Miguel Ángel Blanco
 Monumento en Xunqueira de Espadanedo | |
| Biografía | |
|---|---|
| Nacemento | (es) Miguel Ángel Blanco Garrido  13 de maio de 1968 Ermua, España |
| Morte | 13 de xullo de 1997 (29 anos) Lasarte-Oria, España |
| Causa da morte | Homicidio e asasinado |
| Lugar de sepultura | Faramontaos |
 Concelleiro de Ermua | |
| 28 de maio de 1995 – 13 de xullo de 1997 (finado no cargo) | |
| Datos persoais | |
| País de nacionalidade | España |
| Educación | Universidade do País Vasco |
| Actividade | |
| Ocupación | político |
| Período de actividade | 1995 - 1997 |
| Partido político | Partido Popular |
| Lingua | Lingua castelá |
| Familia | |
| Irmáns | María del Mar Blanco |
| Cronoloxía | |
| 13 de xullo de 1997 | Secuestro e asasinato de Miguel Ángel Blanco
|
 | |
Miguel Ángel Blanco Garrido, nado en Ermua (Biscaia), o 13 de maio de 1968 e finado en Lasarte o 13 de xullo de 1997, foi un político do PP secuestrado e asasinado por ETA.
Traxectoria[editar | editar a fonte]
Fillo de galegos de Xunqueira de Espadanedo, licenciouse en Económicas na Universidade do País Vasco. En 1995 afiliouse a Nuevas Generaciones, as mocidades do Partido Popular. Nas eleccións municipais dese ano presentouse nas listas do seu partido no concello de Ermua, e saíu elixido concelleiro.
Blanco foi secuestrado por ETA ás catro da tarde do xoves 10 de xullo de 1997. A pesar das diversas manifestacións que se produciron en España para pedir a súa liberación, a tarde do sábado 12 de xullo, dous días despois, apareceu nun monte con dúas feridas por arma de fogo na cabeza. Faleceu horas despois, na madrugada do 13 de xullo.
Logo da súa morte acuñouse o termo Espírito de Ermua e creouse nese mesmo ano a Fundación Miguel Angel Blanco, presidida pola irmá e promovida por Radio Televisión Española, que doou para a súa creación os ingresos obtidos nun programa de homenaxe.
Xuízo[editar | editar a fonte]
O 30 de xuño de 2006 foron condenados Francisco Javier García Gaztelu (alias Txapote) e a súa parella Irantzu Gallastegui (alias Amaia) a 50 anos de prisión polo secuestro e asasinato[1].
Notas[editar | editar a fonte]
- ↑ "Txapote" y "Amaia" cumplirán 50 años por el asesinato de Miguel Ángel Blanco, 20 minutos/Agencia EFE (30 de xuño de 2006)
