Costa da Vela
Coordenadas: 42°15′43″N 8°51′58″O / 42.2620519, -8.8660344
Costa da Vela | |||
---|---|---|---|
Marco Legal | |||
Figura de Protección: | ZEC | ||
Ano de constitución: | Decembro de 2004 | ||
Superficie: | 1.419 ha. (29% de área mariña) | ||
Lexislación: | LIC o 29 de decembro de 2004, ZEC o 31 de marzo de 2014.[1][2][3] | ||
Datos de interese | |||
País: | Galicia | ||
Provincias: | Pontevedra | ||
Concellos: | Cangas do Morrazo | ||
Ríos: | rego de Donón | ||
Picos | |||
Direccións de interese: | |||
Teléfonos: |
A Costa da Vela é un espazo natural galego catalogado como zona especial de conservación (ZEC) que inclúe o extremo oeste da península do Morrazo e que dá caras as rías de Pontevedra e Vigo. Esta área de conservación ocupa 1.419 ha. do concello Cangas do Morrazo, dos cales unha terza é espazo mariño.[1][2][3][4][5] Destaca por ser unha costa aberta con cantís e queirogais e polo sistema dunar das súas praias.[5]
Xeografía[editar | editar a fonte]
O espazo natural é o litoral oeste da parroquia do Hio, e vai desde a praia de Couso e faro da punta do Couso, pasa polo Cabo Home e punta Robaleira, continúa incluíndo a praia de Melide e remata no sur coas praias da enseada da Barra: desde a de Barra á de Nerga. Ademais desa franxas do litoral, acollen as augas abertas e illotes de toda a enseada das Conchas e a costa de Soavela, que están entre o punta de Couso e o cabo Home. Esas augas mariñas supoñen o 29% do total da superficie do espazo protexido.[4][5]
No norte da costa occidental do espazo atópase a praias de Couso, preto da punta Couso. Entre os cabo Home e a punta Subrido, xa no sur do espazo, está a praia de Melide. Existe un continuo de praias interiores resgardadas na enseada da Barra, que é aquela que está desde a punta Subrido e en dirección leste protexida polo cabo. Estas praias xa están dentro da ría de Vigo e son a praia de Barra, de Viño e de Nerga. Nesta costa só existen varios regatos de caudal menor. Aqueles que existen na franxa de praias son o rego de Donón, que chega ao mar entre a praia de Barra e o cabo, e outros regatos. Na praia de Melide e rego na costa do Facho, na costa de Soavela, chegan outros regatos. Dous cumes do espazo destacables son o monte Facho e o monte de Melide.[4][5]
As calas e as baías deste litoral son de pouca profundidade e os esteiros de pouca extensión. No litoral existen espazos con furnas e arrecifes. Na barra de praias existen dunas tanto móbiles embrionarias como fixas e xa en procesos de descalcificación.[4][5]
Desde a costa da Vela pódense observar as rías de Vigo e Pontevedra e dende mar aberto as illas atlánticas: as illas Ons e Cíes.[6]
Flora e Fauna[editar | editar a fonte]
Flora[editar | editar a fonte]
No litoral domina a vexetación de argazos a perenne, casmofítica e propia de costas nos cantís. Son frecuentes as matas de queirogais propios de zonas temperás, como Erica ciliaris e Erica tetralix, e das zonas secas europeas. Algunhas extensións son as dos prados secos e as zonas de gramíneas. En puntos como as ribeiras, existen algúns bosques de abeneiros (Alnus glutinosa) e freixos (Fraxinus excelsior). Ademais existen piñeiros, en especial a carón das praias e do mar.[4][5]
Fauna[editar | editar a fonte]
Esta costa conta cunha diversidade de aves relevante, 11 das cales están catalogadas como prioritarias en canto a súa conservación. Pódense destacar o paíño europeo (Hydrobates pelagicus), as movellas (Gavia stellata, Gavia arctica e Gavia immer) e os araos dos cons (Uria aalge).[4][5]
