Cóccix

Cóccix
os coccygis
Instancia de clase de entidade anatómica  Subclase de óso irregular entidade anatómica particular óso humano  Parte de posterior part of pelvis (en)  Composto por Co1 vertebra (en) Co3 vertebra (en) Co2 vertebra (en) Co4 vertebra (en)
Características
Localización anatómica posterior part of pelvis (en)
Conéctase con sacro sacrotuberous ligament (en) sacrospinous ligament (en) gluteal aponeurosis (en)
Identificadores Freebase /m/01f7s_ MeSH D003050 Thesaurus do NCI C12696 TA 98 A02.2.06.001 CIE-11 541642128 OpenAlex C2776382857
Fontes e ligazóns  Descrito pola fonte Anatomía de Gray (20ª edición) pp. 106 Pequeno Dicionario Enciclopédico de Brockhaus e Efron "Q24781820 " Dicionario Enciclopédico Brockhaus e Efron "Q24447296 " Meyers Konversations-Lexikon, 4ª edición (1885–1890) "Q112803407 "
Wikidata C:Commons

O cóccix ou vértebras coccíxeas é a parte inferior da columna vertebral, articulada co sacro e formada por catro ou cinco vértebras soldadas, na especie humana, e que noutros vertebrados constitúe o esqueleto do rabo. Ao igual có sacro, resulta da fusión de varias vértebras. Neste caso, entre tres e cinco vértebras fusionadas. Só a primeira conserva apófises transversas (ás do sacro) e apófises articulares superiores. O resto de vértebras só posúen os corpos vertebrais fusionados. O tamaño das vértebras coccíxeas vai diminuíndo cara ao extremo inferior.

Articulacións do cóccix

Só se artella na parte superior, co sacro. Esta articulación é case inmóbil, e só presenta pequenos deslizamentos. As superficies articulares son:

• Apófises articulares inferiores do sacro
• Apófises articulares superiores do cóccix

Insercións musculares do cóccix

Na superficie posterior poden chegar insercións dos músculos glúteos, que van dende a cadeira ó fémur. Permiten certos movementos da articulación coxo-femoral.

Na superficie anterior insírese o músculo isquio-coccíxeo, que vai dende a espiña ciática do coxal ata a superficie anterior sacra. Forma parte do plano profundo do perineo ou chan da pelve.

Insercións ligamentosas

Insírese o ligamento sacro-ciático menor, que vai do cóccix ó coxal. Tamén se insiren ligamentos de reforzo da articulación sacro-coccíxea: o anterior, o posterior e os laterais. Os nomes xa definen a súa posición anatómica. Non obstante son ligamentos pouco importantes e nin sequera figuran en moitos atlas de anatomía humana.

Funcións do cóccix

Coma todos os ósos, ten función de sostén, mais o cóccix constituíu o esqueleto dun rabo similar ós dos outros primates. A nivel evolutivo perdeu esta función, pero aínda o empregamos para apoiarnos nel ó sentarmos.

Véxase tamén

Bibliografía

• Gray’s Anatomy of the Human Body.^{[cando?][cómpre nº de páxina]}
• Frank H. Netter: Atlas de Anatomía Humana 4ª Edición.^{[cando?][cómpre nº de páxina]}

Outros artigos

• Óso coxal