International Plant Names Index

Na Galipedia, a Wikipedia en galego.

O International Plant Names Index (IPNI, Índice de Nomes de Plantas Internacional) descríbese el mesmo como "unha base de datos dos nomes e detalles bibliográficos básicos asociados de plantas con sementes, fentos e licófitas." A cobertura que fai dos nomes de plantas é mellor no nivel de especie e xénero.[1] Inclúe detalles bibliográficos básicos asociados cos nomes, e os seus obxectivos son eliminar a necesidade de facer repetidas referencias ás fontes primarias para dar información bibliográfica básica sobre nomes de plantas.[2][3]

O IPNI tamén mantén unha lista de abreviacións dos nomes de autores estandarizadas. Estas estaban inicialmente baseadas en Brummitt & Powell (1992), pero estanse a engadir decote novos nomes e abreviacións.

Descrición[editar | editar a fonte]

O IPNI é o produto dunha colaboración ente os Royal Botanic Gardens, Kew (Index Kewensis), os Harvard University Herbaria (Gray Herbarium Index), e o Australian National Herbarium (APNI). A base de datos IPNI é unha colección de nomes rexistrados polas tres institucións cooperantes e estas traballan cara a estandarización da información. O estándar de abreviacións de autores recomendado polo Código Internacional de Nomenclatura para algas, fungos e plantas é a obra de Brummitt and Powell Authors of Plant Names. No IPNI pode consultarse unha lista de autores e abreviacións dixitalizada e continuamente posta ao día.

Máaís que prescribir a nomenclatura botánica aceptada, o que fai o IPNI é proporcionar nomes que apareceron en publicacións eruditas co obxectivo de proveer un índice de nomes publicados.[2] The Plant List é un proxecto complementario iniciado en 2010, que pretende determinar cales son os nomes aceptados das especies.

O uso do IPNI é gratuíto. Un proxecto similar, que fai unha listaxe de nomes de fungos, é o Index Fungorum.

Notas[editar | editar a fonte]

  1. "Index Kewensis". International Plant Name Index. Consultado o 21 de novembro de 2011. 
  2. 2,0 2,1 Lughadha, Eimear Nic (29 April 2004). "Towards a working list of all known plant species". Philosophical Transactions of the Royal Society of London. Series B: Biological Sciences 359 (1444): 681–687. doi:10.1098/rstb.2003.1446. PMC 1693359. PMID 15253353. ISSN 0962-8436, ISSN 1471-2970. Consultado o 21 de novembro de 2013. 
  3. Croft, J.; Cross, N.; Hinchcliffe, S.; Lughadha, E. Nic; Stevens, P. F.; West, J. G.; Whitbread, G. (1999). "Plant Names for the 21st Century: The International Plant Names Index, a Distributed Data Source of General Accessibility". Taxon 48 (2): 317. doi:10.2307/1224436. ISSN 0040-0262. Consultado o 21 de novembro de 2013. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]