Rivaldo

Na Galipedia, a Wikipedia en galego.
Rivaldo
Información persoal
Nome completo Vítor Borba Ferreira
Nacemento 19 de abril de 1972 (42 anos)
Lugar Paulista, Brasil
Altura 1,87 m.
Posición Dianteiro
Información de club
Club actual São Caetano
Número 10
Carreira sénior
Anos Equipos Aprs (Gls)
1991–1992 Santa Cruz 18 (8)
1992–1994 Mogi Mirim 27 (9)
1993–1994 Corinthians (cedido) 19 (11)
1994–1996 Palmeiras 44 (21)
1996–1997 Deportivo da Coruña 41 (21)
1997–2002 Barcelona 157 (86)
2002–2004 Milan 22 (5)
2004 Cruzeiro 2 (1)
2004–2007 Olympiakos 70 (26)
2007–2008 AEK Atenas 29 (8)
2008–2010 Bunyodkor 53 (33)
2010–2011 Mogi Mirim 0 (0)
2011 São Paulo (cedido) 30 (7)
2012 Kabuscorp 21 (11)
2013 São Caetano 19 (2)
2014– Migo Mirim EC
Selección nacional
1992–1993 Brasil sub-20 9 (1)
1996 Brasil sub-23 5 (0)
1993–2003 Brasil 74 (34)
* Partidos e goles só en liga doméstica.
† Aparicións (Goles)

Rivaldo Vitor Borba Ferreira, mais coñecido por Rivaldo, nado en Paulista (Pernambuco) o 19 de abril de 1972, é un futbolista brasileiro que xoga de dianteiro.

Traxectoria[editar | editar a fonte]

Rivaldo asinou o seu primeiro contrato profesional co Santa Cruz aos dezaseis anos en 1989, despois de impresionar ós busca promesas locais nun torneo de xuvenís. En 1991 marchou cara o Mogi-Mirim da primeira división brasileira. Asinou co Corinthians en 1993 e ó pouco tempo fai o seu estreo no combinado nacional nun encontro contra México, no que o Brasil gaña por 1-0, gol de Rivaldo.

En 1994 marcha cara o Palmeiras e gaña o Campeonato Brasileiro ese mesmo ano. Tamén conseguiron a vitoria no Campeonato Paulista de 1996. Participou nas Olimpiadas de Atlanta en 1996, onde o Brasil gañou a medalla de bronze. Ese mesmo ano marcha ó Deportivo da Coruña, onde fica só unha tempada, xa que no verán de 1997 o Barcelona paga a súa cláusula de rescisión e lévase ó xogador.

No Mundial de 1998 xoga co Brasil tódolos encontros do torneo, anotando 3 goles. Brasil quedaría coma subcampión, ó perder coa Francia na final por 3-0.

En 1999 é elixido Xogador do ano segundo a FIFA, gaña o Balón de Ouro e amáis diso, a revista World Soccer entrégalle o galardón ao mellor xogador do ano. Este ano tamén gaña a súa segunda liga co FC Barcelona.

No Mundial 2002 Rivaldo foi unha das grandas estrelas da verdeamarela, que conseguíu o seu quinto título mundial. Nos oitavos de final contra Bélxica anotou o gol do triunfo brasileiro nos intres finais, cando xa semellaba que habería que xogar unha prórroga. Nos cuartos tamén veu porta, anotando o gol do empate contra a Inglaterra. E por último, na final contra a Alemaña, aínda que non marcou foi decisivo nas dúas xogadas que remataron en gol. Un forte disparo seu que o porteiro xermano Oliver Kahn non puido atallar serviulle a Ronaldo para marcar o 1-0. No segundo gol deixou pasar un balón lanzado por Kléberson dende a dereita, deixando sen marca a Ronaldo que puxo o definitivo 2-0 no marcador.

Unha vez rematado o mundial o FC Barcelona déixao marchar coa carta de liberdade, aducindo que non lle podían seguir pagando o seu salario, e Rivaldo ficha polo AC Milan por tres anos. As cousas non lle foron moi ben no clube italiano e logo dunha tempada con poucas aparicións no once milanista abandona o club e proba sorte na liga grega da man do Olympiakos FC.

Tras tres tempadas triunfando co Olympiakos FC, onde conseguiu outros tantos campionatos de Liga e dúas Copas de Grecia, é contratado polo AEK Atenas FC, despois das súas recentes discrepancias cos diretivos do seu antigo club. No ano 2008 sorprendeu ao ser contratado polo club usbeco PFC Bunyodkor.[1]

Anotou 34 goles en 74 partidos coa selección brasileira.

Rivaldo figura na lista da FIFA 100, na que se inclúen ós 125 mellores xogadores vivos segundo a opinión de Pelé.

Palmarés[editar | editar a fonte]

  • Co Palmeiras:
    • Campionato Brasileiro: 1994.
    • Campionato Paulista: 1996.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]