Gran Premio de Portugal

Gran Premio de Portugal
Plano do Circuíto
Datos
Anos disputados	27 (18 oficiais)
Primeira disputa	1951 (1958 oficial)
Última disputa	2021
Localización	Portimão, Portugal
Patrocinador principal	Heineken
Lonxitude	4´653 km.
Marca de volta
Piloto récord	Nigel Mansell (3)         Alain Prost (3)
Escudería récord	Ferrari (7) Williams (6) oficial
Poles récord	Ayrton Senna (3)
Vista do Circuíto

O Gran Premio de Portugal (Grande Premio de Portugal) foi unha carreira automovilistica que se celebraba fai varios anos, sobre todo na década de 1950 e logo na década de 1980 e 90. Foi unha carreira de Fórmula Un entre 1958 e 1960 e entre 1984 e 1996. Volveu en 2020 como consecuencia da modificación do calendario a causa da Pandemia por coronavirus de 2019-2020. Mudando a súa localización de Lisboa ao Algarve.

Historia

A primeira carreira levouse a cabo no circuíto urbano de Boavista de Porto o 17 de xuño de 1951, como unha carreira de prototipos. O Gran Premio foi trasladado a Monsanto Park, en Lisboa, en 1954, como un feito illado. A primeira carreira de Fórmula Un levouse a cabo o 14 de agosto de 1958 en Boavista, seguida en 1959 polo Gran Premio de Monsanto. Volveu a Boavista en 1960, logo do cal se terminou.

O nome resucitouse para unha carreira de coches deportivos de velocidade no circuíto urbano de Cascais en 1964. Os dous anos seguintes, foi unha carreira de Fórmula Tres.

As bases para o regreso do Gran Premio de Portugal plantáronse coa inauguración do Autódromo do Estoril en 1972. O Gran Premio de Estoril levouse a cabo como unha carreira do Campionato de Europa de Fórmula Dúas durante a década de 1970. O 21 de outubro de 1984 regresou a Portugal o calendario de F1, onde Alain Prost gañou a carreira pero non puido gañar o campionato por medio punto. En 1985, o Gran Premio trasladouse ao 21 de abril e dispútase baixo unha intensa choiva, as condicións ideais para que Ayrton Senna gañase a súa primeira carreira. Desde 1986, a carreira levouse a cabo no que se convertería na súa data tradicional, na penúltima semana de setembro.

Logo da morte de Senna e Roland Ratzenberger en Imola en 1994, a pista de Estoril cambiouse, cunha nova chicane construída no lugar da curva "tanque", pasándose a chamar "chicane Gancho", como medida de seguridade. Estoril considerábase unha pista insegura e obsoleta, e o último Gran Premio de Portugal foi en Estoril o 22 de setembro de 1996, con Jacques Villeneuve como o gañador. Estoril foi planeado para ser a carreira final da tempada de 1997, pero as melloras no circuíto non se terminaron a tempo, polo que foi substituído polo Gran Premio de Europa, que se celebrou en Xerez, España.

O 4 de abril de 2009 Max Mosley declarou que en base á calidade do circuíto do Autódromo Internacional do Algarve, o Gran Premio de Portugal podería ser integrado no campionato de Fórmula Un, a condición de lograr un acordo comercial coa Formula One Management.

A carreira volveu en 2020 como consecuencia da modificación do calendario a causa da Pandemia por coronavirus de 2019-2020. Mudando a súa localización de Lisboa ao Algarve.

Nome oficial

• 1958–1960, 1984–1991, 1993–1996: Grande Prémio de Portugal (sen patrocinador oficial)
• 1992: Grande Prémio SG Gigante de Portugal
• 2020-2021: Heineken Grande Prémio de Portugal

Os gañadores do Gran Premio de Portugal

Gañadores múltiples (pilotos)

Nº de vitorias	Piloto	Tempada
3	Alain Prost	1984, 1987, 1988
	Nigel Mansell	1986, 1990, 1992
2	Stirling Moss	1958, 1959
	Lewis Hamilton	2020, 2021

Gañadores múltiples (construtores)

Os equipos en negra están competindo no campionato de Fórmula Un na tempada actual.
O fondo de cor rosa indica que unha carreira non forma parte do Campionato do Mundo de Fórmula Un.

Nº de vitorias	Construtor	Tempada
7	Ferrari	1951, 1952, 1953, 1954, 1964, 1989, 1990
6	Williams	1986, 1991, 1992, 1994, 1995, 1996
3	Cooper	1959, 1960, 1965
	McLaren	1984, 1987, 1988
2	Maserati	1955, 1957
	Mercedes	2020, 2021

Por tempada

O fondo de cor rosa indica que unha carreira non forma parte do Campionato do Mundo de Fórmula Un.

Ano	Piloto	Construtor	Circuíto	Resultados
2021	Lewis Hamilton	Mercedes	Algarve	Resultados
2020	Lewis Hamilton	Mercedes	Algarve	Resultados
2019 - 1997	Non celebrado
1996	Jacques Villeneuve	Williams-Renault	Estoril	Resultados
1995	David Coulthard	Williams-Renault	Estoril	Resultados
1994	Damon Hill	Williams-Renault	Estoril	Resultados
1993	Michael Schumacher	Benetton-Ford	Estoril	Resultados
1992	Nigel Mansell	Williams-Renault	Estoril	Resultados
1991	Riccardo Patrese	Williams-Renault	Estoril	Resultados
1990	Nigel Mansell	Ferrari	Estoril	Resultados
1989	Gerhard Berger	Ferrari	Estoril	Resultados
1988	Alain Prost	McLaren-Honda	Estoril	Resultados
1987	Alain Prost	McLaren-TAG	Estoril	Resultados
1986	Nigel Mansell	Williams-Honda	Estoril	Resultados
1985	Ayrton Senna	Lotus-Renault	Estoril	Resultados
1984	Alain Prost	McLaren-TAG	Estoril	Resultados
1983 - 1967	Non celebrado
1966	Jürg Dubler	Brabham-Ford	Cascais	Resultados
1965	Rodney Banting	Cooper-Ford	Cascais	Resultados
1964	Chris Kerrison	Ferrari 250 GTO	Cascais	Resultados
1963 - 1961	Non celebrado
1960	Jack Brabham	Cooper-Climax	Boavista	Resultados
1959	Stirling Moss	Cooper-Climax	Monsanto	Resultados
1958	Stirling Moss	Vanwall	Boavista	Resultados
1957	Juan Manuel Fangio	Maserati 300S	Monsanto	Resultados
1956	Non celebrado
1955	Jean Behra	Maserati 300S	Boavista	Resultados
1954	José Froilán González	Ferrari 250 MM Berlinetta	Monsanto	Resultados
1953	Mané Nogueira Pinto	Ferrari 250 MM Spyder	Boavista	Resultados
1952	Eugenio Castellotti	Ferrari 225S	Boavista	Resultados
1951	Casimiro de Oliveira	Ferrari 340	Boavista	Resultados