Alboraia

Na Galipedia, a Wikipedia en galego.
Alboraia
Escudo de Alboraya.svg
Situación xeográfica
Localización de Alboraia respecto á Comunidade ValencianaLocalización de Alboraia respecto á comarca da Horta Nord
País España
Comunidade autónoma País Valenciano
Provincia Valencia
Comarca L'Horta Nord
Xeografía
Altitude 5 msnm
Superficie 8,30 km²
Poboación
Poboación 22.174 hab. (2008)
Densidade 2.671,57 hab./km²
Xentilicio Alboraiense
Información
Código postal 46120
Alcalde Miguel Chavarria (PSOE)
Páxina web Ajuntament d'Alboraia

Alboraia (en valenciano: Alboraia, en castelán: Alboraya) é un concello da Comunidade Valenciana, situado na zona norte da área metropolitana de Valencia, na comarca da Horta Nord, da que conserva todo o sabor típico da de la horta valenciana, é chamada por iso como "El portal de l'Horta" ("O Portal da Horta"). Con 22.174 habitantes (2008) a vila é coñecida por ser o berce da orchata.

Xeografía[editar | editar a fonte]

O termo municipal aínda conserva amplas zonas de horta, con cultivos intensivos que constitúen a riqueza fundamental que sempre tivo esta terra. A medida que pasan os anos, a extensión de horta vaise reducindo, debido á presión urbanística. A designación da cidade de Valencia como cidade sede da Copa América 2007, supuxo un desenvolvemento importante para os terreos para a urbanización do sector terciario no municipio de Alboraia, debido á súa proximidade co futuro campo de regatas, a dispoñibilidade dun porto deportivo activo e a actual situación dos seus tres polígonos industriais. Isto tivo como consecuencia que unha porcentaxe aproximada do 75% dos equipos regatistas fixeron as súas bases de operacións para o evento deportivo nesta poboación.

Con todo, dado que hai esas grandes zonas de regadío, o termo divídese en oito partidas: Calvet, Desamparats, Mar, Massamarda, Masquefa, Miracle, Savoia e Vera.

Pódese acceder a esta localidade a través da liña 3 de Metro Valencia con dúas estacións na poboación, Alboraia-Palmaret e Alboraia-Peris Aragó. O Concello ofrece ao pobo un servizo local de autobús, que percorre os núcleos de poboación de Alboraia.

Localidades limítrofes[editar | editar a fonte]

Almàssera polo noroeste, Meliana polo norte, Tavernes Blanques polo oeste, Valencia cidade polo sur e o Mar Mediterráneo polo leste. Todas da Horta Nord.

Demografía[editar | editar a fonte]

A poboación medrou moito nos últimos anos; así, no ano 1986 vivían 11.267 persoas, pasando no ano 2002 a subir até os 18.656, dos cales, o 58,84% declaraban no censo de 2001 que sabían falar valenciano. Hoxe conta cunha poboación de 22.174 habitantes (2008).

Evolución demográfica
1900 1910 1920 1930 1940 1950 1960 1970 1981 1991 2000 2005 2008
4.700 4.807 5.712 6.124 6.749 6.885 8.073 9.126 10.727 11.687 16.943 20.514 22.174

Economía[editar | editar a fonte]

A actividade económica da poboación distribúese da seguinte maneira (datos de 1994): o 45,80% traballa no sector servizos, o 33% na industria, o 16,70% na agricultura e, finalmente, o 3,60% na construción. O cultivo máis importante é o da chufa, coa que se fai a coñecida orchata de Alboraia.

Ligazóns externas[editar | editar a fonte]

Commons
Commons ten máis contidos multimedia sobre: Alboraia