Esqueleto

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Esqueleto de balea azul.

En bioloxía, o esqueleto é o sistema biolóxico que proporciona soporte e apoio ós tecidos brandos e músculos nos organismos vivos.

Tipos e clasificación[editar | editar a fonte]

Esqueleto humano nas Covas de Nerja (Málaga).

Os sistemas esqueléticos clasifícanse comunmente en tres tipos:

Estes últimos non posúen a capacidade de soportar estruturas importantes.

Esqueleto externo[editar | editar a fonte]

Os sistemas externos soportan proporcionalmente menos peso que os endoesqueletos do mesmo tamaño; por esta razón os animais máis grandes, coma os vertebrados, teñen sistemas esqueléticos internos.

Os principais exemplos de exoesqueleto atópanse entre os artrópodos, algúns invertebrados, nos que o exoesqueleto forma unha caparazón ou estrutura externa que protexe aos órganos internos.

Tendo en conta que os exoesqueltos limitan obviamente o crecemento do animal, as especies con esta característica desenvolveron evolutivamente variadas solucións. A maioría dos moluscos teñen cunchas calcáreas que acompañan ao crecemento do animal mediante crecemento no diámetro mantendo a súa morfoloxía. Outros animais, tales coma os artrópodos, abandonan o vello exoesqueleto ó medrar, proceso que se coñece como "muda". O novo exoesqueleto endurécese mediante procesos de calcificación e esclerotización.

O exoesqueleto dun artrópodo presenta frecuentemente extensións internas, que se coñecen como endoesqueléticas, aínda que non constitúan verdadeiramente un endoesqueleto.

Esqueleto interno[editar | editar a fonte]

Un esqueleto interno consiste en estruturas ríxidas ou semirríxidas dentro do corpo, que se moven grazas ó sistema muscular.

Se tales estruturas están mineralizadas ou osificadas, coma nos humanos e outros mamíferos, chámaselles ósos. Outro compoñente do sistema esquelético son as cartilaxes, que complementan a súa estrutura. Nos seres humanos, por exemplo, o nariz e as orellas están sustentadas por cartilaxe. Algúns organismos teñen un esqueleto interno composto enteiramente de cartilaxe, sen ósos calcificados, coma no caso das quenllas. Os ósos e outras estruturas ríxidas están conectadas por ligamentos e unidas ao sistema muscular a través de tendóns.

Esqueleto fluído[editar | editar a fonte]

O esqueleto fluído ou hidrostático aseméllase a un globo cheo de auga, e é característico de organismos coma corais, medusas, anélidos, samesugas, entre outros. Estes animais poden moverse contraendo os músculos que rodean a bolsa de fluídos, creando unha presión dentro da mesma que xera movemento. Algúns vermes de terra usan o seu esqueleto hidrostático para cambiar de forma mentres avanzan, contraendo e dilatando o seu corpo.

Véxase tamén[editar | editar a fonte]

Ligazóns externas[editar | editar a fonte]