Chris Douglas-Roberts

Na Galipedia, a Wikipedia en galego.
Chris Douglas-Roberts
Chris Douglas-Roberts.jpg
Los Angeles Clippers – No. 14
Escolta / Ala
Información persoal
Nacemento 8 de xaneiro de 1987 (27 anos)
Flag of Michigan.svg Detroit, Michigan
Nacionalidade Flag of the United States.svg Estados Unidos
Altura 2,01 m (6 ft 7 in)
Peso 95 kg (210 lb)
Instituto Cass Technical (Detroit, Michigan)
Northwestern (Detroit, Michigan)
Información da carreira
Universidade Memphis (2005–2008)
NBA Draft 2008 / Rolda: 2 / Elección: 40

Escollido por New Jersey Nets

Carreira dende 2008
Historial de equipos
New Jersey Nets (2008–2010)
Milwaukee Bucks (2010–2011)
Virtus Bologna (2011–2012)
Texas Legends (2012)
Dallas Mavericks (2012–2013)
Texas Legends (2013)
Charlotte Bobcats (2013–2014)
Los Angeles Clippers (2014–presente)
Información en nba.com

Chris Douglas-Roberts, nado o 8 de xaneiro de 1987 en Detroit, Michigan, é un xogador americano de baloncesto profesional que xoga nos Los Angeles Clippers da National Basketball Association (NBA). Mide 2,01 metros e pode xogar nas posicións de escolta e ala.

Traxectoria[editar | editar a fonte]

Instituto[editar | editar a fonte]

Douglas-Roberts xogou ao baloncesto no Cass Technical High School e no Northwestern High School. Estivo en Cass Tech en 2003 e 2004, facendo 28 puntos, 10 rebotes e 6 asistencias por partido. Tras a tempada 2004 foise a Northwestern onde viu limitado o seu tempo de xogo debido ás regras de transferencia dun instituto a outro, polo que non xogou co equipo ata o segundo semestre. Rematou a tempada cunha media de 13.8 puntos e 5.4 rebotes por partido.

Universidade[editar | editar a fonte]

Despois do seu paso polo instituto, Douglas-Roberts estaba considerado coma unha das mellores promesas dispoñibles, sendo incluído no posto 30 na lista de mellores xogadores de Scout.com e no 51 en Rivals.com. Finalmente escolleu a Universidade de Memphis. Durante a súa primeira tempada cos Tigers, xogou 34 partidos nos que 25 foron dende o comezo, asinando 8.3 puntos, 3.3 rebotes e 1.5 asistencias por encontro. Grazas ao seu gran xogo foi incluído no mellor quinteto de freshman da Conference USA. Na súa segunda tempada xogou os 35 partidos coma titular e liderou aos Tigers en anotación con 15.4 puntos. Ademais, foi elixido no mellor quinteto da conferencia e coroouse coma All-America. Xa na súa terceira tempada en Memphis, asinou 23.2 puntos por encontro nos seis partidos do Torneo da NCAA de 2008, onde os Tigers remataron en segunda posición tras perder na final ante os Kansas Jayhawks. A súa gran actuación deulle un posto no primeiro equipo do All-American.

Profesional[editar | editar a fonte]

O 18 de abril de 2008, Douglas-Roberts anunciou que se presentaba ao Draft da NBA dese mesmo ano.[1] Foi seleccionado polos New Jersey Nets na 40ª posición, e o 9 de xullo asinou o seu primeiro contrato da NBA cos Nets. O 25 de xuño de 2010 foi traspasado aos Milwaukee Bucks a cambio dunha elección da segunda rolda do draft de 2012.[2]

En setembro de 2011, Douglas-Roberts fichou polo Virtus Bologna italiano.[3]

O 1 de outubro de 2012, asinou cos Los Angeles Lakers,[4] pero foi cortado o 22 de outubro sen chegar a debutar.[5] O 27 de outubro, Douglas-Roberts e Melvin Ely asinaron cos Dallas Mavericks,[6] pero foron cortados ó día seguinte.[7]

O 23 de decembro de 2012, asinou de novo con Dallas.[8] O 6 de xaneiro de 2013, foi cortado polos Mavericks.[9]

O 11 de decembro de 2013, Douglas-Roberts asinou cos Charlotte Bobcats.[10]

O 3 de setembro de 2014, Douglas-Roberts asinou cos Los Angeles Clippers.[11]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]