J.R. Giddens

J.R. Giddens

Posición	Escolta
Información persoal
Nacemento	13 de febreiro de 1985 (39 anos) Oklahoma City, Oklahoma
Nacionalidade	Estados Unidos
Altura	1,96 m (6 ft 5 in)
Peso oficial	95 kg (210 lb)
Información da carreira
Instituto	John Marshall (Oklahoma City, Oklahoma)
Universidade	Kansas (2003–2005) New Mexico (2006–2008)
NBA Draft	2008 / Rolda: 1 / Elección: 30 Por Boston Celtics
Carreira	2008–2019
Historial de equipos
Boston Celtics (2008–2010) → Utah Flash (2008–2009) Maine Red Claws (2010) New York Knicks (2010) Asseco Prokom Gdynia (2010) Valencia Basket (2011) New Mexico Thunderbirds (2011) PAOK Tesalónica (2011–2012) Brescia Leonessa (2012–2014) Vaqueros de Bayamón (2014) Peñarol de Mar del Plata (2014–2015) Instituto (2015–2016) Leones de Santo Domingo (2016) Trouville (2017) Gregorio Urbano Gilbert (2017) Mineros de Parral (2017) Ferro Carril Oeste (2018) Pueblo Nuevo (2018) Halcones de Ciudad Obregón (2018) Correcaminos UAT Victoria (2018) Español de Talca (2019) Domingo Paulino (2019) Cañeros del Este (2019)

Justin Ray Giddens, nado o 13 de febreiro de 1985 en Oklahoma City, Oklahoma, máis coñecido coma J. R. Giddens, é un ex xogador profesional de baloncesto estadounidense. Mide 1,96 metros de altura e xogaba na posición de escolta.

Traxectoria

Universidade

Tras a súa etapa de instituto, aceptou unha bolsa escolar para xogar cos Jayhawks da Universidade de Kansas. Na súa primeira tempada conseguiu unha media de 11,3 puntos e 3,6 rebotes, rematando na sexta posición da Big 12 Conference en porcentaxe de tiros de 3 puntos (40,7%). Foi elixido no mellor quinteto de novatos da conferencia. Na súa segunda tempada os seus números non melloraron, promediando 10,8 puntos e 3,8 rebotes. Unha vez rematada a tempada, en maio de 2005, protagonizou un grave incidente ao verse involucrado nunha liorta nun bar e recibir unha coitelada na súa perna dereita, que requiriu 30 puntos de sutura.

Tras ese incidente, foi transferido á Universidade de New Mexico. Tras pasar un ano en branco, debido á norma da NCAA que non permite xogar a un xogador traspasado durante unha tempada, regresou en 2006 cos Lobos, o seu novo equipo. No seu primeiro ano liderou á súa universidade en anotación (15,8 puntos por partido) e foi segundo en rebotes (6,5 por partido), anotando 20 puntos ou máis en 7 ocasións. O seu mellor partido da tempada disputouno ante Nevada-Las Vegas, onde, saíndo dende o banco, conseguiu 28 puntos e 8 rebotes.

Xa na súa tempada sénior conseguiu unha media 16,3 puntos e 8,8 rebotes, sendo o mellor nesta faceta de toda a Mountain West Conference, sendo elixido co-mellor xogador da conferencia e recibindo unha mención honorífica do All-American. No total da súa traxectoria universitaria promediou 13,3 puntos e 5,7 rebotes por partido.

Profesional

Foi elixido na trixésima posición da primeira rolda do Draft da NBA de 2008 polos Boston Celtics, cos que estivo traballando durante tres días no verán, recibindo eloxios por parte do adestrador Doc Rivers. Coma non firmara o contrato aínda, declinou o participar nas Ligas de Verán por consello do seu axente. Finalmente, o 14 de agosto asinou un contrato por dous anos garantidos con opción doutros dous.

O 18 de febreiro de 2010 foi traspasado aos New York Knicks xunto con Bill Walker e Eddie House a cambio de Nate Robinson e Marcus Landry.

Véxase tamén

Ligazóns externas

• Estatísticas en Basketball-Reference.com Arquivado 18 de setembro de 2022 en Wayback Machine. (en inglés)