Ecdisozoos

Na Galipedia, a Wikipedia en galego.
Ecdisozoos
Ecdysozoa

Rango fósil: cámbrico - actualidade
Heterometrus spinifer
Heterometrus spinifer
Clasificación científica
Dominio: Eukarya
(sen clasif.) Opisthokonta
Reino: Animalia
(sen clasif.) Bilateria
Superfilo: Ecdysozoa
Aguinaldo et al., 1997
Filos

O dos ecdisozoos (Ecdysozoa) constitúe un suposto clado, ás veces considerado como un superfilo, de animais protóstomos,[1] que inclúe a artrópodos, (insectos, quelicerados, crustáceos, miriápodos), nematodos e varios pequenos filos máis, que teñen en común a posesión dunha cutícula externa (unha película resistente formada por secreción) e crecen por mudas ou écdise, que é o que lles dá o nome.

Descrición[editar | editar a fonte]

O clado non foi definido formalmente até 1997, por Anne Marie A. Aguinaldo e colaboradores, baseándose principalmente en árbores filoxenéticas construídas utilizando 18 xenes de ARN ribosómico.[2]

Porén, a súa pertinencia fora suxerida xa hai máis de un século, xa que os grupos que corresponden aproximadamente aos ecdisozoos foran propostos xa por Edmond Perrier en 1884,[3] e por Léon Gaston Seurat en 1920,[4] baseándose só na morfoloxía.

Etimoloxía[editar | editar a fonte]

O termo Ecdysozoa está formado polos elementos do latín científico ecdys- e -zoa, tirados das raíces das palabras do grego antigo ἐκδύω ekdýō 'espir', 'despoxar' e ζώον zoon 'animal', cun -o- intercalado para facilitar a pronuncia, e rematado co sufixo -a, indicando substantivo neutro plural. Literalmente: 'os animais que medran mediante mudas'.

Apoios e discrepancias[editar | editar a fonte]

Un amplo estudo publicado en 2008 por Dunn et al. apoia firmemente a suxestión de que os ecdisozoos constitúen un clado, é dicir, un grupo composto por un atepasado común e todos os seus descendentes.[5]

O grupo tamén está apoiado nos caracteres morfolóxicos e pode considerarse que inclúe a todos os animais que mudan o seu exoesqueleto (écdise).

Pero o clado foi contestado por unha significativa minoría de biólogos. Algúns propuxeron grupos baseados nas técnicas taxonómicas máis tradicionais,[6] mentres que outros impugnaron a interpretación dos datos moleculares.[7][8]

Filoxenia[editar | editar a fonte]

A sistemática clásica agrupaba os artrópodos cos anélidos no supergrupo dos articulados (Articulata), o cal está directamente emparentado cos moluscos, os nematodos e o resto de pseudocelomados quedando, neste esquema, filoxeneticamente afastados dos articulados porque non teñen celoma, non están metamerizados etc.

Por tanto, o recoñecemento dos ecdisozoos como supergrupo dentro dos protóstomos non foi aceptado por todos os zoólogos, reticentes a adoptar un cambio tan drástico na clasificación dos animais. Non hai acordo xeral sobre a monofilia dos ecdisozoos, aínda que recentes análises cladísticos parecen demostrala.

A partir da análise conxunta de datos morfolóxicos e moleculares de Zrzavý et al. (1998),[9] as relacións filoxenéticas dos ecdisozoos serían as seguintes:

Ecdysozoa
Cephalorhyncha

Priapulida



Kinorhyncha



Loricifera




Nematozoa

Nematoda



Nematomorpha



Panarthropoda

Onychophora



Tardigrada



Arthropoda





Por outra parte, a árbore filoxenética dos ecdisozoos suxerida por Dunn et al. (2008) é:[5]


Deuterostomia


Protostomia
Ecdysozoa



Tardigrada




Nematoda



Nematomorpha






Priapulida



Kinorhyncha






Onychophora




Pancrustacea




Myriapoda



Chelicerata







Lophotrochozoa



Notas[editar | editar a fonte]

