Filipe Luís

Filipe Luís
Filipe Luís xogando co Atlético de Madrid en 2013
Información persoal
Nome	Filipe Luís Kasmirski
Nacemento	9 de agosto de 1985 (37 anos)
Lugar de nacemento	Jaraguá do Sul
Altura	1,82 m.
Posición	Defensa
Información de club
Club actual	Flamengo
Carreira xuvenil
	Figueirense
Carreira sénior
Anos	Equipos	Aprs	(Gls)
2003–2005	Figueirense	22	(1)
2004–2005	→ Ajax (cedido)	0	(0)
2005–2008	Rentistas	0	(0)
2005–2006	→ Real Madrid B (cedido)	37	(0)
2006–2008	→ Deportivo (cedido)	52	(1)
2008–2010	Deportivo da Coruña	59	(5)
2010–2014	Atlético de Madrid	127	(2)
2014–2015	Chelsea	15	(0)
2015–2019	Atlético de Madrid	113	(7)
2019–	Flamengo	97	(4)
Selección nacional
2004–2005	Brasil sub-20	16	(2)
2009–	Brasil	44	(2)
Na rede
Partidos e goles só en liga doméstica. Club: actualizado a 6 de decembro de 2022. Selección: actualizado a 27 de xuño de 2019.[ editar datos en Wikidata ]

Filipe Luís Kasmirski, nado en Jaraguá do Sul (Santa Catarina) o 9 de agosto de 1985, é un futbolista brasileiro de ascendencia polaca e italiana, que ten esta última nacionalidade. Xoga de defensa e o seu club actual é o Flamengo.

Traxectoria

Filipe Luís (arriba, segundo pola esquerda) no partido CSKA — Deportivo da segunda eliminatoria da copa da UEFA 2008.

Procedente do Figueirense Futebol Clube, Filipe chegou ao fútbol europeo por medio do Ajax de Amsterdam no 2004, pasando alí unha temporada enteira. O 18 de agosto do 2005, firmou polo Rentistas do Uruguai pero rapidamente foi cedido ao Real Madrid. Pasou a maior parte da temporada no Real Madrid, pero no seu filial, o Real Madrid Castilla.

No 2006 foi cedido outra vez polo Rentistas, esta vez ao Deportivo da Coruña, cunha opción de compra de 2,2 millóns de euros. A súa cesión foi ampliada durante un ano máis coa mesma cláusula de compra. Afianzouse como primeiro lateral esquerdo e foi unha figura clave para o equipo.

O 10 de xuño do 2008 o Deportivo fixo efectiva a cláusula de compra e Filipe firmou un contrato de cinco anos.

O 23 de xaneiro de 2010, nun partido que enfrontaba ao Deportivo co Athletic de Bilbao no Estadio Municipal de Riazor (3-1), chocou co porteiro do equipo rival logo de marcar un gol e sufriu unha fractura e luxación do nocello dereito na parte do peroné. Pasou polo quirófano e estivo tres meses e medio de baixa. Pasou catro anos no club galego, xogando 137 partidos e marcando oito goles.

O 23 de xullo de 2010 foi contratado polo Club Atlético de Madrid por catro tempadas. A súa chegada non puido comezar mellor, pois o 29 de agosto conseguiría o seu primeiro título ao impoñerse na Supercopa de Europa ao Inter de Milán, gañador da Liga de Campións, por dous goles a cero, se ben non participou en dito encontro. O seu debut oficial non se produciu até a quinta xornada da Liga 2010–11 ante o Real Zaragoza, dando o pase do gol da vitoria.

Selección nacional

Foi internacional coa selección brasileira en diversas ocasións, producíndose o seu debut o 14 de outubro de 2009 no derradeiro encontro de clasificación para o Mundial de Suráfrica 2010 fronte a Venezuela (0–0). Anteriormente ao seu debut xa fora convocado para disputar os partidos contra Arxentina, Chile e Bolivia.

Palmarés

Deportivo

• Copa Intertoto da UEFA: 2008

Atlético de Madrid

• UEFA Europa League: 2011–12
• Primeira División: 2013–14
• Copa do Rei: 2012–13
• Supercopa de Europa: 2010

Chelsea

• Premier League: 2014–15
• Football League Cup: 2014–15

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en fifa.com Arquivado 08 de novembro de 2012 en Wayback Machine. (en inglés)
• Datos do xogador en cbf.com.br