Requena

Requena
Localización
País	España
Comunidade autónoma	País Valenciano
Provincia	Valencia
Comarca	Requena-Utiel
Xeografía
Altitude	692 msnm
Superficie	814,2 km²
Demografía
Poboación	21.448 hab. (2010)
Densidade	26,34 hab./km²
Xentilicio	Requenense
Outros datos
Código postal	46340
Alcalde	Javier Berasaluce Ramos (PP)
	www.requena.es

Requena é un concello da Comunidade Valenciana, situado no interior da provincia de Valencia, na comarca de Requena-Utiel. En 2010 tiña unha poboación de 21.448 habitantes.

Xeografía[editar | editar a fonte]

Está situada entre a meseta castelán-manchega e o Mediterráneo do que tan só a separan 67 km. É un territorio formado por unha meseta de invernos fríos e veráns calorosos, de bos recursos hidráulicos e de grandes belezas e contrastes. Atópase situada na zona máis occidental da provincia de Valencia, onde o río Cabriel limítaa polo oeste e sur con profundas gargantas; polo leste e norte, a Serra de Juan Navarro e o Pico do Tezo (1.250 m.) sepárana das serranías do Turia.

Historia[editar | editar a fonte]

Os primeiros restos arqueolóxicos que indican os primeiros indicios de poboación e orixe da cidade datan do século VII aC. Tamén existen restos da época romana.

A cidade entrou a formar parte dos reinos musulmáns sendo coñecida como Rakka'na, cuxo significado é "A forte". Do ano 1021 en diante convértese na cidade fortificada que marca a divisoria entre os reinos de Valencia e de Toledo. Fernando III o Santo reconquista Requena moi posiblemente no ano 1238.

En 1707 Filipe V concédelle o título de Vila e en 1836 recibe o título de Cidade de mans de Isabel II.

Demografía[editar | editar a fonte]

O concello de Requena ten 21.448 habitantes (INE 2010).

Evolución demográfica de Requena
1857	1887	1900	1910	1920	1930	1940	1950	1960	1970	1981	1991	2000	2005	2006	2007	2008	2009
12.029	14.457	16.236	17.658	18.818	17.650	19.422	20.253	18.933	17.840	18.152	17.014	19.092	20.046	20.216	20.440	20.807	21.278

Evolución temporal da poboación de Requena (anos 1699 a 2009).

Economía[editar | editar a fonte]

Durante o século XX creceron os cultivos de vide na cidade, sendo esta a súa maior actividade económica. Actualmente, cunhas 18.000 hectáreas de cultivos é un dos concellos de España con maior produción vinícola. Forma parte da Denominación de Orixe Utiel-Requena, que abarca outros concellos da zona, como Utiel.