Ademuz

Ademuz

Brasón
Localización
40°03′48″N 1°17′10″O
Estado	España
Comunidade autónoma	Comunidade Valenciana
Provincia	provincia de Valencia
Comarca da Comunidade Valenciana	el Rincón
Capital de	el Rincón
Capital	Ademuz
Poboación
Poboación	1.004 (2023) (10 hab./km²)
Lingua oficial	lingua castelá (lingua predominante)
Xeografía
Superficie	100,42 km²
Altitude	660 m
Comparte fronteira con	Casas Altas Vallanca Libros Arcos de las Salinas Torrebaja Puebla de San Miguel Riodeva Castielfabib Santa Cruz de Moya
Datos históricos
Evento clave 1210 asedio de Al-Dāmūs
Día festivo	festa patronal (15 de agosto)
Santo padrón	Pedro e Virxe do Rosario
Organización política
• Alcalde	Fernando Soriano Antón (2015–)
Identificador descritivo
Código postal	46140
Fuso horario	UTC+01:00
Código INE	46001
Código ARGOS de concellos	46001
Páxina web	ademuz.es

Ademuz é un concello valenciano situado no interior da provincia de Valencia. Ademuz é a capital da comarca do Rincón de Ademuz, un exclave valenciano rodeado completamente por terras de Aragón e de Castela-A Mancha.

Xeografía

Emprazada en chanzos nas pronunciadas vertentes da montaña dos Zafranares. Por esa causa, esta vila ten como característica particular unhas longas e estreitas rúas en pendente, que comunican entre elas por canellóns, e rúas máis estreitas, moitas sendo escaleiradas, mentres as casas parecen superpoñerse as unhas ás outras. O pobo goza dunha magnífica vista da Veiga do Turia, como xa describiu o botánico Cavanilles á finais do século XVIII, ao seu paso por esta vila.

Demografía

Dende a década de 1940 do século XX a emigración despoxou de habitantes a Ademuz. Os veciños marchábanse cara grandes centros industriais como Barcelona ou Valencia. Tamén foi significativa a emigración temporal cara ás vendimas de Francia.

Evolución demográfica de Ademuz
1842	1877	1900	1920	1940	1960	1981	2001	2005	2006	2007	2008	2011	2013
3 033	3 339	3 415	4 092	3 866	2 827	1 545	1 115	1 157	1 183	1 242	1 269	1 292	1 203

Actualmente a tendencia negativa invértese pola chegada de emigrantes provenientes principalmente do Magreb ou de Romanía.

Historia

O castelo musulmán de Al-Damús foi conquistado polos cristiáns en 1210, sendo recuperado polos musulmáns, até que foi definitivamente reconquistado polo rei Xaime I en 1259, que o incluíu entre as terras do Reino de Valencia.

Ademuz tivo importancia estratéxica durante a Idade Media, pois o val do río Turia que serve de paso a Aragón, baña Ademuz. Unha das máis antigas liñaxes da zona foi o dos Blasco.

Patrimonio histórico-artístico

Ermida de Nuestra Señora de la Huerta. Século XIV.

Arquitectura relixiosa

• Igrexa Arciprestal de San Pedro e de San Pablo, do século XVII.
• Ermida de Nuestra Señora de la Huerta, do século XIV.
• Ermida de San Joaquín, do século XV.
• Ermida de Santa Bárbara, do século XVII.
• Ermida de Nuestra Señora del Rosel, do século XVIII.

Arquitectura civil

Castelo de Ademuz

• Castelo de Ademuz, con grande importancia histórica.
• Casa da Vila, do século XVII.
• Forno medieval, do século XIII.
• Cámara Vella do Millo.
• Porta de San Vicente.
• Fonte Vella ou de los siete caños.
• Muíño Real do século XIII.
• Muíño Novo do século XVIII.

Antigo escudo de armas de Ademuz en época foral

Véxase tamén

Bibliografía

• Eslava Blasco, Raúl: Ademuz y su patrimonio histórico-artístico. Ademuz, 2007. ISBN 978-84-606-4251-0.
• Gargallo Gil, J.E.: Habla y cultura popular en el Rincón de Ademuz. Madrid, 2004.
• Rodrigo Alfonso, Carles: El Rincón de Ademuz, análisis comarcal. Valencia, 1998.
• ABABOL. Revista do Instituto Cultural e de Estudos do Rincón de Ademuz (ICERA), dirixida por Ángel Antón Andrés e publicada trimestralmente en Ademús dende 1995.

Ligazóns externas

• Concello de Ademuz
• Arte e patrimonio no RincónArquivado 14 de abril de 2015 en Wayback Machine.
• Sociedade Musical de Ademuz
• Novas de Ademuz Arquivado 03 de agosto de 2019 en Wayback Machine.