Reserva da biosfera Río Eo, Oscos e Terras de Burón

Na Galipedia, a Wikipedia en galego.

Coordenadas: 43°32′07″N 7°01′54″O / 43.53528, -7.03167

Río Eo, Oscos e Terras de Burón
A zona zepa da ría de Ribadeo, encadrada na reserva, preto da A Veiga, Asturias.
Marco Legal
Figura de Protección: Reserva da biosfera
Ano de constitución: 19 de xuño de 2007
Superficie: 159.379 ha (496 ha. mariñas)
Lexislación: Real Decreto 342/2007 do 9 de marzo [1]
Datos de interese
País: Galicia Galicia Asturias Asturias
Provincias: Principado de Asturias, Provincia de Lugo
Concellos: Baleira, A Fonsagrada, Negueira de Muñiz, A Pontenova, Ribadeo, Ribeira de Piquín e Trabada (Lugo) e Castropol, Vegadeo, Taramundi, Santiso de Abres, Vilanova de Oscos, Santalla de Oscos, Samartín de Oscos (Asturias)
Ríos: río Eo
Picos A Bobia (1202 m)
Direccións de interese: Mancomunidade Oscos-Eo, Praza do Concello, s/n 33770 Vegadeo (Asturias)[2]
Teléfonos:

A Reserva da Biosfera Río Eo, Oscos e Terras de Burón abrangue os concellos de Ribadeo, Trabada, A Pontenova, Ribeira de Piquín, Baleira, A Fonsagrada e Negueira de Muñiz en Galicia, e de Castropol, A Veiga, Taramundi, San Tirso de Abres, Vilanova de Oscos, Santalla de Oscos e Samartín de Oscos en Asturias. Ten unha extensión de 1595,889 km²[3] e inclúe a máis da totalidade da cunca do río Eo dende o seu nacemento en Fonteo ata a súa desembocadura na ría de Ribadeo, a propia ría e boa parte das cuncas que nela desembocan, así como anacos das cuncas dos ríos Miño, Navia e Porcía, encadrando unha unidade de biodiversidade, cultural e patrimonial. Cando foi designada, a zona tiña unha poboación de 32 974 habitantes, se ben case tódolos municipios observan decrecemento de poboación.

Descrición[editar | editar a fonte]

Vista do final da ría de Ribadeo (xa ría de Abres), na parte norte da reserva.

Inclúe a Reserva Natural Parcial da Ría de Ribadeo, Lugares de Importancia Comunitaria de Penarronda-Barayo (parcialmente), Ría de Ribadeo, Río Eo e Cunca do Agüeira, Zona de Especial Protección para as Aves Penarronda-Barayo e Ría de Ribadeo, incluíndo o Humedal Ramsar Ría de Ribadeo e o Monumento Natural da Praia de Penarronda[4].

Foi declarada o 19 de setembro de 2007 pola Organización das Nacións Unidas para a Educación, a Ciencia e a Cultura (UNESCO) dentro do programa MaB (Home e Biosfera).

O 11 de decembro de 2013 asinouse o Protocolo de Colaboración para a Coordinación da Xestión[5].

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]