Evan Turner

Na Galipedia, a Wikipedia en galego.
Evan Turner
20101025 Evan Turner cropped.jpg
Indiana Pacers – No. 12
Escolta / Aleiro
Información persoal
Nacemento 27 de outubro de 1988 (25 anos)
Flag of Illinois.svg Chicago, Illinois
Nacionalidade Flag of the United States.svg Estados Unidos
Altura 2,01 m (6 ft 7 in)
Peso 93 kg (205 lb)
Instituto St. Joseph, Westchester, Illinois
Información da carreira
Universidade Ohio State
NBA Draft 2010 / Rolda: 1 / Elección: 2

Escollido por Philadelphia 76ers

Carreira dende 2010
Historial de equipos
Philadelphia 76ers (2010–2014)
Indiana Pacers (2014–presente)
Información en nba.com

Evan Marcel Turner, nado o 27 de outubro de 1988 en Chicago, Illinois, é un xogador americano de baloncesto profesional que xoga para os Indiana Pacers da National Basketball Association (NBA). Turner foi elixido na 2ª posición do Draft da NBA de 2010 polos Philadelphia 76ers. É coñecido co alcume de The Villain.

NBA[editar | editar a fonte]

Philadelphia 76ers (2010–2014)[editar | editar a fonte]

Turner coas animadoras e a mascota dos Sixers.

O 7 de abril de 2010, Turner fixo unha rolda de prensa na que anunciou que ía renunciar ao seu último ano de universidade e ser elixible para o Draft da NBA de 2010, onde se agardaba que fora escollido nunha das 3 primeiras posicións.[1] Turner asinou co axente de Michael Jordan, David Falk.[2]

Foi seleccionado na 2ª posición do draft polos Philadelphia 76ers,[3] e asinou un acordo de 3 anos por preto de 12 millóns de dólares.[4]

O 27 de outubro de 2010, no seu debut cos 76ers (día do seu cumpreanos), Turner anotou 16 puntos, con 7 rebotes e 4 asistencias, saíndo dende o banco, xogando 30 minutos, e liderando ao equipo en anotación na derrota por 97-87 contra Miami Heat.[5] O 7 de novembro de 2010, Turner xogou por primeira vez de titular na NBA, e rematou o partido cun dobre-dobre, con 14 puntos e 10 rebotes, ademais de 3 asistencias, na vitoria por 106-96 sobre os New York Knicks, xogando en lugar do lesionado Andre Iguodala.[6] O 29 de decembro de 2010, Turner anotou 23 puntos, a súa maior marca, na vitoria por 123-110 contra os Phoenix Suns, anotando 9 de 12 tiros de campo e 4 de 4 tiros libres.[7]

Indiana Pacers (2014–presente)[editar | editar a fonte]

O 20 de febreiro de 2014, Turner e Lavoy Allen foron traspasados ós Indiana Pacers a cambio de Danny Granger e unha elección de segunda rolda do Draft.[8] Turner fixo o seu debut cos Pacers o 25 de febreiro de 2014 na vitoria de Indiana sobre os Los Angeles Lakers. Turner aportou 13 puntos e 6 rebotes saíndo dende o banco.[9]

Notas[editar | editar a fonte]

  1. EvanTurner.org, ETFanNews. "Video: Evan Turner Announces Going Pro". EvanTurner.org. http://evanturner.org/2010/04/evan-turner-officially-declares-for-2010-nba-draft-press-conference.
  2. "David Falk signs Evan Turner". USA Today. 2010-05-06. http://content.usatoday.com/communities/gameon/post/2010/05/david-falk-signs-evan-turner/1. Consultado o 2010-05-16.
  3. Maaddi, Rob (24 de xullo de 2010). "76ers take Evan Turner at No. 2". USA Today. http://www.usatoday.com/sports/basketball/nba/2010-06-24-3785373088_x.htm. Consultado o 2010-08-02.
  4. "Sixers Sign Rookie Evan Turner". COMCAST SPORTSNET PHILADELPHIA L.P.. 14 de xullo de 2010. http://www.csnphilly.com/07/14/10/Sixers-Sign-Rookie-Evan-Turner/landing.html?blockID=271398&feedID=704. Consultado o 2010-08-02.
  5. "Heat 97 (1–1, 1–1 away): 76ers 87 (0–1, 0–1 home)". ESPN. 27 de outubro de 2010. http://sports.espn.go.com/nba/boxscore?gameId=301027020. Consultado o 2010-11-02.
  6. "Amare Stoudemire's 21 points not enough as 76ers defeat Knicks". ESPN. 7 de novembro de 2010. http://sports.espn.go.com/nba/recap?gameId=301107018. Consultado o 2010-11-08.
  7. "76ers 123 (13–19, 5–13 away); Suns 110 (13–17, 7–7 home)". ESPN. 29 de decembro de 2010. http://sports.espn.go.com/nba/boxscore?gameId=301229021. Consultado o 2011-01-01.
  8. "Pacers Acquire Evan Turner and Lavoy Allen". NBA.com. Turner Sports Interactive, Inc.. 20 de febreiro de 2014. http://www.nba.com/pacers/news/pacers-acquire-evan-turner-and-lavoy-allen. Consultado o 20 de febreiro de 2014.
  9. "Paul George's third-quarter surge pulls Pacers from reach of Lakers". ESPN. 2014-02-25. http://scores.espn.go.com/nba/recap?gameId=400489720. Consultado o 2014-02-26.

Véxase tamén[editar | editar a fonte]

Ligazóns externas[editar | editar a fonte]