Henri Matisse

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Henri Matisse

Matisse o 20 de maio de 1933
Nome Henri-Émile-Benoît Matisse
Nacemento 31 de decembro de 1869
Lugar de nacemento Le Cateau-Cambrésis
Morte 3 de novembro de 1954
Lugar de morte Niza
Nacionalidade francés
Eido pintura
Movemento fauvismo, impresionismo e puntillismo
Traballos La femme au chapeau (1905)
Influenciado por John Peter Russell, Cézanne, Gauguin, van Gogh, Signac
Influenciado Hans Hofmann, David Hockney, Tom Wesselmann
Matisse autograph.png

Henri Matisse ou Henri-Émile-Benoît Matisse nado o 31 de decembro de 1869 en Le Cateau-Cambrésis (Francia) e finado o 3 de novembro de 1954 en Niza (Francia), foi un pintor, escultor e deseñador francés que destacou por un uso característico da cor e por un debuxo fluído, brillante e orixinal. Como debuxante, gravador e escultor, pero principalmente como pintor[1] , Matisse é comunmente considerado, xunto con Picasso e Marcel Duchamp, como un dos tres artistas que axudaron a definir os acontecementos revolucionarios nas artes plásticas nas primeiras décadas do século XX, responsables de importantes avances na pintura e a escultura.[2][3][4][5] Aínda que é considerado como o máximo representante do fauvismo, estilo que cultivou nos seus primeiros anos, tamén foi aclamado como un dos representantes da tradición clásica na pintura francesa.[6]

Primeiro traballou nun estilo académico e posteriormente cultivou o impresionismo, o puntillismo, e o fauvismo, do que foi mestre de escola; continuou sempre, dentro dunha heterodoxia, fiel ao fauvismo . O 1917 iniciou unha etapa naturista, de cores claros e luminosos abandonando as investigacións. Máis adiante volveu a novas investigacións de simplificación, buscando acordos cromáticos novos e máis forza na liña e a cor. Posteriormente acentuou a audacia das cores fortes, por contraste de tons ou establecendo unha unidade de cor. Cara ao final da súa vida practicou técnicas como a dos papiers col instalase. Tamén practicou o debuxo ao lapis e a pluma. Como gravador ten máis de cincocentas obras catalogadas en diferentes técnicas, e ilustrou importantes obras literarias francesas.[7]

Índice

Traxectoria [editar]

Primeiros anos e formación [editar]

Musée Départemental Henri Matisse en Le Cateau-Cambrésis, en Nord - Pas-de-Calais, localidade onde naceu Matisse

O seu nome de nacemento foi Henri-Émile-Benoît Matisse, e naceu en Le Cateau-Cambrésis, na rexión de Nord-Pas-de-Calais, Francia. Fillo primogénito dunha familia de comerciantes de sementes, criouse en Bohai-en-Vermandois, no noreste de Francia, onde os seus pais tiñan o negocio; este feito pode explicar o seu interese posterior de representar varias plantas nos motivos téxtiles. En 1887 foise a París para estudar dereito, traballando como pasante nun tribunal no seu pobo natal, Le Cateau-Cambrésis, tras gañar a praza nun concurso. O 1889 empezou a pintar, todo empezou durante un período de convalecencia, logo de sufrir un ataque de apendicite que lle obrigou a gardar repouso durante semanas, para que se distraese a súa nai levoulle utensilios de pintura. Como el vai a describir máis tarde, descubriu "unha especie de paraíso",[8]. Tras recuperarse da enfermidade, mentres retoma os estudos de dereito, vai a matricularse na escola de debuxo de Quentin de La Tour para diseñadores da industria téxtil.

