Burjassot
| Burjassot | ||
|---|---|---|
| ||
| Localización | ||
  | ||
| País | España | |
| Comunidade autónoma | Comunidade Valenciana | |
| Provincia | Valencia | |
| Comarca | L'Horta Nord | |
| Xeografía | ||
| Altitude | 59 msnm | |
| Superficie | 3,44 km² | |
| Demografía | ||
| Poboación | 37.402 hab. (2008) | |
| Densidade | 10.949,71 hab./km² | |
| Xentilicio | Burxasotense | |
| Outros datos | ||
| Código postal | 46701 - 46703 | |
| Alcalde | Josep Lluís Andrés i Chavarrías (PSPV) | |
| www.burjassot.org | ||
Burjassot é un concello da Comunidade Valenciana, pertencente á provincia de Valencia, situado na zona oeste da área metropolitana de Valencia, na comarca da Horta Nord. Ten 37.402 habitantes (INE 2008).
Índice
Xeografía[editar | editar a fonte]
Burjassot atópase situada ao noroeste da cidade de Valencia, dentro da súa área metropolitana. A superficie do término é case cha. Con todo, na zona occidental do municipio existen unhas pequenas elevacións do terreo que acadan unha alzada máxima de sesenta metros que serven de límite á Horta de Valencia. Como toda a comarca, posúe un clima mediterráneo.
Pódese acceder a esta localidade a través das liñas 1 e 4 do Metro de Valencia.
Localidades limítrofes[editar | editar a fonte]
O termo municipal de Burjassot limita coas localidades de Godella, Paterna e Valencia todas elas da provincia de Valencia.
Accesos[editar | editar a fonte]
Pola súa proximidade á capital converteuse nun importante nó de comunicacións para a comarca, sendo atravesado o seu término pola liña 1 de Metro Valencia e a liña T4, así como liñas de autobuses da EMT e do Consorcio Municipal de Transportes (CMT). Por estrada é posible chegar pola CV-35 (pista de Ademuz / Av. Corts Valencianes) e pola Avenida de Burjassot da capital valenciana.
Demografía[editar | editar a fonte]
A poboación de Burjassot ascende a 37.402 habitantes en 2008. Tralo importante incremento demográfico experimentado nas décadas de 1960 e 1970, produciuse un estancamento de poboación nos anos oitenta, debido fundamentalmente ao conciso termo municipal que actualmente está urbanizado nun 70% da súa superficie restando só unha escasa zona de horta que está separada do casco urbano polas vías da liña 1 de Metro Valencia.
O casco urbano atópase conurbado co da localidade de Godella ( e esta á súa vez con Rocafort), co barrio valenciano de Benimàmet e co barrio paternero de Santa Gemma.
| Evolución demográfica de Burjassot | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| 1857 | 1887 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2000 | 2005 | 2006 | 2008 | ||||
| 1.981 | 2.942 | 4.009 | 5.101 | 6.532 | 8.538 | 11.235 | 12.134 | 17.624 | 23.283 | 35.583 | 34.595 | 35.171 | 37.394 | 37.756 | 37.402 | ||||
Economía[editar | editar a fonte]
O seu escaso término municipal áchase urbanizado no seu maior parte existindo unha pequena zona de horta onde se cultivan laranxeiras, hortalizas, cultivos forraxeiros e tubérculos.
O sector primario, outrora o máis importante, é actualmente testemuñal. Pola súa banda, o sector secundario está representado basicamente por industrias dedicadas á cerámica, vidro, téxtil, de transformados metálicos, madeira e mobles, alimentación e confección, habendo desaparecido nestes últimos anos dúas grandes industrias dedicadas ao xoguete e á fabricación de cemento.
Por todo iso cada vez cobra unha maior importancia o sector terciario, destacando o comercio, transportes e comunicacións, os servizos financeiros e servizos comunais. Tendo gran relevancia económica os servizos xerados en torno ao campus universitario.
Véxase tamén[editar | editar a fonte]
Ligazóns externas[editar | editar a fonte]
.svg){kind=small}
|
