Torrent, Valencia

Na Galipedia, a Wikipedia en galego.

Coordenadas: 39°26′20″N 0°27′56″W / 39.43889°N 0.46556°W / 39.43889; -0.46556

Torrent, Valencia
Escudo de Torrent.svg
Avenida(Torrent).jpg
Situación xeográfica
Localización de Torrent respecto á Comunidade ValencianaLocalización de Torrent respecto á comarca da Horta Sud
País España
Comunidade autónoma Comunidade Valenciana
Provincia Valencia
Comarca L'Horta Oest
Xeografía
Altitude 66 msnm
Superficie 69,2 km²
Poboación
Poboación 76.927 hab. (2008)
Densidade 1.085,71 hab./km²
Xentilicio Torrentino/ina
Información
Código postal 46200
Alcalde María José Catalá Verdet (PP)
Páxina web Ajuntament de Torrent
Auditorio de Torrent
Avenida de Torrent

Torrent é unha cidade da área metropolitana de Valencia, na Horta Oest (comarca non oficial, pois é capital administrativa da Horta Sud). Con 76.927 habitantes (INE 2007), trátase do terceiro municipio con máis poboación da provincia de Valencia e o oitavo máis poboado do País Valenciano.

Limita con Aldaia, Alaquàs, Picanya, Catarroja, Alcàsser e Picassent (na Horta); con Montserrat (Ribera Alta) e con Godelleta e Xiva (Foia de Bunyol).

Xeografía[editar | editar a fonte]

Capital administrativa da comarca valenciana da Horta Oest, atópase a 9km da cidade de Valencia, aos pés do outeiro de El Vedat, e a 15 km do mar. Xunto con outros municipios da comarca, Torrent forma parte da chamada Mancomunitat Intermunicipal de l'Horta Sud, que ten a súa sede neste mesmo municipio.

Morfología[editar | editar a fonte]

Non hai practicamente montañas importantes en toda a comarca e a únicas montañas do municipio son de pouca altura: El Vedat (142 msnm), Morredondo (157 m), Barret (142 m), Cap de l'Aranya (228 m) e a Serra Perenxisa (329 m). Unha quinta parte do termo municipal é zona de montaña. Hai que destacar que o municipio é atravesado polo Cantil de Torrent, o cal desemboca no lago da Albufera.

Vexetación[editar | editar a fonte]

Nas montañas atopamos sobre todo Pinus halepensis (piñeiro branco), Quercus coccifera, Pistacea lentiscus, gran cantidade de gramíneas e arbustos e matos de tipo esclerófilo, polo que é o típico coscoxal mediterráneo. O terreo chan foi usado principalmente para a agricultura e apenas hai vexetación natural nas proximidades do casco urbano.

Fauna[editar | editar a fonte]

En Torrente hai unha grande diversidade de fauna, sobre todo concentrada nas escasas zonas non habitadas do seu territorio, como algunhas rexións da Serra Perenxisa, é posíbel atopar animais de pequeno tamaño como réptiles (eslizón ibérico, dragón común, largartixas, pequenas serpes), fardachos, e algúns outros, en aves atopamos unha gran diversidade, por exemplo gran variedade de paseriformes, e outras aves como garcetas, falconetes, e outros. Atopamos diferentes mamíferos como coellos, lebres, raposos, ourizos cachos, xabaríns, ratiños de campo, musarañas e sobre todo morcegos e algunhas xenetas, que foron introducidas fai anos.[1]

Os invertebrados máis característicos da zona dentro do philum mollusca son gasterópodos, os máis comúns da rexión valenciana sen ningún endemismo coñecido, atopamos a fauna de invertebrados máis común posible, por exemplo, hai gran cantidade de lombriz de terra, alacráns, en concreto o Brutus occitanus, arañas de diferentes tipos, pero podemos atopar moitas arañas do xénero Argiope, e polo resto sen especificar philums atopamos grilos, cempés e milpés, así como libeliñas e bolboretas variadas.

Clima[editar | editar a fonte]

O clima é de tipo subtropical, correspondente á zona mediterránea polo que os invernos son suaves e os veráns calorosos. A temperatura media é de 18C, no inverno oscila entre de 10 e 12 °C (aínda que pode chegar aos 0 °C nos días máis fríos) e no verán é de 27 °C (con picos de ata 40 °C).

