Santiago Calatrava

Na Galipedia, a Wikipedia en galego.
L'Hemisfèric na Cidade das Artes e das Ciencias (València).

Santiago Calatrava Valls, nado en Valencia o 28 de xullo de 1951, é un arquitecto español recoñecido e premiado internacionalmente cuxa oficina se atopa na cidade de Zúric, Suíza.

Índice

Traxectoria [editar]

Cidade das Artes e das Ciencias, en València.

Santiago Calatrava naceu en 1951 no barrio de Benimamet de Valencia. As familias de seus pais, por ámbolos dous lados, adicábanse á exportación de cítricos, o cal lle permitiu coñecer outros países de Europa.

Etapa académica [editar]

Auditorio de Tenerife.

Á idade de oito anos, Santiago Calatrava ingresou nunha escola de arte para aprender debuxo e pintura, actividade que compaxinaba cos seus estudos escolares. Ós 13 anos a sía familia enviouno a París a través dun programa de intercambio estudantil. De volta a Valencia, rematou os seus estudos escolares e matriculouse na Escola Técnica Superior de Arquitectura de Valencia, onde se graduou como arquitecto e onde realizou un curso de post-graduado en urbanismo. A continuación, Calatrava, que se interesaba polas grandes obras dos mestres clásicos e que desexaba amplia-la súa formación, trasladouse en 1975 a Zúric, onde estudou durante catro anos enxeñaría civil no Instituto Federal de Tecnoloxía, no cal se graduó cun doutorado.

No ano 2007 foille concedido o Premio Nacional de Arquitectura[1].

Traballos e proxectos [editar]

Rematada a súa etapa de estudos, traballou como profesor auxiliar no Instituto Federal de Tecnoloxía, onde comezou a aceptar pequenos encargos e a participar tamén en concursos de novos proxectos. En 1983 foille adxudicada a súa primeira obra de certa importancia, a Estación de Ferrocarril de Stadelhofen, situada xunto ao centro de Zúric onde tamén establecera o seu despacho. Ao ano seguinte, Calatrava deseñou a Ponte do 9 de Outubro en Valencia, o que marcou o comezo da construción de numerosas pontes que se lle irían encargando a partir de entón.

En 1989 Calatrava abriu o seu segundo despacho en París, mentres traballaba no proxecto da Estación de Ferrocarril do Aeroporto de Lyon. Dous anos despois creou o seu terceiro despacho, esta vez en Valencia, onde traballaba nun proxecto de grandes dimensións, a Cidade das Artes e das Ciencias. Dende aquela o seu prestixio internacional non parou de medrar.

Estilo [editar]

Puente del Alamillo, Sevilla.

Na actualidade Calatrava é considerado como un arquitecto especializado en grandes estruturas que se caracteriza por unha extraordinaria estética e harmonía. Contrariamente ao que adoita ser común en moitos arquitectos, que ocultan as estruturas dos seus edificios, Calatrava as converte en elementos esenciais e en obras de arte.

Calatrava recibiu numerosos premios e recoñecementos polo seu traballo entre os que destaca o Premio Príncipe de Asturias das Artes no ano 1999. Foi nomeado Doctor Honoris Causa en doce ocasións.

Obras representativas [editar]

Edificio BCE (Toronto, Canadá).
Torre de Telecomunicacións

Notas [editar]

  1. ↑ "Santiago Calatrava, Premio Nacional de Arquitectura", Galicia Hoxe.
Cidade das Artes e das Ciencias, en València.

Véxase tamén [editar]

Commons
Commons ten máis contidos multimedia na categoría:

Ligazóns externas [editar]


Traído desde "http://gl.wikipedia.org/w/index.php?title=Santiago_Calatrava&oldid=2879860"