Armas con nome da Terra Media

Beowulf loita o dragón coa súa espada Nægling. Ilustración de 1908 por Joseph Ratcliffe Skelton.

As armas con nome da Terra Media son as espadas e outras poderosas armas creadas por J. R. R. Tolkien como parte do seu legendarium e unha parte importante na súa mitoloxía. O nomeamento das armas deriva da época medieval, estando presente na mitoloxía nórdica e no poema en inglés antigo Beowulf. Entre as moitas armas nomeadas por Tolkien están Orcrist e Glamdring na obra O hobbit, e Narsil / Andúril na obra The Lord of the Rings.

Existen múltiples paralelismos entre o uso que fai Tolkien dos nomes das armas nos seus escritos da Terra Media e a épica medieval. Estes inclúen a súa transmisión como herdanzas, ás veces reais; o seu redescubrimento en antigos tesouros; o seu adorno con inscrición rúnicas; e a súa vinculación coa vida dos seus propietarios.

Na Terra Media

Armas de poder

Artigo principal: Armas e armaduras da Terra Media.

Tolkien nomeou moitas armas nos seus escritos da Terra Media, principalmente espadas, mais tamén nomeou a Aeglos, a lanza do rei elfo Gil-galad, Belthronding, o arco de Beleg, Dramborleg, a machada de Tuor e Grond, o nome do malvado ariete de Minas Morgul, e da maza do primeiro Señor Escuro, Morgoth. Dezaoito destas armas foron listadas por Anthony Burdge e Jessica Burke en J. R. R. Tolkien Encyclopedia. Como nas épicas medievais, a espada en particular simbolizaba o heroísmo e a posición do seu dono. O estudoso da obra de Tolkien Verlyn Flieger sinalou que a espada "proclama a aparición do heroe"; ademais que "os destinos da espada e do home están unidos e a destrución dun sinala o final do outro".

Tales temas pódense ver claramente coa espada Andúril de Aragorn, pero ocorren de xeito similar noutros relatos de Tolkien polas moitas armas nomeadas. As espadas Glamdring e Orcrist mencionadas no Hobbit encaixan en dúas das características do patrón medieval, xa que ambas son antigas, forxadas na Primeira Idade, e foron recuperadas dun tesouro, sendo gardadas polos tres troles na súa cova. Forxar de novo a arma ou redescubrila transmite efectivamente o vello poder á nova arma e ao seu novo dono, e renovan ese poder.

Glamdring e Orcrist, e o coitelo de Bilbo usado como espada, que el chamou Aguillón, relocen cando hai orcos preto; as antigas espadas aterrorizan aos orcos e son recoñecidas por eles; de feito, os orcos teñen os seus propios alcumes para as dúas famosas espadas, Biter e Beater. Estas armas teñen numerosas conexións coas famosas espadas da mitoloxía medieval, incluíndo, segundo os eruditos de Tolkien K. S. Whetter e R. Andrew McDonald, o estilo e o contido dos seus nomes, que recordan os nomes de espadas na mitoloxía nórdica como Fotbitr e Dragvandil ("Mordedora de pernas" e "Cortadora"). De feito, no Hobbit, cando a compañía de Bilbo chega a Valfendido, Elrond le as inscricións rúnicas das espadas e describe a historia heroica e a estirpe das armas recuperadas:

Estas son espadas vellas, espadas moi vellas dos altos elfos do oeste, parentes meus. Fixéronse en Gondolin para as guerras dos trasnos. Deberon proceder dun tesouro de dragóns ou dun espolio de trasgos, xa que os dragóns e os trasnos destruíron esa cidade hai moitas idades. Esta, Thorin, as runas chámana Orcrist, fendedora de trasgos na antiga lingua de Gondolin; era unha folla famosa. Este, Gandalf, era Glamdring, martelo de inimigos, que usou o rei de Gondolin. Gardádeass ben!"

Notas

Fontes primarias

Esta lista identifica a localización de cada elemento nos escritos de Tolkien.

Véxase tamén

Bibliografía

• Brisbois, Michael J. (2008). "The Blade Against the Burden: The Iconography of the Sword in The Lord of the Rings". Mythlore 27 (1). article 9. ISSN 0146-9339. 
• Byock, Jesse (translator) (1990). The Saga of the Volsungs : the Norse epic of Sigurd the dragon slayer. University of California Press. ISBN 978-0520069046. 
• Burdge, Anthony; Burke, Jessica (2013) [2007]. "Weapons, Named". En Drout, Michael D. C. J.R.R. Tolkien Encyclopedia: Scholarship and Critical Assessment. Routledge. pp. 703–705. ISBN 978-0415865111. 
• Carpenter, Humphrey, ed. (1981). The Letters of J. R. R. Tolkien. Boston: Houghton Mifflin. ISBN 978-0-395-31555-2. 
• Croft, Janet Brennan (2015). "Noms de Guerre: The Power of Naming in War and Conflict in Middle-earth". Mythlore 34 (1). article 9. ISSN 0146-9339. 
• Culbert, Taylor (1960). "The Narrative Functions of Beowulf's Swords". Journal of English and Germanic Philology 59 (1): 13–20. JSTOR 27707401. 
• Flieger, Verlyn (1981). Isaacs, Neil D.; Zimbardo, Rose A., eds. Frodo and Aragorn: The Concept of the Hero. Tolkien: New Critical Perspectives (University Press of Kentucky). pp. 40–62. ISBN 978-0813114088. 
• Hall, Mark R. (2012). "Gandalf and Merlin, Aragorn and Arthur: Tolkien's Transmogrification of the Arthurian Tradition and Its Use as a Palimpsest for The Lord of the Rings". Inklings Forever: Published Colloquium Proceedings 1997-2016 8. article 6. OCLC 825553191. 
• Hammond, Wayne G.; Scull, Christina (2005). The Lord of the Rings: A Reader's Companion. HarperCollins. ISBN 978-0007209071. 
• Malory, Sir Thomas (2014). Delphi Complete Works of Sir Thomas Malory (Illustrated). Delphi Classics. ISBN 978-1910630358. 
• Ogden, Daniel (2013). Dragons, Serpents, and Slayers in the Classical and Early Christian Worlds: A Sourcebook. Oxford University Press. p. 265. ISBN 978-0-19-992509-4. 
• Terry, Patricia (1969). Poems of the Vikings : The Elder Edda. Bobbs-Merrill. ISBN 978-0672603327. 
• Tolkien, J. R. R. (1937). Douglas A. Anderson, ed. The Annotated Hobbit. Boston: Houghton Mifflin (publicado en 2002). ISBN 0-618-13470-0. 
• Tolkien, J. R. R. (1954). A Irmandade do Anel. Houghton Mifflin. ISBN 0-395-08254-4. 
• Tolkien, J. R. R. (1977). Christopher Tolkien, ed. O Silmarillion. Boston: Houghton Mifflin. ISBN 0-395-25730-1. 
• Whetter, K. S.; McDonald, R. Andrew (2006). ""In the Hilt is Fame": Resonances of Medieval Swords and Sword- lore in J.R.R. Tolkien's The Hobbit and The Lord of the Rings". Mythlore 25 (1). article 2. ISSN 0146-9339.