O 1890, abandonou os estudos de dereito para dedicarse á pintura e á escultura; decidira converterse nun artista, aínda que esta decisión decepcionó profundamente ao seu pai.[9][10] Ao ano seguinte, en 1891, trasladouse a Parides, onde foi admitido na Académie Julian. Máis tarde, en 1895, asistiu ao taller de Gustave Moreau. Inicialmente pintaba naturezas mortas e paisaxes, no máis tradicional estilo flamenco, e era un admirador de Chardin, un dos seus pintores preferidos, como estudante chegou a facer catro copias de obras de Chardin que se expoñían no museo do Louvre.[11] No taller de Gustave Moreau coñeceu Georges Rouault e Albert Marquet, e naquela época visitou exposicións de artistas destacados como Corot e Cézanne.

En 1896, Matisse expuxo por primeira vez no Salon des Cent e no Salón da Société Nationale des Beaux-Arts. Foron cinco cadros e o estado comproulle dúas das súas pinturas.[12] A proposta de Pierre Puvis de Chavannes, converteuse nun membro asociado da Société Nationale des Beaux-Arts, esta situación permitiulle poder expoñer sen ter que superar a aprobación por parte dun xurado.

Descubrimento do impresionismo [editar]

Autorretrato de Pissarro. Foi un dos impresionistas que orientaron Matisse e contribuíron ao seu desenvolvemento artístico.

En 1897 e 1898, visitou o pintor australiano John Peter Russell en Belle-Île-en-Mer, na costa de Bretaña. Russell mostroulle o que era o impresionismo e o traballo de Vincent van Gogh, que fora un bo amigo de Russell, e que era completamente descoñecido nese momento. Influído por Russell e a súa mestría, o estilo de Matisse cambiou completamente; posteriormente comentou: "Russell foi o meu mestre, e el enseñoume a teoría da cor." A través del coñeceu a Rodin e Pissarro e puido gozar da pintura impresionista existente no Museo de Luxemburgo.

Notas [editar]

  1. ↑ Myers, Terry R. (xullo–agosto 2010). The Brooklyn Rail. http://brooklynrail.org/2010/07/artseen/matisse-on-the-move. 
  2. ↑ "Tate Modern: Matisse Picasso". Tate.org.uk. http://www.tate.org.uk/whats-on/tate-modern/exhibition/matisse-picasso. Consultado o 15-12-2012. 
  3. ↑ Adrian Searle (7 May 2002). "Searle, Adrian, A momentous, tremendous exhibition, The Guardian, Tuesday 7 May 2002". Guardian (UK). http://www.guardian.co.uk/culture/2002/may/07/artsfeatures. Consultado o 15-12-2012. 
  4. ↑ "Trachtman, Paul, Matisse & Picasso, Smithsonian, February 2003". Smithsonianmag.com. http://www.smithsonianmag.com/arts-culture/matisse.html. Consultado o 15-12-2012. 
  5. ↑ "Duchamp's urinal tops art survey". news.bbc.co.uk. 1 decembro 2004. http://news.bbc.co.uk/2/hi/entertainment/4059997.stm. Consultado o 15-12-2012. 
  6. ↑ Wattenmaker, Richard J., Distel, Anne, et al. (1993). Great French Paintings from the Barnes Foundation. Nova York: Alfred A. Knopf. ISBN 0-679-40963-7. pàg. 272
  7. ↑ «Matisse» a Gran Enciclopèdia Catalana. Accés el 27-04-2009.
  8. ↑ Leymarie, Jean; Read, Herbert; Lieberman, William S. (1966). Henri Matisse, UCLA Art Council, pàg. 9.
  9. ↑ Bärbel Küster. "Arbeiten und auf niemanden hören." Süddeutsche Zeitung, 6 de xullo de 2007. (en alemán)
  10. ↑ The Unknown Matisse..., ABC Radio National, 8 de xuño de 2005
  11. ↑ Hilary Spurling. The Unknown Matisse: A Life of Henri Matisse, the Early Years, 1869-1908, pàg. 86. Accés online el 15-07-2007
  12. ↑ Henri and Pierre Matisse, Cosmopolis, núm. 2, Gener de 1999.

Ligazóns externas [editar]

Commons
Commons ten máis contidos multimedia na categoría:

Traído desde "http://gl.wikipedia.org/w/index.php?title=Henri_Matisse&oldid=2998214"