O Rosal

O Rosal
Casa consistorial, nun pazo do século XVIII.
Situación
Xentilicio	rosaleiro/a
Xeografía
Provincia	Provincia de Pontevedra
Comarca	Comarca do Baixo Miño
Poboación	6.595 hab. (2010)
Área	44,1 km²
Densidade	149,55 hab./km²
Entidades de poboación	4 parroquias
Capital do concello	O Rosal
Política (2011)
Alcalde	Jesús María Fernández Portela (PP)
Concelleiros	BNG: 2 PPdeG: 8 PSdeG-PSOE: 2 Outros: -
Eleccións municipais no Rosal
Uso do galego (2001)
Galegofalantes	96,21%
Na rede
Páxina do concello de O Rosal Páxina de turismo do concello de O Rosal
[ editar datos en Wikidata ]

O Rosal é un concello situado ó suroeste da provincia de Pontevedra. Pertence á comarca do Baixo Miño, situándose á beira da desembocadura do río Miño.

Segundo o IGE, no 2010 tiña unha poboación de 6.595 habitantes.

Evolución da poboación de O Rosal   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
5.225	5.302	5.679	5.558	5.992	6.595
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

A súa economía é eminentemente agrícola, forestal e gandeira (pastos), con algo de pesca de baixura. Son afamados os seus viños, que pertencen á Denominación de Orixe Rías Baixas.

Historia

Atopáronse vestixios paleolíticos, que inclúen pinturas rupestres, e da Idade do Bronce. A cultura castrexa estivo moi presente nesta zona.

Durante a Idade Media pertenceu ó Mosteiro de Santa María de Oia, da orde Cisterciense.

O concello constituíuse en 1847, independizándose do da Guarda. En 1879 o rei Afonso XII outorgoulle o título de vila.

Patrimonio

Os muíños do Folón e do Picón é un conxunto de 36 muíños do século XVIII situados nos ríos Folón e Picón, todos eles restaurados e mesmo algún en funcionamento. Preto do lugar atópanse a ermida de San Martiño e as fervenzas do río Folón e do río da Cal. Pódense visitar percorrendo a ruta homologada de sendeirismo PR-G 94, roteiro circular de 3'5 km con principio e fin xunto ó Muíño da Ponte das Penas.

O monumento ao cabaqueiro lembra os telleiros da vila, que crearon a xerga denominada latín dos cabaqueiros.

A casa consistorial ocupa un pazo do século XVIII.

Alcaldes

• José Luis Martínez Rodríguez AP (1979-1987) PP (1987-1999) (1979-1999).
• Jesús María Fernández Portela PP (1999-actualidade).

Colexios

• CPI Manuel Suárez Marquier (1977).
• CRA María Zambrano: Sede en Pías. 6 edificios (Marzán, Pías, Couso, Fornelos, Novás, Tabagón)

Deporte

• S. D. Atlético Novás (balonmán).
• Unión Deportiva Ribera (fútbol).
• Club Ciclista O Rosal-Hermanos Ozores SL.
• Atletismo Suárez Marquier [1]

Música

• Banda Municipal do Rosal.
• Coral Musical do Rosal.

Galería de imaxes

Artigo principal: Galería de imaxes do Rosal.

• 
  AVE MARYA PVRYSSYMA ANO DE 1781
• 
  Fonte.
• 
  S. Bartolomeu das Eiras.
• 
  Muíños do Folón.

Lugares do Rosal

Para unha lista completa de todos os lugares do concello do Rosal vexa: Lugares do Rosal.

Véxase tamén

Ligazóns externas

• Páxina web do concello
• Páxina web turística do concello
• PR-G 94 Ruta dos Muíños do Folón e do Picón - SEGATUR

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---