Antonín Dvořák

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Antonín Dvořák
Dvorak.jpg
Nome completo Antonín Leopold Dvořák
Data de nacemento 8 de setembro de 1841
Lugar de nacemento Nelahozeves
Imperio Austríaco Imperio Austríaco
(actual República Checa República Checa)
Data de falecemento 1 de maio de 1904
Lugar de falecemento Praga
Imperio Austrohúngaro Imperio Austrohúngaro
(actual República Checa República Checa)
Instrumento(s) Órgano
Composicións máis destacadas Sinfonía do Novo Mundo
Cuarteto en Fa maior
Parella/s Anna Čermáková

Antonín Leopold Dvořák (checo: /antoɲiːn ˈlɛopolt ˈdvor̝aːk/), nado en Nelahozeves o 8 de setembro de 1841 e finado en Praga o 1 de maio de 1904, foi un compositor checo de música clásica.

Encádrase dentro do chamado Romanticismo. Usou nas súas obras moitas melodías populares de Moravia e da súa Bohemia natal. Os seus traballos inclúen óperas, sinfonías, coros e música de cámara. Entre as súas obras máis coñecidas inclúense a Sinfonía nº 9 "Do novo mundo", as Danzas Eslavas, o cuarteto de Cordas Americano e o Concerto de Violoncello en B menor.

Traxectoria[editar | editar a fonte]

Fillo de mesoneiro, mostrou aptitude para a música dende moi pequeno. Comezou os seus estudos no ano 1853 en Zlonice e proseguiunos en Praga entre 1857 e 1859. Despois entrou nunha orquesta, na que tocou a viola ata 1871, labor que compaxinou coa de compositor. O seu primeiro éxito foi un himno con texto de Hálek, no ano 1873, grazas ao cal obtivo o posto de organista na igrexa de San Etelberto, cargo que ocupou ata 1877.

A estos anos pertence o Stabat Mater e outras composicións sinfónicas e vocais, sobre todo para conxuntos de cámara, entanto a súas obras espertaron o interese de Johannes Brahms e Eduard Hanslick, crítico musical, así como do editor Simrock. Esta época é a de máximo explendor da súa obra, coa publicación das Danzas eslavas (1878), o Cuarteto op.41 (1879) e as súas primeiras sinfonías. Tamén comeza a recibir recoñecementos, como o nomeamento de doutor Honoris Causa da Universidade de Cambridge en 1891, nunha das súas numerosas visitas a Inglaterra. Pouco despois tamén recibiría a mesma honra das universidades de Viena e Praga.

En 1892 trasladouse a Nova York ao aceptar a invitación para dirixir o Conservatorio Municipal. Nos Estados Unidos compuxoo algunha das súas obras máis coñecidas a Sinfonía do novo mundo (1893), o Cuarteto en Fa maior (1893), os Cantos bíblicos (1894) e o Concerto para violoncelo e orquesta (1895).

Co tempo volveu a Praga, onde ocupou o posto que xa alcanzara en 1891, de profesor do Conservatorio da cidade. Sen moito éxito tentou, segundo o exemplo de Bedřich Smetana, compoñer para o teatro nacional, destacando neste campo Russalka (1900). Morreu catro anos despois da composición de tal obra, sendo considerado no momento da súa morte como un dos principais músicos do seu momento e en especial do seu país.

Obra[editar | editar a fonte]

A obra musical de Dvořák é moi variada, dende a ópera ata a música de cámara, así como a música sinfónica.

A miudo a edición das obras por Simrock leva a confusións sobre a súa orde cronolóxica, a miudo as casas editoras pretendían dar aos músicos noveles a imaxe de artistas consolidados polo que daban ás súas obras un número de opus superior á que lles correspondería realmente. Pola súa parte o propio Dvořák tamén xogou un papel nesto ao dar un número de opus máis baixo a algunha das súas composicións para poder vendelas a outras editoriais eludindo as súas obrigacións contractuais. Nalgúns casos unha mesma obra chegou a ter tres números de opus diferentes.

A maiores tamén existe problemas sobre a orde das sinfonías de Dvořák, xa que nun principio foron enumeradas por orde de publicación, non de composición. Por exemplo a Sinfonía do Novo Mundo foi coñecida durante un tempo como Quinta e posteriormente coma Oitava para rematar sendo numerada como Novena nos anos 50 do século pasado.

Obras varias[editar | editar a fonte]

  • Serenata para cuerda, op. 22 (1875).
  • Concerto para piano e orquesta (1876).
  • Stabat Mater, op. 58 (1877).
  • Danzas eslavas, op. 46 & 72 (1878)-1886).
  • Concerto para violín e orquesta (1879).
  • Cancións Xitanas, op. 55 (1880).
  • Obertura Entroido, op. 92 (1891).
  • Cuarteto de corda nº 12, "Americano" (1893).
  • Humoresque nº 7, op. 101 (1894).
  • Concierto para violonchelo (1895).

Sinfonías[editar | editar a fonte]

  • Sinfonia No. 1 en Dó maior Os Sinos de Zlonice.
  • Sinfonia No. 2 en Si bemol maior, Op. 4.
  • Sinfonia No. 3 en Mi bemol maior, Op. 10.
  • Sinfonia No. 4 en Ré menor, Op. 13.
  • Sinfonia No. 5 en Fá maior, Op. 76.
  • Sinfonia No. 6 en Ré maior, Op. 60.
  • Sinfonia No. 7 en Ré menor, Op. 70 (1885).
  • Sinfonia No. 8 en Sol maior, Op. 88 (1889).
  • Sinfonia No. 9 en Mi menor do Novo Mundo, Op. 95 (1893).

Óperas[editar | editar a fonte]

Estudantes de Dvořák[editar | editar a fonte]

Cronoloxía[editar | editar a fonte]

  • 1841 - Nace en Nelahozeves, Bohemia, o 8 de setembro.
  • 1849 - Ocupa un posto na orquesta do seu pobo.
  • 1857 - Matricúlase na Escola de Órgano de Praga.
  • 1862 - É membro da Orquesta Nacional de Ópera.
  • 1866 - Unha obra de Smetana esperta o seu interese polo nacionalismo musical checo.
  • 1873 - Primeiro gran éxito coma compositor.
  • 1876 - Morren os seus tres fillos.
  • 1878 - Comeza a súa amizade con Johannes Brahms
  • 1884 - Comeza a disfrutar de gran prestixio internacional.
  • 1891 - Profesor de composición no Conservatorio de Praga. Doutor Honoris Causa pola Universidade de Cambridge.
  • 1892 - É nomeado Director do Conservatorio de Nova York.
  • 1893 - Estrea no Carnegie Hall de Nova York a Sinfonía do Novo Mundo.
  • 1895 - Volve ao seu país.
  • 1901 - Director do Conservatorio de Praga.
  • 1904 - Morre en Praga o 1 de maio.

Curiosidades[editar | editar a fonte]

Na súa honra foi bautizado o cráter Dvořák no planeta Mercurio.

Galería de imaxes[editar | editar a fonte]

Véxase tamén[editar | editar a fonte]

Commons
Commons ten máis contidos multimedia sobre: Antonín Dvořák

Outros artigos[editar | editar a fonte]

Ligazóns externas[editar | editar a fonte]