Zona especial de conservación do Río Landro
Coordenadas: 43°37′43″N 7°37′03″O / 43.628700, -7.617500
Río Landro | |||
---|---|---|---|
Marco Legal | |||
Figura de Protección: | ZEC | ||
Ano de constitución: | Decembro de 2004 | ||
Superficie: | 127,19 ha. | ||
Lexislación: | LIC o 29 de decembro de 2004, ZEC o 31 de marzo de 2014.[1][2][3] | ||
Datos de interese | |||
País: | Galicia | ||
Provincias: | Lugo | ||
Concellos: | Ourol, Viveiro | ||
Ríos: | río Landro | ||
Picos | |||
Direccións de interese: | |||
Teléfonos: |
O río Landro é un espazo natural galego catalogado como zona especial de conservación (ZEC) que inclúe parte das ribeiras do río Landro, desde case o seu comezo ata o interior do esteiro da ría de Viveiro, e do seu afluente o rego de Bravos. Esta área de conservación ocupa 127,19 ha. da mariña occidental lucense nos concellos de Ourol e Viveiro, comezando desde Bravos e Xerdiz e Miñotos e indo ata Vieiro e Magazos.[1][2][3][4][5] Destaca pola presenza do salmón e polos hábitats de xunqueiras na marisma.[5]
Parte deste espazo cadra co monumento natural do Souto da Retorta, e nel están os eucaliptais de Chavín.[4]
Fauna e flora[editar | editar a fonte]
Flora[editar | editar a fonte]
Os hábitats cos que conta a vexetación deste espazo van desde aqueles dos esteiro e as lameiras que o rodean, os prados e pasteiros, as matogueiras, os queirogais, así como os bosques de ribeira, tanto de monte como das abas das ribeiras.[4]
Nos bosques do río Landro teñen presenza os soutos e carballeiras de Quercus robur e Quercus pyrenaica, así como os bosques de ribeira de abeneiros (Alnus glutinosa) e freixos (Fraxinus excelsior).[4]
As especies da flora catalogadas como especies silvestres en réxime de protección especial ou presentes no catalogo galego de especies ameazadas son:[4]
Especie |
---|
Narcissus asturiensis |
Narcissus cyclamineus |
Fauna[editar | editar a fonte]
Entre a fauna compre destacar os mamíferos acuáticos, como as londras, e as ameixas perlíferas de río. Tamén, a presenza de 9 taxóns de aves con interese de protección, como o picapeixe (Alcedo athis) e a papuxa do mato (Sylvia undata).
As especies de fauna catalogadas como especies silvestres en réxime de protección especial ou presentes no catalogo galego de especies ameazadas son:[4]
Grupo | Especie |
---|---|
Invertebrados | Coenagrion mercuriale |
Invertebrados | Lucanus cervus |
Invertebrados | Ameixa perlífera de río (Margaritifera margaritifera) |
Peixes | Chondrostoma polylepis |
Peixes | Petromyzon marinus |
Peixes | Salmo salar |
Anfibios | Chioglossa lusitanica |
Anfibios | Discoglossus galganoi |
Anfibios | Lacerta monticola |
Anfibios | Lacerta schreiberi |
Mamíferos | Galemys pyrenaicus |
Mamíferos | Lutra lutra |
Mamíferos | Myotis myotis |
Mamíferos | Rhinolophus ferrumequinum |
Mamíferos | Rhinolophus hipposideros |
Lexislación[editar | editar a fonte]
O río Landro foi declarado como lugar de importancia comunitaria (LIC) en decembro de 2004 e ascendeu a zona especial de conservación (ZEC) en marzo de 2014. O espazo natural ten unha parte dentro de:[4]
- O Monumento natural “Souto da Retorta”, de 3,19 ha.
Galería de imaxes[editar | editar a fonte]
-
Rego de Bravos, en Bravos, Ourol.
-
Ribeiras do río Landro.
-
Panorámica da ría de Viveiro, onde na ponte máis interior acaba este espazo protexido.
Notas[editar | editar a fonte]
- ↑ 1,0 1,1 BOE - Goberno de España, eds. (29/12/2004). "Decisión de la Comisión, de 7 de diciembre de 2004, por la que se aprueba, de conformidad con la Directiva 92/43/CEE del Consejo, la lista de lugares de importancia comunitaria de la región biogeográfica atlántica [notificada con el número C(2004) 4032].". Diario Oficial de la Unión Europea: L 387/1–96.
- ↑ 2,0 2,1 Consellería de medio ambiente (Luns, 31 de marzo de 2014). DOG - Xunta de Galicia, eds. "DECRETO 37/2014, do 27 de marzo, polo que se declaran zonas especiais de conservación os lugares de importancia comunitaria de Galicia e se aproba o Plan director da Rede Natura 2000 de Galicia." (62): 13.427.
- ↑ 3,0 3,1 Consellería de medio ambiente (Luns, 12 de abril de 2004). DOG - Xunta de Galicia, eds. "DECRETO 72/2004, do 2 de abril, polo que se declaran determinados Espazos como Zonas de Especial Protección dos Valores Naturais." (69): 5.046.
- ↑ 4,0 4,1 4,2 4,3 4,4 4,5 4,6 Consellaría de Medio Ambiente e Ordenación do Territorio, Xunta de Galicia (eds.). "ZEC ES1120012 Río Landro". Consultado o 24/8/2019.
- ↑ 5,0 5,1 Axencia Ambiental Europea - Unión Europea (eds.). "ES1120012 Río Landro". Consultado o 24/8/2019.