Zona especial de conservación do Baixo Miño
Coordenadas: 41°58′58″N 8°42′35″O / 41.982900, -8.709600
Baixo Miño | |||
---|---|---|---|
Marco Legal | |||
Figura de Protección: | ZEC | ||
Ano de constitución: | Decembro de 2004 | ||
Superficie: | 2870,95 ha. (46% área mariña) | ||
Lexislación: | LIC o 29 de decembro de 2004[1], ZEC o 31 de marzo de 2014[2][3]. | ||
Datos de interese | |||
País: | Galicia | ||
Provincias: | Pontevedra, Ourense | ||
Concellos: | Arbo, A Cañiza, Crecente, A Guarda, As Neves, Padrenda, O Rosal, Salvaterra de Miño, Tomiño, Tui. | ||
Ríos: | río Miño, río Ribadil, río Deva, río Termes. | ||
Picos | |||
Direccións de interese: | |||
Teléfonos: |
O Baixo Miño é un espazo natural galego catalogado como zona especial de conservación (ZEC) e que ampara á meirande parte do final do leito fluvial final do río Miño. O ZEC conserva 2870,95 ha., dos cales o 46% son augas mariñas, dos concellos das comarcas de Terra de Celanova, da Paradanta, do Condado e do Baixo Miño.[1][2][3][4][5]
O seu interese de conservación está nos seus ecosistemas intermareais, ribeiras de bosques diversos, a súa riqueza piscícola e as aves que habitan na súa zona exterior.[5][4]
Un treito final deste espazo, que só abrangue territorio do Baixo Miño, é tamén é unha zona de especial protección para as aves (ZEPA), a do Esteiro do Miño.[6][7] O ZEC e a ZEPA galegos forman un continuo protexido transfronteirizo cos espazos portugueses LIC do Rio Minho e ZEPA Estuário dos rios Minho e Coura.[6][8][9][10]
Xeografía[editar | editar a fonte]
O Baixo Miño protexe o territorio ribeirego do treito final, e suroccidental, do río Miño e as augas estritamente galegas deste. Inclúe terreo e augas de Padrenda (na Terra de Celanova), Crecente, a Cañiza e Arbo (da Paradanta), As Neves e Salvaterra de Miño (do Condado), e Tui, Tomiño, O Rosal e a Guarda (do Baixo Miño).
En Padrenda só inclúe unha área reducida pois alí só protexe parte do río e ribeira ao pé do encoro de Frieira en Desteriz. Esa é a única parte ourensá protexida. O espazo inclúe varios leitos de afluentes menores do Miño. Desde O Couto, A Cañiza, e pasando por Crecente, acolle ao río Ribadil; desde Mourentán, Arbo acolle ao río Deva; e desde San Cibrán de Ribaterme, As Neves acolle ao río Termes. O espazo protexido remata na punta de Santa Trega na boca do esteiro do Miño. Inclúe a illas como a de Fillaboa, a Insua do Castro, a parte galega da Insua Grande ou a da Canosa.
Desde Sobrada, Tomiño, a área litoral de esteiro e de augas mariñas que acolle o ZEC son tamén Zona de especial protección para as aves (ZEPA) Esteiro do Miño. Con todo, o ZEC cobre áreas terrestres no Rosal e na Guarda que a ZEPA non cobre.
Na beira portuguesa continúa co LIC do Rio Minho (que vai desde Monçao ata Caminha)[8] e coa ZEPA Estuário dos rios Minho e Coura (que vai desde Valença ata Caminha)[9] , e que co cal, cobren do mesmo xeito as marxes portuguesas do Miño.[8][9] En menor superficie linda coa LIC Litoral Norte, xa na boca exterior do esteiro do Miño.[10]
Hábitats[editar | editar a fonte]
A diversidade hábitats deste espazo é alta pois acolle desde espazos mariños a áreas urbanizadas deste litoral. Os hábitats que dominan neste espazo son os esteiros, as chairas lamacentas e areosas da beira do río, a vexetación halófila, os bosques de abeneiros e freixos e os prados de sega. Os hábitats de máis interese de conservación presentes son as dunas de costa de vexetación xa fixa, as estepas de gramíneas de medra anual e os bosques de ribeira de abeneiros e freixos. Os prioritarios en canto a conservación é o territorio das zonas húmidas de ribeira e os corredores fluviais. Destaca tamén a variedade de bosques, xa que van desde os mixtos das veigas, os de ribeira con salgueiros (Salix alba) chopos brancos (Populus alba) e os sobreirais.[5][4]
Fauna e flora[editar | editar a fonte]
Flora[editar | editar a fonte]
Entre as especies presentes do catálogo galego de especies ameazadas están[4][3][5]:
Especie |
---|
Jasione lusitanica |
Narcissus cyclamineus |
Woodwardia radicans |
Fauna[editar | editar a fonte]
