Stanley Matthews

Na Galipedia, a Wikipedia en galego.
Stanley Matthews
Nome completo: Stanley Matthews
Alcume: The wizard of dribble (o mago do regate), Sir Stan
Data de nacemento: 1 de febreiro de 1915
Lugar de nacemento: Hanley, Stoke-on-Trent, Inglaterra
Data de falecemento: 23 de febreiro de 2000
Lugar de falecemento: ,
Nacionalidade: Inglés
Club actual: falecido
Posición: Extremo Dereito,Mediapunta
Altura: metros
Partidos internacionais: 54
Goles: 11 (coa selección)
Ano do debut: 1932
Club do debut: Stoke City F.C.
Ano do retiro: 1965
Club do retiro: Stoke City F.C.

Sir Stanley Matthews (1 de febreiro de 1915 - 23 de febreiro do 2000) foi un dos mellores xogadores de fútbol de Inglaterra. Foi coñecido como o 'O mago do regate'.

Matthews naceu Seymour Street, Hanley, Stoke-on-Trent sendo o terceiro de catro fillos. O seu pai, Jack Matthews, foi un coñecido boxeador a nivel local, que lle aprendeu ó pequeno Stanley o interese polos deportes, así coma unha forte disciplina que seguíu toda a súa carreira deportiva.

Xogaba de extremo dereito, e xa dende moi xove foi internacional nas categorías inferiores. O seu primeiro contrato coma profesional asinouno no ano 1932 co Stoke City F.C.. Dous anos despois, en 1934 faría a súa primeira aparición no equipo nacional.

Durante a Segunda Guerra Mundial 'trocou' o terreo de xogo polas forzas armadas, onde servíu na RAF. Unha vez rematada foi transferido ó Blackpool F.C. A Fa Cup que gañaron no ano 1953 coñécese coma a 'Final de Matthews' debido ao seu xogo nese encontro.

Xogou coa selección ata o ano 1957, e segue sendo o xogador máis vello que xamáis xogou coa selección inglesa.

En 1961 volta ó Stoke City, onde se retiraría en 1965 despois de cumprir 50 anos.

No ano 1965 é nomeado Cabaleiro do Imperio Británico pola súa carreira deportiva.

Coma dato curioso cabe dicir que en máis de setecentos encontros endexamáis foi expulsado dun terreo de xogo.

Monumento en homenaxe de Stanley Matthews

Hoxe en día hai dúas estatuas que lembran ó xogador: Unha no estadio do Stoke City e outra no centro de Hanley. A lenda das mesmas di: O seu nome é un simbolo da beleza deste xogo, a súa fama eterna e internacional, a súa deportividade e modestia universalmente aclamadas. Un xogador máxico, da xente, para a xente.

Trivia[editar | editar a fonte]

  • Cando Inglaterra venceu a Escocia en 1955, Matthews, aos 40 anos de idade, fabricou cinco dos sete goles. Duncan Edwards debutaba nese encontro. Cando Matthews o fixera Edwards aínda non nacera.
  • Sir Stan dixo unha vez que só nos anos 90 a arte do regate fora recuperada no fútbol inglés, grazas a xogadores coma Steve McManaman e Ryan Giggs.

Citas[editar | editar a fonte]

"Tes 32 anos, cres que poderás xogar outro par de anos máis?" - Joe Smith, adestrador do Blackpool en 1947.

"O home que nos ensinou coma debe ser xogado o fútbol" - Pelé

"Eu crecín nunha época na que el era un deus para tódolos que aspirabamos a ser futbolistas. Era un auténtico cabaleiro e nunca veremos a ninguén coma el" - Brian Clough

"O seu nome non só era coñecido en Inglaterra. en todo o mundo era recoñecido coma un xenio do balompé" - Berti Vogts

"Para min este home é probablemente o mellor xogador que houbo, de Inglaterra seguro. Non hai ningúen en Inglaterra cuxo nome sexa tan sinónimo de fútbol" - Gordon Banks