Quart de Poblet

Quart de Poblet
Localización
País	España
Comunidade autónoma	Comunidade Valenciana
Provincia	Valencia
Comarca	L'Horta Oest
Xeografía
Altitude	40 msnm
Superficie	19,70 km²
Demografía
Poboación	25.441 hab. (2008)
Densidade	1.291,42 hab./km²
Xentilicio	Cuartá
Outros datos
Código postal	46930
Alcalde	Carmen Martínez Ramírez (PSPV)
www.quartdepoblet.es/

Quart de Poblet (en valenciano e oficialmente Quart de Poblet) é un concello da Comunidade Valenciana que se atopa na comarca da Horta Oest. Limita con Aldaia, Xirivella, Manises, Mislata e Paterna (da Horta de Valencia); con Xiva (Foia de Bunyol), Riba-roja de Túria (Camp de Túria) e a cidade de Valencia.

Praza da Igrexa de Quart de Poblet

Xeografía

Situado entre a Horta Sud valenciana e a chaira de Quart. A superficie do termo é completamente cha. O río Turia cruza o termo polo norte e polo oeste circula a rambla del Poyo. O clima é mediterráneo, con choivas no outono e primavera; os ventos dominantes son os do oeste e o leste.

Pódese acceder a esta localidade a través das liñas 3 e 5 de Metro Valencia.

Infraestrutura viaria e accesos

Os principais eixes de tráfico rodado situados ao oeste da área metropolitana de Valencia atravesan o termo municipal de Quart de Poblet. Así, tanto o casco urbano como os numerosos polígonos industriais están conectados por autovía con municipios circundantes e outras estradas de gran capacidade.

• A autoestrada A-3 Autoestrada do Leste -antiga N-III- discorre lonxitudinalmente ao sur de Quart e proporciona tres accesos, un dos cales enlaza co aeroporto.
• A autoestrada V-30 de circunvalación, paralela á nova canle do río Turia, traza unha liña diagonal entre o noroeste e o sueste da localidade, mentres que a estrada V-11 serve a Quart e conéctaa coa terminal do aeroporto de Valencia. Outras estradas locais, como a CV-408 e a CV-31, serven de nexo, aínda que fragmentado polas instalacións industriais, con núcleos veciños.

Ademais, diversas liñas de Metrobús conectan Quart de Poblet con Valencia e outras localidades.

Núcleos de poboación

No concello de Quart de Poblet atópanse tamén os seguintes núcleos de poboación:

• Quart de Poblet
  • Barri Sant Jeroni
  • Barri del Crist
  • Barri Sant Josep
• Capellans
• Porta
• Sant Josep Artesà

Demografía

Quart de Poblet conta cunha poboación de 25.441 habitantes (INE 2008).

Un 5,5% da poboación de Quart de Poblet é da inmigración (INE 2007).

Evolución demográfica de Quart de Poblet
1857	1887	1900	1910	1920	1930	1940	1950	1960	1970	1981	1991	1996	2001	2006	2007	2008
1.674	1.921	1.814	2.263	2.644	3.152	3.993	5.408	10.571	20.529	27.409	27.404	27.112	25.739	25.430	25.340	25.441

Economía

Os cultivos principais son de regadío: laranxeiras, pereiras, hortalizas, cebolas, patacas etc. En terras de secán culítivanse cereais, vide, alfarrobeiras e oliveiras.

As industrias tradicionais son téxtiles, refractarios, cerámica etc.

Véxase tamén

Ligazóns externas

• Ajuntament de Quart de Poblet
• Agrupació Musical L'Amistat
• Federación Valenciana de Municipios e Provincias - Guía Turística
• Metrobús Liñas de autobús, horarios (web da Entidade de Transporte Metropolitano de Valencia)
• Banda Falla Marqués Solferit^{[Ligazón morta]}