Courtney Lee

Na Galipedia, a Wikipedia en galego.
Courtney Lee
Courtney Lee in March 2013.jpg
Memphis Grizzlies – No. 5
Escolta
Información persoal
Nacemento 3 de outubro de 1985 (28 anos)
Flag of Indiana.svg Indianápolis, Indiana
Nacionalidade Flag of the United States.svg Estados Unidos
Altura 1,96 m (6 ft 5 in)
Peso 91 kg (200 lb)
Instituto Pike, Indianapolis
Información da carreira
Universidade Western Kentucky
NBA Draft 2008 / Rolda: 1 / Elección: 22

Escollido por Orlando Magic

Carreira dende 2008
Historial de equipos
Orlando Magic (2008–2009)
New Jersey Nets (2009–2010)
Houston Rockets (2010–2012)
Boston Celtics (2012–2014)
Memphis Grizzlies (2014–presente)
Información en nba.com

Courtney Lee, nado o 3 de outubro de 1985 en Indianapolis, Indiana, é un xogador profesional de baloncesto estadounidense, que dende 2009 pertence ao cadro de xogadores dos Memphis Grizzlies da National Basketball Association. Mide 1,96 metros de altura, e xoga na posición de escolta.

Traxectoria[editar | editar a fonte]

Universidade[editar | editar a fonte]

Xogou durante catro tempadas cos Hilltoppers da Western Kentucky, sendo titular en todos os partidos que disputou. Foi elixido en tres ocasións no mellor quinteto da Sun Belt Conference, e na súa tempada senior, tras acadar 20,4 puntos, a segunda mellor marca da conferencia e no posto 28 da nación, levou ao seu equipo a disputar os oitavos de final do Torneo da NCAA, conseguindo o premio de mellor xogador da conferencia.[1]

No total da súa traxectoria universitaria acadou 17,6 puntos e 5,2 rebotes por partido.[2] Licenciouse en socioloxía e criminoloxía.

Profesional[editar | editar a fonte]

Foi elixido na 22ª posición da primeira rolda do Draft da NBA de 2008 polos Orlando Magic, equipo co cal asinou contrato a principios do mes de xullo de 2008. Na súa primeira tempada coma novato cos Magic foi campión da conferencia leste e alcanzou as finais da NBA contra os Lakers perdendo nesa serie por 4-1.

O 25 de xuño de 2009 foi traspasado xunto con Rafer Alston e Tony Battie aos New Jersey Nets a cambio de Vince Carter.[3] Con todo, pouco máis dun ano despois, o 11 de agosto de 2010, foi traspasado aos Houston Rockets, nun traspaso entre catro equipos que mandou a Trevor Ariza ós New Orleans Hornets.[4] Foi presentado oficialmente polos Rockets o 18 de agosto de 2010.

O 20 de xullo de 2012, Lee foi traspasado ós Boston Celtics nun traspaso entre os Portland Trail Blazers, os Houston Rockets e os propios Celtics.[5] Lee asinou un contrato por 4 anos con Boston.

O 7 de xaneiro de 2014, os Celtics completaron un traspaso con outros dous equipos, os Memphis Grizzlies e os Oklahoma City Thunder. Boston traspasou a Lee e unha elección de segunda rolda do Draft de 2016 a Memphis a cambio de Jerryd Bayless dos Grizzlies, e Ryan Gomes dos Thunder.[6]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]