Na Galipedia, a Wikipedia en galego.
Luke Theodore Walton, nado o 28 de marzo de 1980 en San Diego, California, é un xogador de baloncesto estadounidense que actualmente xoga no equipo de Cleveland Cavaliers da NBA. É fillo do mítico xogador dos 80 Bill Walton. Mide 2,03 metros e xoga de aleiro.
Traxectoria deportiva [editar]
Universidade [editar]
Walton xogou durante catro tempadas nos Wildcats da Universidade de Arizona. A súa mellor tempada foi a terceira, como junior, que conseguiu unhas estatísticas de 15,7 puntos, 7,3 rebotes, 6,3 asistencias e 1,6 roubos de balón. se graduou en 2002.
Profesional [editar]
Foi elixido no Draft da NBA de 2003, no posto 32 da segunda rolda, por Los Angeles Lakers. Durante as súas tres primeiras tempadas, apenas dispuxo de minutos para demostrar a súa valía. Está considerado como un xogador dun enorme potencial de recursos técnicos, polivalente e áxil, e por fin na tempada 2006-07 conseguiu dispor de minutos e unha media de 11,6 puntos, 4,8 rebotes e 4,3 asistencias. Na tempada 2007/08 gañou co seu equipo as finais de conferencia fronte a San Antonio, aínda que perderon as finais fronte aos Boston Celtics.
Na tempada 2008/09, coa saída do equipo de Vladimir Radmanović, recuperou a titularidade, sumou máis minutos e colaborou en lograr o anel para a franquía de California.
O 15 de marzo de 2012, foi traspasado aos Cleveland Cavaliers xunto a unha elección de primeira rolda do Draft de 2012 a cambio de Ramon Sessions, Christian Eyenga.[1]
Curiosidades [editar]
- No brazo dereito loce unha tatuaxe, the dancing skeletons, así rende tributo á mítica banda californiana: The Grateful Dead.
- O seu nome, aínda que haxa xente que pense que provén do personaxe de Star Wars Luke Skywalker xa que ao seu pai púñanlle a música da película cada vez que anotaba unha canastra, en realidade é unha homenaxe de Bill Walton ao seu amigo e compañeiro de equipo Maurice Lucas.
- A persoa que máis admira é a súa nai por coidar del e os seus irmáns.
- Goza escoitando a Grateful Dead, Bob Dylan e Rolling Stones.
- É fillo de Susie e Bill Walton.
Véxase tamén [editar]
Ligazóns externas [editar]
|
|
|
| Primeira Rolda |
|
|
| Segunda Rolda |
|
|
San Diego, California
Estados Unidos