  1. Telford, M. J.; Bourlat, S. J.; Economou, A.; Papillon, D. e Rota-Stabelli, O. (2008). "The evolution of the Ecdysozoa". Philos. Trans. R. Soc. Lond., B, Biol. Sci. 363 (1496): 1529–37. doi:10.1098/rstb.2007.2243. PMC 2614232. PMID 18192181. 
  2. Aguinaldo, A. M. A.; J. M. Turbeville, L. S. Linford, M. C. Rivera, J. R. Garey, R. A. Raff, & J. A. Lake (1997). "Evidence for a clade of nematodes, arthropods and other moulting animals". Nature 387 (6632): 489–493. doi:10.1038/387489a0. PMID 9168109. 
  3. Traité de Zoologie.
  4. Seurat, Léon Gaston (1920): Histoire naturelle des Nématodes de la Berbérie. Première partie. Morphologie, développement, éthologie et affinités des nématodes. Alger: Impr. de S. Stamel.
  5. 5,0 5,1 Dunn, C. W.; Hejnol, A.; Matus, D. Q.; Pang, K.; Browne, W. E.; Smith, S. A.; Seaver, E; Rouse, G. W.; Obst, M.; et al. (2008). "Broad phylogenomic sampling improves resolution of the animal tree of life". Nature 452 (7188): 745–749. doi:10.1038/nature06614. PMID 18322464. 
  6. Nielsen, Claus (1995). Animal Evolution: Interrelationships of the Living Phyla. Oxford University Press. ISBN 978-0-19-850682-9. 
  7. Blair, J. E.; Kazuho Ikeo, Takashi Gojobori e S. Blair Hedges (2002). "The evolutionary position of nematodes". BMC Evolutionary Biology 2: 7. doi:10.1186/1471-2148-2-7. PMC 102755. PMID 11985779. 
  8. Wägele, J. W.; T. Erikson, P. Lockhart, & B. Misof (1999). "The Ecdysozoa: Artifact or monophylum?". Journal of Zoological Systematics and Evolutionary Research 37: 211–223. 
  9. Zrzavý, J., Mihulka, S., Kepka, P., Bezdék, A. & Tietz, D. (1998): "Phylogeny of Metazoa based on morphological and 18S ribosomal DNA evidence". Cladistics, 14 (3): 249-285.

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Ecdisozoos Modificar a ligazón no Wikidata
Wikispecies
Wikispecies posúe unha páxina sobre: Ecdisozoos

Bibliografía[editar | editar a fonte]

  • Lake, J. A. et al. (1997): "Evidence for a clade of nematodes, arthropods and other moulting animals. Nature 387: 489-93. doi 10.1038/387489a0
  • Garey, J. R. (2001): "Ecdysozoa: the relationship between Cycloneuralia and Panarthropoda". Zoologischer Anzeiger, 240: 321-330.
  • Park, J.-K.; Rho, H. S.; Kristensen, R. M.; Kim, W. & Giribet, G. (2006): "First Molecular Data on the Phylum Loricifera – An Investigation into the Phylogeny of Ecdysozoa with Emphasis on the Positions of Loricifera and Priapulida". Zoological science, 23: 943-954. doi 10.2108/zsj.23.943
  • Petrov, N. B. & Vladychenskaya, N. S. (2005): "Phylogeny of protostome moulting animals (Ecdysozoa) inferred from 18 and 28S rRNA gene sequences. Molecular biology (Moscow), 39 (4): 590-601.
  • Podsiadlowski, L.; Braband, A. & Mayer, G. (2008): "The complete mitochondrial genome of the onychophoran Epiperipatus biolleyi reveals a unique transfer RNA set and provides further support for the Ecdysozoa hypothesis". Molecular biology and evolution, 25 (1): 42-51. [1]
  • Sørensen, M. V.; Hebsgaard, M. B.; Heiner, I.; Glenner, H.; Willerslev, E. & Kristensen, R. M. (2008): "New data from an enigmatic phylum: evidence from molecular sequence data supports a sister-group relationship between Loricifera and Nematomorpha". Journal of zoological systematics and evolutionary research, 46: 231-239. doi 10.1111/j.1439-0469.2008.00478.x

Outros artigos[editar | editar a fonte]

Ligazóns externas[editar | editar a fonte]