David Brewster

Na Galipedia, a Wikipedia en galego.
Saltar ata a navegación Saltar á procura
David Brewster
David-Brewster.jpg
Nacemento11 de decembro de 1781
Lugar de nacementoJedburgh
Falecemento10 de febreiro de 1868
Lugar de falecementoMelrose (cidade da Escócia)
SoterradoMelrose (Escócia)
NacionalidadeReino Unido de Gran Bretaña e Irlanda
Alma máterUniversidade de Edimburgo
Ocupaciónbotánico, enxeñeiro civil, físico, enxeñeiro, matemático, astrónomo, filósofo, inventor, escritor, profesor universitario e biógrafo
PaiJames Brewster
NaiMargaret Key
CónxuxeJane Kirke Pernell e Juliet Macpherson
FillosConstance Marion Brewster e David Brewster Macpherson
Coñecido porBrewster stereoscope
Premiosmembro da Royal Society, Medalla Copley, Orde do Mérito das Ciencias e as Artes, Medalla Real, Medalha Rumford, Grand prix des sciences mathématiques, Medalha Keith, AAAS Fellow e Knight Bachelor
Na rede
WikiTree: Brewster-3297
editar datos en Wikidata ]
David Brewster

David Brewster, nado o 11 de decembro de 1781 en Jedburgh (Escocia) e finado o 10 de febreiro de 1868 en Roxburghshire (Escocia), foi un científico, naturalista, inventor e escritor escocés.

Traxectoria[editar | editar a fonte]

Naceu en Jedburgh, fillo dun mestre de escola. Aos 12 anos entrou na Universidade de Edimburgo para estudar teoloxía, aínda que xa nesa época amosaba grande inclinación polas ciencias naturais. A partir de 1799 comeza a estudar a difracción da luz, os resultados das súas investigacións vainas publicando en Philosophical Transactions e noutras publicacións científicas.

Estableceu as leis da polarización por reflexión e refracción, estableceu as leis da reflexión metálica e realizou numerosos experimentos sobre a absorción da luz. En 1816 inventou o calidoscopio. Brewster contribuíu á Edinburgh Encyclopaedia e á 7ª e 8ª edicións da Encyclopædia Britannica e publicou unha biografía de Isaac Newton en 1831,

Oposición á evolución[editar | editar a fonte]

As crenzas cristiás de Brewster impulsárono a responder contra a idea da transmutación de especies e a teoría da evolución. A súa opinión era que "a ciencia e a relixión deben ser unha, xa que cada unha trataba da Verdade, que tiña só un e mesmo autor".[1] En 1845 escribiu unha revisión moi crítica da obra evolucionista Vestiges of the Natural History of Creation[2] que consideraba un insulto á revelación cristiá e un perigoso exemplo de materialismo.

En 1862, respondeu a On the Origin of Species de Charles Darwin e publicou o artigo The Facts and Fancies of Mr. Darwin. Afirmou que o libro combinaba "feitos interesantes e fantasías ociosas" que constituían unha "especulación perigosa e degradante". Aceptou os cambios adaptativos, pero opúxose firmemente á afirmación de Darwin sobre a "forma primordial", que consideraba unha idea ofensiva "tanto para o naturalista como para o cristián".[3]

Vida[editar | editar a fonte]

Fillo de Margaret Key e James Brewster, reitor da Jedburgh Grammar School.[4] David era o terceiro de seis fillos.

Aos 12 anos, matriculouse na Universidade de Edimburgo (da que chegaría a ser reitor) coa intención de converterse en crego e chegou a predicar en varias ocasións. Para entón, Brewster tiña xa mostraba unha forte inclinación polas ciencias naturais e establecera unha estreita asociación con James Veitch.

Brewster casou dúas veces, coa primeira muller, Juliet Macpherson, tivo catro fillos e unha filla, que se convertería na súa biógrafa; a segunda foi Jane Kirk Purnell, que se desmaiou no debate de Oxford sobre a evolución, e coa que tivo outro fillo.

Unha rúa e a facultade de Física da Universidade Heriot-Watt levan o seu nome.

Brewster está enterrado nos terreos da Melrose Abbey, nas Scottish Borders.[5]

Notas[editar | editar a fonte]

  1. Strathan, Alexander (1881). American Book Exchange, ed. The Library Magazine of American and Foreign Thought (Vol 8 ed.). Nova York. p. 426. Consultado o 18 de agosto de 2018. 
  2. John M. Lynch (xaneiro de 2000). "Vestiges" e o debate antes de Darwin 1. A&C Black. p. 471. ISBN 978-1-85506-862-9. . Publicado por primeira vez en North British Review. vol 3 (agosto de 1845, pp. 470–515)
  3. Good Words (1862), vol. 3; por Norman Macleod D. D. J.; Donald Macleod e Hartley Aspden. Alexander Strahan and Company. páxs 3–8
  4. D. Douglas, ed. (1881). A vida familiar de Sir David Brewster. Consultado o 18 de agosto de 2018. 
  5. "Sir David Brewster (1781–1868) – Busca A". Find a Grave. 

Véxase tamén[editar | editar a fonte]