As precipitacións anuais son de 455mm por metro cadrado, chegando aos 700mm os anos nos que se dá no outono a gota fría. As nevadas son episodios infrecuentes, un par de veces cada década, fóra diso as zonas máis elevadas do término municipal.

Etimoloxía[editar | editar a fonte]

Non se sabe cando se orixinou o nome desta cidade aínda que se especula sobre unha posíbel orixe latina. Existen dúas palabras de orixe latino que poderían ser a raíz do topónimo: Turritus (fortificado) ou Torrens (rápido, impetuoso, violento).[2]

A primeira vez que aparece escrito é nun documento de Jaume I de 1232, no que se chama Vilas de Torrent.[3] Torrent foi o nome oficial até que no ano 1860 dítase una Real Orden pola cal tódolos nomes de municipios han de traducir os seus nomes ao castelán. Dende ese día comezouse a usar de xeito oficial o topónimo "Torrente".

Dende 1979 volveu a chamarse oficialmente Torrent.[4] Dende ese ano os documentos oficiais tanto en valenciano como en castelán inclúen o nome de Torrent.

Demografía[editar | editar a fonte]

Grazas á súa integración na área metropolitana de Valencia, principalmente coma cidade dormitorio, Torrent presentou un forte medre demográfico dende os anos 50 do século XX, acadando os 75.131 habitantes no año 2007. Un 8,4% dos seus habitantes era, no padrón del 2005, da inmigración.[5]

Evolución demográfica de Torrent[6]
1857 1900 1910 1920 1930 1940 1950 1960 1970 1981 1991 1996 2001 2006 2007
6.092 8.561 9.490 9.952 10.443 13.586 15.974 24.042 39.724 51.361 56.191 56.564 65.538 74.616 75.131

Habitantestorrent.svg

Monumentos[editar | editar a fonte]

Monumentos relixiosos[editar | editar a fonte]

  • Ermita de Sant Lluís Beltran. Construída en 1634, sufriu moitas modificacións, até na guerra de 1936-39 vai estar destinada a usos militares e posteriormente foi restaurada.
  • Església de l'Assumpció de Nostra Senyora. Erixida en estilo gótico en 1590 sobre a orixinal, máis pequena, do século XIII. En 1697 foi restaurada ao gusto barroco da época e en 1940 sufriu a darreira intervención. Aloxa obres de Ribalta (1565-1628), Andreu Robles, Esteve i Pere Mora entre outros.

Monumentos civís[editar | editar a fonte]

  • El Liceu . Edificio modernista que serviu de cinema e actualmente aloxa oficinas da administración estatal.
  • Acuedutos dos Arquets de Dalt e os Arquets de Baix, da época árabe, no Paraxe Natural da Serra Perenxisa.
  • Modernisme. Repartidos polo núcleo antigo vense edificios, fontes e outros monumentos deste movemento artístico de principios do século pasado.
  • Poboado e cemiterio mudéxares da Carrasquera.

Lugares de interese[editar | editar a fonte]

  • L'Hort de Trènor. Erixido en 1596 coma Convento de Franciscanos Alcantarins, sufriu diversas vicisitudes que desembocaron na inauguración, o 18 de marzo de 1894, dun parque municipal onde a debido á exuberancia do seu xardín, atopen espazo diversas actividades educativas, medioambientais e lúdicas.
  • Paraxe Natural Municipal da Serra Perenxisa.

Cultura[editar | editar a fonte]

Torrent ten unha variada oferta cultural tanto oficial como asociativa. No aspecto musical destacan dúas sociedades musicais:

  • Banda del Cercle Catòlic de Torrent.
  • Banda Sinfònica Unió Musical de Torrent fundada no 1973.

Notas[editar | editar a fonte]

  1. Fauna de Torrent
  2. El nom de Torrent, Quaderns de vida torrentina vol I. Vicent Bequer i Esteve, Cronista de Torrent. 1978.
  3. Documentos de Jaime I de Aragón, vol I (1216,1236). Ambrosio Huici e Desamparados Cabanes. 1976.
  4. Instituto Nacional de Estadística Indícase que anteriormente a 1980 o municipio chamábase Torrente
  5. Fonte: Explotación estatística do censo segundo o INE. Poboación por sexo, municipios e nacionalidade (principais nacionalidades).
  6. Fonte: Poboación de feito segundo o INE. Alteracións dos municipios nos Censos de Poboación dende 1842, Series de poboación dos municipios dende 1996.