Cullera

Na Galipedia, a Wikipedia en galego.
Cullera
Escudo de Cullera.svg
Situación xeográfica
Localización de Cullera respecto á Comunidade ValencianaLocalización de Cullera respecto á comarca da Ribera Baixa
País España
Comunidade autónoma Comunidade Valenciana
Provincia Valencia
Comarca Ribera Baixa
Xeografía
Altitude 2 msnm
Superficie 53,80 km²
Poboación
Poboación 23.777 hab. (2008)
Densidade 441,95 hab./km²
Xentilicio Cullerán/ana
Información
Código postal 46400
Alcalde Ernesto Sanjuán Martínez (PP)
Páxina web Ajuntament de Cullera

Cullera é un municipio da Comunidade Valenciana que se atopa na comarca da Ribera Baixa.

Xeografía[editar | editar a fonte]

Praia de Cullera
Praia de Cullera

O municipio situado na ribeira do río Xúcar e xunto ao mar Mediterráneo, atópase a preto de 40 km da capital Valencia. Accédese a esta localidade dende a Cap i Casal tomando a V-31 e posteriormente a N-332 e despois de pasar Sueca virar á esquerda para seguir pola CV-5040.

Cullera, xunto cos termos municipais de Valencia, Alfafar, Sedaví, Catarroja, Massanassa, Albal, Beniparrell, Silla, Sollana, Sueca, Albalat de la Ribera e Algemesí, forma parte do Parque Natural da Albufeira. Nesta localidade desemboca o río Xúcar, irrigando o termo municipal de Cullera enteiro, mediante un sistema de regadío deseñado na época de dominación musulmá. O Xúcar tamén irriga practicamente toda a comarca da Ribera Baixa. Aparte do río Xucar, tamén existe a lagoa de L'Estany, situada na parte sur do termo municipal con desembocadura no mar, este é un lugar de pesca habitual.

Ao norte e nun recuncho da montaña, atópase a balsa de Sant Llorenç, este é un gran estanque rodeado de canas e coa fauna autóctona do Parque Natural da Albufeira. O termo municipal de Cullera esténdese ao longo dunha chaira, cuxa única elevación é a Muntanya de lles Rabosses (montaña das Raposas), cunha altura máxima de 233 m, sendo a última estribación do Sistema Ibérico antes de chegar ao mar. O nome da montaña débese a que nunha época habitaban moitos coellos, facendo que tamén se atopase o raposo no mesmo hábitat; nos últimos tempos por mor da especulación urbanística e a explotación turística de cando en cando adoita verse algún raposo, excepto en contadas ocasións. Desta montaña cabe destacar que pola súa situación xeográfica, desde a cal se controlan todos os arredores, sempre estivo habitada e utilizada como atalaia, feito constatado polo castelo musulmán reformado máis tarde polos cristiáns, e a principios do século XX volta a reformarse para albergar un santuario, moito máis recente é o forte na parte máis elevada da montaña, que data da época das guerras carlistas.

Barrios e pedanías[editar | editar a fonte]

No termo municipal de Cullera sitúanse os seguintes núcleos de poboación:

  • Sant Antoni de la Mar
  • El Far
  • El Dosser
  • El Brosquil
  • El Mareny de Sant Llorenç
  • El Marenyet
  • L'Estany
  • El Racó
  • La Bega
  • El Port
  • El Raval de Sant Agustí
  • La Vila

Localidades limítrofes[editar | editar a fonte]

O termo municipal de Cullera limita cos de Sueca, Corbera, Fortaleny, Llaurí, Favara, Polinyà de Xúquer e Tavernes de la Valldigna.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Cullera