Nas augas do Baixo Miño atópanse poboación de salmón común (Salmo salar) e lampreas (Petromyzon marinus). Destacan a presenza de salamántigas rabilongas (Chioglossa lusitanica), os sapoconcho riscado (Mauremys leprosa), as aguaneiras (Galemys pyrenaicus) e as londras (Lutra lutra). O último tramo do río Miño destaca pola súa diversidade de aves, que suma 35 especies catalogadas como de alto interese de conservación.[4][5] É por iso que tamén é unha ZEPA (Esteiro do Miño).[7][6]
Entre as especies presentes (agás aves) do catálogo galego de especies ameazadas están[4][3][5]
Grupo | Especie |
---|---|
Invertebrados | Cerambyx cerdo |
Invertebrados | Geomalacus maculosus |
Invertebrados | Lucanus cervus |
Invertebrados | Oxygastra curtisii |
Peixes | Alosa alosa |
Peixes | Alosa fallax |
Peixes | Chondrostoma polylepis |
Peixes | Petromyzon marinus |
Peixes | Rutilus arcasii |
Peixes | Salmo salar |
Anfibios | Chioglossa lusitanica |
Anfibios | Discoglossus galganoi |
Réptiles | Emys orbicularis |
Réptiles | Lacerta schreiberi |
Réptiles | Mauremys leprosa |
Mamíferos | Galemys pyrenaicus |
Mamíferos | Lutra lutra |
Mamíferos | Myotis myotis |
Mamíferos | Rhinolophus ferrumequinum |
Mamíferos | Rhinolophus hipposideros |
Lexislación[editar | editar a fonte]
O Baixo Miño foi declarado como Lugar de importancia comunitaria (LIC) en decembro de 2004 dentro da rexión atlántica e ascendeu a zona especial de conservación (ZEC) en marzo de 2014.[4][3][5] A ZEPA do Esteiro do Miño complementaríaa a protección a aves en 2004.[7][6]
A vertente portuguesa do treito do Miño está protexida na súa totalidade pola figura de LIC Rio Minho, que foi proposto en 1997 e confirmada como tal en 2004.[8] Do mesmo xeito, todo o litoral aberto ao oeste de Caminha está protexido polo LIC Litoral Norte tamén desde 2004.[8] Complementado á ZEPA galega, a ZEPA Estuários dos Rios Minho e Coura compleméntaa protexendo superficie desde a Valença ata o mar aberto portugués.[9][11]
Galería de imaxes[editar | editar a fonte]
-
Chegada do río Barxas ao Miño, entre Padrenda, Crecente e Melgaço.
-
Pesqueiras entre Arbo e Melgaço.
-
Ponte de Mourentán, no río Deva en Arbo.
-
Ribeiras de Salvaterra vistas desde Lapela.
-
Ribeiras desde Tui.
-
Vista ao interior do esteiro desde a Santa Trega.
-
Panoramica ao exterior do esteiro
Notas[editar | editar a fonte]
- ↑ 1,0 1,1 BOE - Goberno de España, eds. (29/12/2004). "Decisión de la Comisión, de 7 de diciembre de 2004, por la que se aprueba, de conformidad con la Directiva 92/43/CEE del Consejo, la lista de lugares de importancia comunitaria de la región biogeográfica atlántica [notificada con el número C(2004) 4032].". Diario Oficial de la Unión Europea: L 387/1–96.
- ↑ 2,0 2,1 Consellería de medio ambiente (Luns, 31 de marzo de 2014). DOG - Xunta de Galicia, eds. "DECRETO 37/2014, do 27 de marzo, polo que se declaran zonas especiais de conservación os lugares de importancia comunitaria de Galicia e se aproba o Plan director da Rede Natura 2000 de Galicia." (62): 13.427.
- ↑ 3,0 3,1 3,2 3,3 3,4 Consellería de medio ambiente (Luns, 12 de abril de 2004). DOG - Xunta de Galicia, eds. "DECRETO 72/2004, do 2 de abril, polo que se declaran determinados Espazos como Zonas de Especial Protección dos Valores Naturais." (69): 5.046.
- ↑ 4,0 4,1 4,2 4,3 4,4 4,5 4,6 Consellaría de Medio Ambiente e Ordenación do Territorio, Xunta de Galicia (eds.). "ZEC ES1140007 Baixo Miño". Consultado o 30/9/2020.
- ↑ 5,0 5,1 5,2 5,3 5,4 5,5 5,6 Axencia Ambiental Europea - Unión Europea (eds.). "ES1140007 Baixo Miño". Consultado o 30/9/2020.
- ↑ 6,0 6,1 6,2 6,3 Axencia Ambiental Europea - Unión Europea (eds.). "ES0000375 Esteiro do Miño". Consultado o 30/9/2020.
- ↑ 7,0 7,1 7,2 Consellaría de Medio Ambiente e Ordenación do Territorio, Xunta de Galicia (eds.). "ZEPA ES0000375 Esteiro do Miño". Consultado o 30/9/2020.
- ↑ 8,0 8,1 8,2 8,3 8,4 Axencia Ambiental Europea - Unión Europea (eds.). "PTCON0019 - Rio Minho". Consultado o 30/9/2020.
- ↑ 9,0 9,1 9,2 9,3 Axencia Ambiental Europea - Unión Europea (eds.). "PTZPE0001 - Estuários dos Rios Minho e Coura". Consultado o 30/9/2020.
- ↑ 10,0 10,1 Axencia Ambiental Europea - Unión Europea (eds.). "PTCON0017 - Litoral Norte". Consultado o 30/9/2020.
- ↑ Instituto da Conservação da Natureza e das Florestas, I.P. (ICNF) (eds.). "RN2000 em Portugal continental". Arquivado dende o orixinal o 10/10/2020. Consultado o 30/9/2020.