Castelo de Andrade

Na Galipedia, a Wikipedia en galego.

Coordenadas: 43°23′29.12″N 8°8′9.12″W / 43.3914222°N 8.1358667°W / 43.3914222; -8.1358667

de Antrade
Pontedeume-Andracast-04.jpg
Concello Pontedeume
Provincia A Coruña
Comunidade autónoma Galicia
Estilo arquitectónico
Estilo orixinario (século XIII)
Estilo actual (En ruínas)
Estado actual Visita libre do exterior e patio
Véxase tamén
Castelos de Galicia

O castelo de Andrade, tamén coñecido como fortaleza da Nogueirosa, é un castelo medieval, tamén coñecido en tempos como o Castelo da Fame". Desde a súa orixe estivo moi vinculado á poderosa familia dos Andrade.

Situación[editar | editar a fonte]

Sitúase sobre un pequeno promontorio rochoso no lugar do Castelo, parroquia de Nogueirosa do concello de Pontedeume.

Historia[editar | editar a fonte]

Xa desde a súa orixe foi fonte de disputas. Mandado construír por Fernán Peres de Andrade, O Boo, atopou a oposición do prior do Mosteiro de Sobrado dos Monxes frei Esteban de Seixas que se negaba a súa construción e que incluso conseguiu paralizar as obras por un tempo. Pero o conde de Andrade que era valido de Henrique II de Trastámara e do que obtivera o territorio, rematou impoñéndose na disputa.

A maioría do conxunto conservado é o resultado das obras comezadas no ano 1369 sobre a ruína dunha antiga fortaleza, probablemente do século XIII. A partir do século XIV foi denominado como Alcázar dos Andrade.

Trala súa destrución no ano 1467 a causa das revoltas irmandiñas tivo que ser practicamente reedificado. Poucos anos despois foi un dos corenta e seis castelos aos que os Reis Católicos ordenaron o seu desmochado. Ocorreu no ano 1486.

No século XIX foi obxecto dunha profunda restauración que foi levada a cabo polo arquitecto Tenreiro a instancia do duque de Alba.

Descrición[editar | editar a fonte]

Descrición do Castelo.

Trátase dun castelo de reducidas dimensións construído sobre a rocha viva da Pena Leboreira.

Unha porta con arco de medio punto permite o acceso ao patio de armas a través dun paso abovedado. O patio de armas ocupa 140 m² polos 100 m² da torre da homenaxe. A torre divídese en tres plantas, alcanza unha altura de 20 metros e os seus muros teñen un grosor medio de dous metros e medio.

Na primeira planta ábrense ao exterior estreitas seteiras de sección trapezoidal e baixo algunha delas pódense observar cazoletas empregadas para a recollida da auga da choiva. A segunda planta ábrese con ventás con arcos de medio punto conformando no interior estreitos parladoiros. Na terceira planta consérvase unha ventá xeminada que perdeu o parteluz. O castelo foi construído nun dos pasos de acceso á desenvocadura do río Eume, desde o seu alto domínase a vila dos Andrade.

Galería de imaxes[editar | editar a fonte]

Véxase tamén[editar | editar a fonte]

Commons
Commons ten máis contidos multimedia sobre: Castelo de Andrade