Nariz

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Nariz
TE-Nose diagram.svg
Diagrama dun nariz
Neus1.jpg
Perfil dun nariz humano
Latín 'Nasus'

O nariz (Gl-nariz.ogg pronunciación ) ou os fociños,[1] son unha protuberancia que forma parte do sistema respiratorio nos vertebrados. Trátase dun órgano do olfacto, sendo a entrada do tracto respiratorio.

Partes[editar | editar a fonte]

O nariz divídese en dous compartimentos separados polo tabique nasal, os cales teñen dous buracos de saída. Polo outra banda, as fosas nasais rematan nunhas aberturas que comunican coa farinxe.

Nas paredes laterais das fosas nasais atópanse uns ósos esponxosos que se encargan de quentar e limpar o aire que vai cara aos pulmóns. Debaixo de cada un destes existen uns espazos denominados meatos, que son os que comunican o nariz cos seos paranasais.

A armazón ósea do nariz está constituída por ósos, cartilaxes duras e cartilaxes brandas. Os ósos duros forman a parte superior e os laterais da ponte, as cartilaxes forman os laterais das fosas nasais e o propio tabique nasal.

As paredes das fosas nasais están revestidas por mucosas que teñen como función esencial o acondicionamento do aire inhalado. Ademais, a mucosa atrapa o po e os xermes do aire, cando este se introduce polo nariz.

Notas[editar | editar a fonte]

  1. Definicións no Dicionario da Real Academia Galega e no Portal das Palabras para fociño.