu compañeiro Mario Chalmers, tamén rookie, foron sancionados en varias ocasións durante a tempada por violar as normas internas do equipo.[18]

Durante a tempada 2009-10 foi titular en todos os partidos. O 19 de febreiro de 2010 liderou a vitoria dos Heat contra os Memphis Grizzlies con 30 puntos, o máximo da súa carreira, xunto con 8 rebotes.[19] Nesa tempada, fixo 14.8 puntos e 6.4 rebotes por partido. Na derrota en primeira rolda dos playoffs de 2010 contra os Boston Celtics, baixou a súa media a 10.4 puntos e 5.8 rebotes.[20]

Minnesota Timberwolves (2010-2012)[editar | editar a fonte]

O 12 de xullo de 2010, Beasley foi traspasado aos Minnesota Timberwolves a cambio dunha elección en segunda rolda do draft do 2011 e do 2014. Beasley foi traspasado para facer oco salarial para Miami, para asinar aos axentes libres LeBron James e Chris Bosh, e para asinar outra vez con Dwyane Wade.[21]

O 10 de novembro de 2010, liderou a vitoria dos Timberwolves sobre os Sacramento Kings con 42 puntos, o máximo da súa traxectoria, conseguindo tamén 9 rebotes.[22] Rematou a tempada entre os 20 máximos anotadores da liga, con 19.2 puntos por partido.[23]

Phoenix Suns (2012-presente)[editar | editar a fonte]

O 20 de xullo de 2012, Beasley asinou un contrato por 3 anos e 18 millóns de dólares cos Phoenix Suns.[24]

Notas[editar | editar a fonte]

  1. HEAT Select Michael Beasley In The 2008 NBA Draft
  2. Heat Sign Beasley
  3. Beasley, Chalmers Shine in Pro Debut
  4. Beasley takes Round 1 with fellow top draft pick Rose
  5. Beasley stars in summer league debut
  6. HEAT: HEAT Player 2008: Michael Beasley
  7. Beasley elbowed in chest during first Heat practice
  8. Beasley returns to summer-league workout after bruising chest
  9. Beasley resumes contact drills with Heat
  10. Beasley's Preseason Debut
  11. Nets 100, Heat 98 – Box score – October 9, 2008
  12. Heat 92, Nets 94 – Box score – October 12, 2008
  13. Magic 100, Heat 92 – Box score – October 18, 2008
  14. Grizzlies 85, Heat 102 – Box score – October 21, 2008
  15. Heat 80, Hornets 100 – Box score – October 23, 2008
  16. Heat 96, Spurs 93 – Box score – October 24, 2008
  17. Michael Beasley: Complete 2008–09 Regular Season Game Log
  18. http://msn.foxsports.com/rumors/nba#10
  19. "Wade sits as Beasley has career night". NBA.com. February 20, 2010. http://www.nba.com/games/20100219/MIAMEM/gameinfo.html#nbaGIboxscore. Consultado o July 20, 2010.
  20. "Michael Beasley Info Page". NBA.com. http://www.nba.com/playerfile/michael_beasley/index.html?nav=page. Consultado o July 20, 2010.
  21. "Sources: Heat clear space, deal Beasley". ESPN. July 9, 2010. http://sports.espn.go.com/nba/news/story?id=5365794. Consultado o July 9, 2010.
  22. "Beasley's career night lifts Wolves over Kings". NBA.com. November 11, 2010. http://www.nba.com/games/20101110/MINSAC/gameinfo.html. Consultado o November 11, 2010.
  23. "2010-11 SCORING LEADERS : Points Per Game". NBA. 11 de xuño de 2011. http://www.nba.com/statistics/player/Scoring.jsp?league=00&season=22010&conf=OVERALL&position=0&splitType=9&splitScope=GAME&qualified=Y&yearsExp=-1&splitDD=. Consultado o 11 de xuño de 2011.
  24. Suns Sign Michael Beasley

Véxase tamén[editar | editar a fonte]

Ligazóns externas[editar | editar a fonte]