As especies de fauna catalogadas como especies silvestres en réxime de protección especial ou presentes no catalogo galego de especies ameazadas son:[4]
Grupo | Especie |
---|---|
Invertebrados | Cerambyx cerdo |
Invertebrados | Coenagrion mercuriale |
Invertebrados | Euphydryas aurinia |
Invertebrados | Lucanus cervus |
Peixes | Alosa alosa |
Peixes | Alosa fallax |
Anfíbios | Chioglossa lusitanica |
Anfíbios | Discoglossus galganoi |
Réptiles | Lacerta schreiberi |
Mamíferos | Lutra lutra |
Mamíferos | Myotis myotis |
Mamíferos | Phocoena phocoena |
Mamíferos | Rhinolophus euryale |
Mamíferos | Rhinolophus ferrumequinum |
Mamíferos | Rhinolophus hipposideros |
Mamíferos | Tursiops truncatus |
Patrimonio[editar | editar a fonte]
Patrimonio arqueolóxico[editar | editar a fonte]
Dentro da costa da Vela está o petróglifo de Olleiros. Así mesmo, no linde deste espazo está o facho de Donón, unha garita de vixía do século XVII[7]. Alí existen restos dun santuario do deus Berobre.[6]
Patrimonio civil[editar | editar a fonte]
Neste litoral destacan os faros, que se atopan nos cabos. Son o faro de Punta Cousa, que se atopa nese cabo na ría de Aldán, e os faro de Cabo Home e faro da Punta, que están no cabo Home e na punta Robaleira, mirando á ría de Vigo.
Lexislación[editar | editar a fonte]
A Costa da Vela foi declarada como lugar de importancia comunitaria (LIC) en decembro de 2004 e ascendeu a zona especial de conservación (ZEC) en marzo de 2014.[4][5]
Galería de imaxes[editar | editar a fonte]
-
Litoral ata cabo Home e illas Cíes.
-
Alto do facho, co faro de punta Couso e as Ons ao fondo.
-
Altos do Couso e da Cruz e punta Couso.
-
Faro da punta Couso.
-
Faro de punta Subrido.
-
Faro de cabo Home e illas Ons.
-
Faro de punta Subrido.
-
Praia de Barra.
-
Panorámica nocturna desde o monte do Facho.
Notas[editar | editar a fonte]
- ↑ 1,0 1,1 BOE - Goberno de España, eds. (29/12/2004). "Decisión de la Comisión, de 7 de diciembre de 2004, por la que se aprueba, de conformidad con la Directiva 92/43/CEE del Consejo, la lista de lugares de importancia comunitaria de la región biogeográfica atlántica [notificada con el número C(2004) 4032].". Diario Oficial de la Unión Europea: L 387/1–96.
- ↑ 2,0 2,1 Consellería de medio ambiente (Luns, 31 de marzo de 2014). DOG - Xunta de Galicia, eds. "DECRETO 37/2014, do 27 de marzo, polo que se declaran zonas especiais de conservación os lugares de importancia comunitaria de Galicia e se aproba o Plan director da Rede Natura 2000 de Galicia." (62): 13.427.
- ↑ 3,0 3,1 Consellería de medio ambiente (Luns, 12 de abril de 2004). DOG - Xunta de Galicia, eds. "DECRETO 72/2004, do 2 de abril, polo que se declaran determinados Espazos como Zonas de Especial Protección dos Valores Naturais." (69): 5.046.
- ↑ 4,0 4,1 4,2 4,3 4,4 4,5 4,6 4,7 Consellaría de Medio Ambiente e Ordenación do Territorio, Xunta de Galicia (eds.). "ZEC ES1140010 Costa da Vela". Consultado o 10/9/2019.
- ↑ 5,0 5,1 5,2 5,3 5,4 5,5 5,6 5,7 Axencia Ambiental Europea - Unión Europea (eds.). "NATURA 2000 - Standard Data form: ES1140010 Costa da Vela". Consultado o 10/0/2019.
- ↑ 6,0 6,1 Turgalicia. "Costa da Vela". Consultado o 14/11/2014.
- ↑ Fran Zabaleta. "Facho de Donón – Cangas". Arquivado dende o orixinal o 23/10/2019. Consultado o 14/9/2019.