Jesús María Satrústegui

Na Galipedia, a Wikipedia en galego.
Saltar ata a navegación Saltar á procura
Satrústegui
Jesus Mari Satrustegi.jpg
Información persoal
Nome completo Jesús María Satrústegui Azpiroz
Nacemento 12 de xaneiro de 1954 (65 anos)
  Pamplona
Nacionalidade España
Altura 1,78 m
Posición Dianteiro
Carreira xuvenil
CD Pamplona
Carreira sénior
Anos Equipos Aprs (Gls)
1971–1973 San Sebastián
1973–1986 Real Sociedad 374 (162)
Selección nacional
1975-1982 España 32 (8)
Euskadi
* Partidos e goles só en liga doméstica.
† Aparicións (Goles)

Jesús María Satrústegui Azpiroz, nado o 12 de xaneiro de 1954 en Iruña é un ex-futbolista navarro que xogaba na demarcación de dianteiro. Foi internacional coa Selección de fútbol de España.

Traxectoria[editar | editar a fonte]

Comezou a xogar na súa cidade natal no CD Pamplona e con 17 anos ficha pola Real Sociedad. Nun principio comeza xogando no Sanse, o filial do club, debutando en 1971 en Terceira División. Tras dúas tempadas no filial pasou ao primeiro equipo co que debutou o 8 de setembro de 1973 ante o Real Murcia.

Satrústegui militou na Real Sociedad 13 tempadas, ata a súa retirada en 1986, xogou co equipo donostiarra 374 encontros oficiais anotando 162 goles, numeros que o converten no máximo goleador da historia do club.

Viviu os anos dourados da Real Sociedad, logrando o subcampionato de Liga na tempada 1979/80 e o título nas tempadas 1980/81 e 1981/82, tamén gañou a Supercopa de España en 1982. Compartiu esta gran xeración con xogadores coma Luis Miguel Arconada, Jesús María Zamora ou Roberto López Ufarte.

Por desgraza unha grave lesión de menisco e ligamentos cruzados a comezos da tempada 1982/83 deixarono no dique seco case dous anos, trala súa volta mantivose no equipo dous anos máis con números moi discretos e en 1986 anunciou a súa retirada. O seu lugar no equipo ocupariao un xóven dianteiro José Mari Bakero.

Coas seleccións de fútbol[editar | editar a fonte]

Foi internacional coa Selección de fútbol de España en 32 ocasións, anotando 8 goles. Debutou en Bucarest o 16 de novembro de 1975, deixando o combinado tralo pobre papel do equipo no Mundial de Fútbol España 1982.

Tamén foi internacional coa Selección de fútbol de Euskadi.

Palmarés[editar | editar a fonte]

Título Club País Ano
Liga Real Sociedad España 1981
Liga Real Sociedad España 1982
Supercopa Real Sociedad España 1982

Véxase tamén[editar | editar a fonte]

Ligazóns externas[editar | editar a fonte]