Arena Națională
Coordenadas: 44°26′14″N 26°09′09″L / 44.4372, 26.1525
| Arena Națională | |
|---|---|
 | |
| Datos | |
| Localización | Bucarest, Romanía |
| Construción | |
| Inauguración | 6 de setembro de 2011 |
| Arquitecto | Max Bögl e Astaldi |
| Custo | 234 millóns de euros |
| Estadio | |
| Superficie | Herba |
| Dimensións | 105 x 68 |
| Capacidade | 55.600 espectadores |
| Propietario | Municipalidade de Bucarest |
| Localía | Selección de Romanía Steaua de Bucarest (2011 - ? ) |
| Eventos | |
| Final da UEFA Europa League 2011-12 | |
O Arena Națională é un estadio de fútbol da cidade de Bucarest, en Romanía, construído entre 2008 e 2011, que foi inaugurado o 6 de setembro de 2011, cunha capacidade para acoller a 55.600 seareiros sentados nas bancadas.
Este recinto ven a substituír o anticuado Stadionul Lia Manoliu (derrubado en 2007) como estadio nacional, no cal disputará tódolos seus encontros como local a Selección de fútbol de Romanía dende 2011 en diante. Igualmente será o recinto no que se celebrarán cada ano as finais da Copa de Romanía e da Supercopa de Romanía. Este foi o estadio escollido pola UEFA para que o 9 de maio de 2012 se levase a cabo nel a final da UEFA Europa League 2011-12, na que o Atlético de Madrid bateu ó Athletic Club.
Dous clubs teñen xogado como locais neste estadio dende a súa inauguración. Un deles é o Steaua de Bucarest, que disputa os seus encontros de liga e de competicións europeas. O outro é o FC Oțelul Galați, que xogou alí os seus 3 encontros da Liga de Campións da UEFA 2011-12 como local.
O Arena Națională é 1 dos 8 estadios que constitúen a candidatura de Romanía e Bulgaria para acoller a organización da Eurocopa do ano 2020.
