My, bielarusy

Мы, беларусы
My, bielarusy
En galego: Nós, belarusos
Himno de	Belarús
Letra	Mikhas Klimkovich e Uladzimir Karyzny 2002
Música	Niescier Sakałoŭski 1944
Adoptado	24 de setembro de 1955 (música) 2 de xullo de 2002 (letra)
Mostra da música
"My Belarusy" (Instrumental) noicon

My, bielarusy (en belaruso: Мы, беларусы; en ruso: Мы, белорусы; "Nós, belarusos") é o título non oficial do himno nacional de Belarús e a primeira liña da súa letra. Oficialmente, My Belarusy titúlase "O Himno Nacional da República de Belarús" (en belaruso: Дзяржаўны гімн Рэспублікі Беларусь, en ruso: Государственный гимн Республики Беларусь). O himno foi escrito e adoptado orixinalmente en 1955 para usarse na República Socialista Soviética de Belarús. A música do himno da RSS de Belarús foi composta por Nestar Sakalowski e a letra foi escrita por Mihas' Klimovich. Despois da caída da Unión Soviética, a música composta por Sakalowski mantívose e a letra foi rexeitada. A nova letra, que estaba escrita por Klimkovich e Uladzimir Karyzny, foi adoptada por un decreto presidencial emitido o 2 de xullo de 2002.

Himno da RSS de Belarús

Artigo principal: Himno da RSS de Belarús.

My Belarusy foi usado orixinalmente como o himno da República Socialista Soviética de Belarús (en belaruso: гімн Беларуская Савецкая Сацыялістычная Рэспубліка, en ruso: гимн Белорусской Советской Социалистической Республики) dende o 24 de febreiro de 1955. O himno foi composto por Sakalowski e a letra foi escrita por Mihas' Klimovich. Belarús non foi a única República Socialista Soviética que adoptou o seu propio himno; cada RSS adoptou o seu propio himno excepto a República Socialista Federativa Soviética de Rusia, que usou o Himno da Unión Soviética.

Himno da República de Belarús

A única mención legal do himno nacional antes de 2002 está na Constitución da República de Belarús. A sección primeira, artigo 19 da constitución declara que "Os símbolos da República de Belarús como un estado soberano deben ser a súa bandeira nacional, o seu escudo nacional e o seu himno nacional." Aínda que a constitución só mencionou o uso da bandeira, himno e armas como símbolos nacionais, cada símbolo tivo que ser definido por lei.

Outras cancións

Жыве Беларусь! (Longa Vida Belarús!) foi unha canción composta en 1994 que ten letra similar ó himno actual. Mentres que a letra de Longa Vida Belarús úsase coa melodía do himno actual, a canción nunca foi usada oficialmente polo Goberno Belaruso.

Outro favorito no concurso foi o poema Маладая Беларусь (Xove Belarús) de Janka Kupala. Porén, ó poema nunca se acompañou cunha composición musical polo que Xove Belarús non puido ser seleccionada como himno.

Letra oficial

Belaruso	Alfabeto łacinka	Tradución ó galego
Мы, беларусы - мірныя людзі, Сэрцам адданыя роднай зямлі, Шчыра сябруем, сілы гартуем Мы ў працавітай, вольнай сям'і. Прыпеў: Слаўся, зямлі нашай светлае імя, Слаўся, народаў братэрскі саюз! Наша любімая маці-Радзіма, Вечна жыві і квітней, Беларусь! Разам з братамі мужна вякамі Мы баранілі родны парог, У бітвах за волю, бітвах за долю Свой здабывалі сцяг перамог! Прыпеў Дружба народаў - сіла народаў - Наш запаветны, сонечны шлях. Горда ж узвіся ў ясныя высі, Сцяг пераможны - радасці сцяг! Прыпеў	My, Biełarusy – mirnyja ludzi, Sercam addanyja rodnaj ziamli. Ščyra siabrujem, siły hartujem My ŭ pracavitaj, volnay siamji! Słaŭsia ziamli našaj śvietłaje imia, Słaŭsia, narodaŭ braterski sajuz! Naša lubimaja maci-Radzima, Večna žyvi i kvitniey, Biełaruś! Razam z bratami mužna viakami My baranili rodny paroh, Ŭ bitvach za volu, bitvach za dolu Svoj zdabyvali ściah pieramoh! Družba narodaŭ – siła narodaŭ – Naš zapavietny, soniečny šlach. Horda ž uzvijsia ŭ jasnyja vysi, Ściah pieramožny – radaści ściah!	Nós somos belarusos, xente pacífica, O noso corazón é o da nosa patria, Mantemos xenerosa amizade e aumentamos os nosos poderes Entre os traballadores, familia libre. Gloria ó brillante nome da nosa terra, Gloria á unión fraternal das nosas xentes! A nosa amada patria, Longa e próspera vida, Belarús! Xuntos como irmáns, con fortaleza, durante séculos Gardamos os nosos principios nativos, En loita pola liberdade, en loita polo destino, Nós aumentamos os nosos estandartes de vitoria. A amizade dos pobos é o poder dos pobos É o noso venerable e soleado camiño Ti ascendes con orgullo, nas brillantes alturas, O estandarte da vitoria, bandeira da ledicia!

Partituras

• 
  Vocal, páxina un
• 
  Vocal, páxina dous
• 
  Instrumental, páxina un
• 
  Instrumental, páxina dous

Véxase tamén

Ligazóns externas

• Presidente da República de Belarús - Sitio web oficial do himno. Arquivado 06 de abril de 2009 en Wayback Machine.
• Decreto 350 do Presidente de Belarús.
• Artigo sobre a Belarús Soviética.
• Gravacións do himno de Belarús