Armas e armaduras da Terra Media
As armas e armaduras da Terra Media son aquelas presentes nos escritos sobre o mundo ficticio da Terra Media, entre eles O hobbit, O Señor dos Aneis e O Silmarillion, obra do autor inglés J. R. R. Tolkien.[1][2]
Tolkien modelou a súa guerra de ficción nos períodos da historia antiga e medieval. A súa representación de armas e armaduras reflicte particularmente a cultura do norte de Europa, a influencia do poema épico Beowulf, as sagas nórdicas e outras obras semellantes. Tolkien estabeleceu esta relación en The Fall of Gondolin, a primeira obra do legendarium en ser escrita. Nesta historia, os elfos de Gondolin usan cota de malla, espadas, escudos, lanzas, machadas e arcos propios da guerra do norte de Europa. Nos escritos de Tolkien, este tipo de armas e armaduras son usadas polos distintos pobos e razas ficticios, incluíndo elfos, ananos, homes, hobbits eorcos.[2]
Segundo as súas fontes, as armas de Tolkien moitas veces teñen nomes, en ocasións con inscricións rúnicas para demostrar que son máxicas e teñen a súa propia historia e poder.[1]
Notas
[editar | editar a fonte]- ↑ 1,0 1,1 Burdge, Anthony; Burke, Jessica (2013) [2007]. "Weapons, Named". En Drout, Michael. J.R.R. Tolkien Encyclopedia: Scholarship and Critical Assessment. Routledge. pp. 703–705. ISBN 978-0-415-86511-1.
- ↑ 2,0 2,1 Piela, Joseph (2013) [2007]. "Arms and Armour". En Drout, Michael. J.R.R. Tolkien Encyclopedia: Scholarship and Critical Assessment. Routledge. pp. 26–27. ISBN 978-0-415-86511-1.
Véxase tamén
[editar | editar a fonte] |
A Galipedia ten un portal sobre: Terra Media |
Bibliografía
[editar | editar a fonte]- Hooker, Mark T. (2014). The Tolkienaeum. Llyfrawr. ISBN 978-1499759105.
- Smith, Chris (2003). The Lord of the Rings: Weapons and Warfare. Mariner Books. ISBN 0-618-39100-2.