Algemesí
| Algemesí | |
|---|---|
 |
|
| Situación xeográfica | |
  |
|
| Estado: | España |
| Comunidade autónoma: | País Valenciano |
| Provincia: | Valencia |
| Comarca: | Ribera Alta |
| Xeografía | |
| Altitude: | 17 msnm |
| Superficie: | 41,70 km² |
| Poboación | |
| Poboación total: | 27.770 hab. (2008) |
| Densidade de poboación: | 665,95 hab./km² |
| Xentilicio: | Alcireño/a |
| Información | |
| Código postal: | 46600 |
| Alcalde: | Vicent Ramón García i Mont (PP) |
| Sitio na web: | Ajuntament d'Alguemeí |
Algemesí é un concello do País Valenciano. Pertencente á provincia de Valencia, na comarca da Ribera Alta.
Índice |
[editar] Geografía
O río Magre, afluente do Xúcar, abraza o centro urbano e conflúe con aquel dentro do termo, na paraxe natural municipal da "Xopera", o único parque natural pertencente a Algemesí, posto que o resto do termo é unha enorme alfombra verde dedicada ao cultivo da laranxeira, arroz, albaricoqueiros, etc. No extremo nordés do termo municipal, concretamente na partida do Barranco, está situada a Reserva do Samaruc (pequeno peixe autóctono valenciano), superficie de 11.800 m² que antes se utilizaba para o cultivo do arroz e agora, por estar incluída no Parque Natural da Albufera, dedícase á recuperación desta especie que se atopa en perigo de extinción. Tamén se traballa con flora e fauna autóctona que necesita protección por exemplo o "fartet", o "mossegadoret", o "petxinot", a "gambeta", a "gamba gavatxa", etc.
O clima é mediterráneo; veráns calorosos con temperaturas que oscilan entre 30º e 38º, con tormentas estivais finais agosto, invernos suaves que varían entre 14º e 4º, no outono choivas intensas tipicamente chamadas "gota fría".
Accédese a Algemesí dende Valencia, a través da V-31 tomando logo a CV-42. Conta tamén con estación de ferrocarril da liña de Proximidades Valencia e pola AP-7 E-15, saída Algemesí.
[editar] Núcleos de poboación
No concello de Algemesí atópanse tamén os seguintes núcleos de poboación:
- Algamesí
- El Pla.
- El Teular
- Plaça de la Ribera
- Bernart Guinovart
- Parc Salvador Castell
- Plaça d'Alacant
- Barri de Santa Bàrbara
- Barri de Muntanya
- Barri de Capella
- El Mercat
- Carrascalet
- Raval
E os históricos poboados de:
- Pardines.
- Cotes.
[editar] Localidades limítrofes
O concello de Algemesí limita coas seguintes localidades:
Alzira, Alginet, Guadassuar da mesma comarca e Albalat de la Ribera, Polinyà de Xúquer e Sollana (da Ribera Baixa)
[editar] Economía
De economía basicamente agraria, o aproveitamento das augas da Acequia Real do Xúcar introduciu o cultivo da moreira e o arroz que deron un bo pulo ao crecemento da vila. As terras dedicadas ao cultivo aumentan, sobre todo as dedicadas ao arroz, unhas 14.000 anegadas e outras 16.000 de moreira, trigo, millo, cebada, fabas e outros cultivos de regadío. Posteriormente o cultivo dos cítricos foi gañando terreo ao do arroz.
Nas últimas décadas a industria desenvolveuse de forma considerábel en detrimento de a agricultura. Os novos parques empresariais da cidade atraeron a numerosas empresas de toda a rexión, fomentando así, o desenvolvemento económico de Algemesí, grazas á competitividade dos terreos para uso industrial. Algemesí é, despois de Alzira, a cidade con máis número de empresas da comarca da Ribeira Alta.
