Zona especial de conservación do Río Eo
Coordenadas: 43°31′15″N 7°02′44″O / 43.520800, -7.045500
Río Eo | |||
---|---|---|---|
Marco Legal | |||
Figura de Protección: | ZEC | ||
Ano de constitución: | Decembro de 2004 | ||
Superficie: | 982.06 ha. (12% de área mariña) | ||
Lexislación: | LIC o 29 de decembro de 2004, ZEC o 31 de marzo de 2014.[1][2][3] | ||
Datos de interese | |||
País: | Galicia | ||
Provincias: | Lugo | ||
Concellos: | A Fonsagrada, Meira, A Pontenova, Ribadeo, Ribeira de Piquín, Riotorto e Trabada. | ||
Ríos: | río Eo, río Rodil | ||
Picos | |||
Direccións de interese: | |||
Teléfonos: |
Zona especial de conservación do Río Eo é un espazo natural galego catalogado como zona especial de conservación (ZEC) que inclúe fundamentalmente a cunca do río Eo, desde o seu nacemento e a afluentes como o río Rodil ata as marismas da ría de Ribadeo. Esta área de conservación ocupa 982 ha. dos concellos lucenses da Fonsagrada, Ribeira de Piquín, Meira, A Pontenova, Riotorto, Trabada e Ribadeo.[1][2][3][4][5]
Fauna e flora[editar | editar a fonte]
Os hábitats que protexe este espazo son os leitos e zonas húmidas dos ríos Eo e Rodil, inda que destaca pola variedade de hábitats mariños e costeiros.[4]
Flora[editar | editar a fonte]
Nas zonas húmidas dos ríos destaca a alta variedade hábitats e a presenza de coídos con vexetación perenne, que son infrecuentes. Na costa destacan os queirogais secos de Erica vegans, as matogueiras de Laurus nobilis e turbeiras calcárias.[4]
As especies da flora catalogadas como especies silvestres en réxime de protección especial ou presentes no catalogo galego de especies ameazadas son:[4]
Especie |
---|
Cryphaea lamyana |
Limonium dodartii |
Limonium humile |
Narcissus asturiensis |
Vandenboschia speciosa |
Woodwardia radicans |
Fauna[editar | editar a fonte]
No río o salmón é abundante e está presente a ameixa perlífera de río, o que indica a conservación deste. Destacan entre os réptiles especies como Chioglossa lusitanica, Lacerta schreiberi e Iberolacerta monticola.[4] No intermareal, os fangos e as areosas son espazo de parada invernal para as aves invernais.[4]
As especies de fauna catalogadas como especies silvestres en réxime de protección especial ou presentes no catalogo galego de especies ameazadas son:[4]
Grupo | Especie |
---|---|
Invertebrados | Anodonta cygnea |
Invertebrados | Austropotamobius pallipes |
Invertebrados | Echinus esculentus |
Invertebrados | Elona quimperiana |
Invertebrados | Geomalacus maculosus |
Invertebrados | Ameixa perlífera de río (Margaritifera margaritifera) |
Invertebrados | Unio pictorum |
Peixes | Alosa alosa |
Peixes | Gasterosteus gymnurus |
Peixes | Petromyzon marinus |
Anfíbios | Chioglossa lusitanica |
Anfíbios | Hyla arborea |
Anfíbios | Rana iberica |
Anfíbios | Rana temporaria subsp. parvipalmata |
Aves | Haematopus ostralegus |
Aves | Phalacrocorax aristotelis |
Mamíferos | Galemys pyrenaicus |
Mamíferos | Myotis emarginatus |
Mamíferos | Myotis myotis |
Mamíferos | Rhinolophus ferrumequinum |
Mamíferos | Rhinolophus hipposideros |
Lexislación[editar | editar a fonte]
O río Eo foi declarado como lugar de importancia comunitaria (LIC) en decembro de 2004 e ascendeu a zona especial de conservación (ZEC) en marzo de 2014. O espazo natural foi declarado ademais, na súa totalidade ou coincidindo en parte, como:[4]
- Zona de especial protección para as aves (ZEPA) “Ribadeo”, de 625 ha.
- Zona húmida protexida “Ría de Ribadeo”, de 614 ha.
- Zona húmida Ramsar “Ría do Eo", de 1.740 ha (que ten parte Asturias).
- Reserva da Biosfera “Río Eo, Oscos e Terras de Burón” (da cal é parte).
- Parte deste, dentro do inventario "Ría do Eo-Praia de Barayo-Ría de Foz" (IBA 007) da da SEO/BirdLife.
Galería de imaxes[editar | editar a fonte]
-
O río Rodil e as súa ribeira nos Os Vaos, Ribeira de Piquín.
-
O Eo na Pontenova.
Notas[editar | editar a fonte]
- ↑ 1,0 1,1 BOE - Goberno de España, eds. (29/12/2004). "Decisión de la Comisión, de 7 de diciembre de 2004, por la que se aprueba, de conformidad con la Directiva 92/43/CEE del Consejo, la lista de lugares de importancia comunitaria de la región biogeográfica atlántica [notificada con el número C(2004) 4032].". Diario Oficial de la Unión Europea: L 387/1–96.
- ↑ 2,0 2,1 Consellería de medio ambiente (Luns, 31 de marzo de 2014). DOG - Xunta de Galicia, eds. "DECRETO 37/2014, do 27 de marzo, polo que se declaran zonas especiais de conservación os lugares de importancia comunitaria de Galicia e se aproba o Plan director da Rede Natura 2000 de Galicia." (62): 13.427.
- ↑ 3,0 3,1 Consellería de medio ambiente (Luns, 12 de abril de 2004). DOG - Xunta de Galicia, eds. "DECRETO 72/2004, do 2 de abril, polo que se declaran determinados Espazos como Zonas de Especial Protección dos Valores Naturais." (69): 5.046.
- ↑ 4,0 4,1 4,2 4,3 4,4 4,5 4,6 4,7 Consellaría de Medio Ambiente e Ordenación do Territorio, Xunta de Galicia (eds.). "ZEC ES1120002 Río Eo". Consultado o 24/8/2019.
- ↑ "Río Eo". Consultado o 24/8/2019.