Cnidarios
| Cnidarios | |||||||||||||||
|---|---|---|---|---|---|---|---|---|---|---|---|---|---|---|---|
| Cnidaria Berthold Hatschek 1888  | |||||||||||||||
| |||||||||||||||
| |||||||||||||||
| Clasificación taxonómica | |||||||||||||||
|
Categoría taxonómica
| |||||||||||||||
|
Taxon superior
| |||||||||||||||
|
Taxon homónimo
| |||||||||||||||
| |||||||||||||||
| |||||||||||||||
| |||||||||||||||
| |||||||||||||||
| Wikidata C:Commons | |||||||||||||||
Os cnidarios (Cnidaria, do grego antigo κνίδη knídē, 'ortiga') son un filo que agrupa arredor de 10.000 especies de animais relativamente simples,[1] que viven exclusivamente en ambientes acuáticos, maioritariamente mariños. O nome deste filo é debido a unha característica diagnóstica que presentan estes animais: a existencia dunhas células chamadas cnidocitos, presentes nos tentáculos de todos os membros do filo e é inxectada ás presas cando rozan o cnidocilio do cnidocito.[2] Durante un tempo chamáronse tamén celentéreos.
Teñen simetría radial e o seu plan corporal é en forma de saco. Son os animais máis simples que presentan células nerviosas e órganos dos sentidos (estatocistos, ocelos). Son un grupo antigo, cunha larga historia fósil que se remonta, probablemente, á fauna de Ediacara, arredor duns 600 millóns de anos atrás. Dentro deste grupo están animais como os pólipos, as medusas ou os corais.
Características
[editar | editar a fonte]Os cnidarios son animais diblásticos con simetría radial primaria. As súas células se organizan en dúas capas que actúan como unidades funcionais (tecidos), aínda que moitas células inda gardan certa independencia e totipotencia.[3]
Teñen só dúas follas embrionarias, ectoderma e endoderma, carecendo por tanto de mesoderma, aínda que ás veces existe un tecido análogo (ectomesoderma) de orixe ectodérmica, non de orixe endodérmica como o auténtico mesoderma dos triblásticos, e do cal nunca derivan órganos internos complexos.
A súa organización corporal é en forma de saco; o aparato dixestivo ten un só orificio que actúa como boca e ano ao mesmo tempo, e unha cavidade gastrovascular en forma de saco onde se realiza a dixestión e que se utiliza tamén como sistema de distribución dos nutrientes e do osíxeno, e como sistema excretor.
Notas
[editar | editar a fonte]- ↑ Zhang, Z.-Q. (2011). "Animal biodiversity: An introduction to higher-level classification and taxonomic richness" (PDF). Zootaxa 3148: 7–12.
- ↑ Hinde, R. T. (1998): Capítulo "The Cnidaria and Ctenophora" in Anderson, D. T. (ed.) Invertebrate Zoology. Oxford University Press. ISBN 0-19-551368-1, pp. 28–57.
- ↑ Seipel, K., and Schmid, V. (xuño 2005). "Evolution of striated muscle: Jellyfish and the origin of triploblasty". Developmental Biology 282 (1): 14–26.
Véxase tamén
[editar | editar a fonte] |
Commons ten máis contidos multimedia sobre: Cnidarios |
 |
Wikispecies posúe unha páxina sobre: Cnidarios |
Bibliografía
[editar | editar a fonte]- D'Ancona, Humberto (1972): Tratado de Zoología. Tomo II. Zoología especial. 4ª ed. Barcelona: Editorial Labor, S. A.
- Hickman, C. P., Ober, W. C. & Garrison, C. W. (2006): Principios integrales de zoología. 13ª edición. Madrid: McGraw-Hill-Interamericana. ISBN 84-481-4528-3.
- Knoll, A. H. (2003): Life on a Young Planet. The First Three Billion Years of Evolution on Earth Princeton, New Jersey, USA: Princeton University Press. ISBN 0-691-00978-3
- Ruppert, Edward E., Fox, Richard S. e BARNES, Robert D. (2005):Zoologia dos invertebrados: uma abordagem funcional-evolutiva. 7º ed. São Paulo: Roca. ISBN 85-7241-571-8.
Outros artigos
[editar | editar a fonte]Ligazóns externas
[editar | editar a fonte]- Páxina sobre os Cnidarios da University of California Arquivado 01 de decembro de 2006 en Wayback Machine. (en inglés)
- Cnidarios páxina de Tree of Life Arquivado 01 de decembro de 2006 en Wayback Machine. (en inglés)
- Garería de cnidarios fósiles Arquivado 24 de outubro de 2007 en Wayback Machine. (en inglés)
- Wonders of the Seas: Cnidarians (en inglés)
- Sobre os hidrozoos (en inglés)
- "Hexacorallians of the world" [Hexacoralarios do mundo]. Arquivado dende o orixinal o 08 de setembro de 2018. Consultado o 14 de outubro de 2007. (en inglés)
