Xeonllo
| Articulacións do xeonllo | |
|---|---|
 | |
| Xeonllo dereito | |
 | |
| Vista posterior do xeonllo dereito | |
| Latín | articulatio genus |
| Gray's | pág.339 |
| Nervio(s) | femoral, obturador, ciático |
| MeSH | Knee |
| Dorlands/Elsevier | Knee |
O xeonllo[1] (tamén chamado xollo)[2] é unha articulación de carga do membro inferior. Na articulación interveñen tres ósos: fémur, rótula e tibia. É unha articulación bicameral, con movementos de flexión - extensión e rotación interna - externa.
Superficies articulares[editar | editar a fonte]
As superficies articulares do xeonllo son:
- Caras anterior, inferior e posterior dos cóndilos femorais
- Superficie posterior da rótula
- Cara superior da epífise superior tibial
Entre o fémur e tibia interpóñense dúas cartilaxes, os meniscos. Á súa vez, estes meniscos presentan unha cara superior ou femoral e unha inferior ou tibial. O menisco externo ten forma de O, mentres que o interno ten forma de C. Entre ambas as cartilaxes colócase un ligamento.
Articulacións do xeonllo[editar | editar a fonte]
Son dúas:
- 1. Entre a canle troclear do fémur e a superficie posterior da rótula. É unha articulación troclear, con movementos de flexión-extensión.
- 2. Entre cóndilos femorais e platos tibiais. Interpóñense os meniscos. É unha trocoide, con movementos de rotación.
Ligamentos do xeonllo[editar | editar a fonte]
- 1. Cápsula articular: percorre as superficies óseas e crea un espazo cheo de líquido sinovial. Atópase furada por diante pola rótula e por detrás polos ligamentos cruzados.
- 2. Ligamento anterior ou tendón rotuliano: orixínase na superficie anterior da rótula continuando o tendón cuadricipital. Chega ata a tuberosidade anterior da tibia.
- 3. Ligamentos laterais: o externo vai dende a cara cutánea externa do fémur ata o peroné. O interno vai en dous planos, do cóndilo interno ata a cara interna da tibia. Presenta un plano superficial, maior en extensión, e o fondo, que vai chegar menos lonxe pero é máis forte.
- 4. Ligamentos cruzados: van dende a cara posterior dos cóndilos femorais ata a tibia. Furan a cápsula articular. Van cubertos de vaiñas sinoviais individuais. Estabilizan a articulación.
Raios X dun xeonllo.
Notas[editar | editar a fonte]
- ↑ Definicións no Dicionario da Real Academia Galega e no Portal das Palabras para xeonllo.
- ↑ Definicións no Dicionario da Real Academia Galega e no Portal das Palabras para xollo.
