Linguas construídas por J. R. R. Tolkien
O filólogo e autor inglés J. R. R. Tolkien creou un bo número de linguas construídas, incluíndo linguas ideadas para escenarios de ficción. Inventar linguas, algo que el chamou glossopoeia (paralelamente á súa idea de mythopoeia ou creación de mitos), foi unha ocupación durante toda a vida para Tolkien, dende a súa adolescencia.[1] Un proxecto inicial foi a reconstrución dunha antiga lingua xermánica non rexistrada que podería ser falada pola xente de Beowulf na Idade Heroica Xermánica.[2]
O máis desenvolvido dos proxectos de creación de linguas foi a familia de linguas élficas. Primeiro comezou a construír unha "Elvin tongue" arredor dos anos 1910–1911 mentres estaba en King Edward's School, Birmingham. Posteriormente chamouno quenya (c. 1915), e continuou desenvolvendo activamente a historia e a gramática das súas linguas elfas ata a súa morte en 1973.
En 1931, ofreceu unha conferencia sobre a súa paixón polas linguas construídas, titulada A Secret Vice. Aquí contrasta o seu proxecto de linguaxes artísticas construídas para o pracer estético co pragmatismo das linguas auxiliares internacionais. Na charla tamén se analizan as opinións de Tolkien sobre fonestética, citando o grego, o finés e o galés como exemplos de "linguas que teñen unha formación de palabras moi característica e de diferentes xeitos moi fermosa".
A creación de linguas de Tolkien ten dúas dimensións temporais: a liña do tempo interna (ficticia) dos acontecementos descritos na obra O Silmarillion e outros escritos, e a liña do tempo externa da propia vida de Tolkien durante a cal a miúdo revisou e perfeccionou as súas linguas e a súa historia ficticia.
Notas[editar | editar a fonte]
- ↑ Tolkien's Not-So-Secret Vice Tolkien's Languages | The Tongues of Middle-Earth
- ↑ Tolkien's name for himself in Gautistk was Undarhruiménitupp. John Garth, Tolkien and the Great War. p. 17. Andrew Higgins, In Dembith Pengoldh A column on Tolkien's invented languages Arquivado 2016-03-04 en Wayback Machine. (2015)
Véxase tamén[editar | editar a fonte]
 |
A Galipedia ten un portal sobre: Terra Media |
Bibliografía[editar | editar a fonte]
- Hostetter, Carl F. (2007). "Tolkienian Linguistics: The First Fifty Years". Tolkien Studies 4: 1–46. doi:10.1353/tks.2007.0022.
- Noel, Ruth (1980). The languages of Tolkien's Middle-earth. Boston: Houghton Mifflin. ISBN 978-0-395-29130-6. OCLC 6043062.
- Shippey, Tom (2005) [1982]. The Road to Middle-Earth (Third ed.). Grafton (HarperCollins). ISBN 978-0261102750.
